Matyu 6:32 - Udél Dwata: Gna Kesfasad ne Lomi Kesfasad

³² Ni se gel tnafa nawa yó kem tau là deng temngón ke Dwata. Okóm yóm Mà tekuy bè longit, deng eles tngónen yóm kwen mu ye du ni kem ni.

Matyu 6:32 Referans Kwoze

Matyu 6:8

Bê ye dnalang yóm kul nmò yó. Kaem deng eles tngón yóm Mà tekuy bè longit yóm wen mu tekuy du gu laan tekuy là deng mni du béléen.

Kun Snulat Luk 12:30

Ni se gel tnafa nawa yó kem tau là deng temngón ke Dwata. Okóm yóm Mà tekuy bè longit, deng eles tngónen yóm kwen mu ye du ni kem ni.

Ifisus 4:17

Ni eles hetgamahu kuy hlanu bè boluy yóm gónó tekuy mogot. Bê ye abay bud nmò yóm kul gel nmò yó kem tau là tngón le ke Dwata. Yóm kul kehedem yó, laen kô gónón e kól.

Kem Lingón 17:14

Hol lenwaem ou, Dwata, mlan bè yóm alì kegbek sigelem. Lenwaem ou bè yó kem tau són hendeen le ke wen gel guta le yóm igò le mowil. Hol tnafakem lu, Dwata. Ne yóm ktafakem kul yó, yake hol gefet bè yó kem ngà le efet bud kól bè yó kem lugod le.

1 Tisalunika 4:5

Bê ye abay gekteng du yóm nawa hdóyón, lómón yóm kul gel nmò yó kem tau là deng temngón ke Dwata.

Kem Lingón 103:13

Lómón yóm kbong nawahen kem ngaen yóm mà le, lómón yó se kbong nawa Dwata yó kem tau wen klikò le du.

Jirimaya 45:5

Yó kô hnebelem ke wen kegetahem? Béem nmò yóm yó. Okóm béem abay heblat nawam. Angat wen tey heglumfaku kul yóm kdéen tau bè nim benwu ni. Okóm kóm du, tendo kenlungu uu balù nô gónóm e solu, là kô wen tau hmatay kóm. Ou se Dwata nim mudél ni.” Là gomongen bè nili yóm tsaptér 46 kól bè tsaptér 51. Yó tulónen lemen yóm eles htugod Dwata ke Jirimaya gbak ebè yó kem hohon le. Eles tulón Jirimaya yó kem tau Israél yóm angat ktafak Dwata yó kem hohon le, duhen yó kem tau Idyip ne kem tau Flistin ne kem tau Muab ne kem tau Amunayt ne kem tau Idom ne kem tau bè Damaskus ne kem tau Kidar ne kem tau bè Ilam ne kem tau bè Babilun. Angat lus Dwata yó kem tau bè Babilun mò gemlà kul yó kem tau bnoluyen ni. Okóm kogolen bè yó Dwata fen gemlà kul yó kem tau Babilun. Kdê yó kem tau hohon Israél bnoluyen yó koni, wen se bélê le yóm là bud hen-gulék Dwata du, duhen yó kem tau Idom ne tau Flistin ne tau Damaskus ne tau Kidar ne tau Babilun. Lemwót bè yóm alì kehegmón le gónó Dwata là bud hemgulék kul.

Flipay 4:19

Ke Dwata kun, lemwót bè yóm tey kendengenen, gotu blayen kuy yóm gónó ye élél hlanen bè Krays Jisas.

1 Bok Kem Tau Hol Geta 19:6

Timbow temngel gu hmilol, ne tonen masà seblà bè kuluhen yóm mambang tnétê ne sotu sobuy hnok él. Ominen mken ne minum, ne ominen bud hlilil.