Matyu 6:27 - Udél Dwata: Gna Kesfasad ne Lomi Kesfasad

²⁷ Laen dù tau ke gbeken tódô htahà du udì ktauhen lemwót bè alì ktafa nawahen klowilen.

Matyu 6:27 Referans Kwoze

Kehedem Tau Tmolok 3:14

Deng eles tngónu balù kihu nmò Dwata, deng duhen yó ne. Là gbek tau temnù du, ne là se gbek le mkó du. Yó mu Dwata du nim ni anì wen klikò tau du.

Matyu 5:36

Ne bê ye abay tô safà kulu ye, yakem gbek ye se hbukay du duhen hfitem du balù sbalu bè yó kem wek ye.

1 Kurin 12:18

Okóm là kô yó du kmoen. Deng nmò Dwata yóm kun atul bè kmoen yóm lówó. Dê suen du, ne ket yóm suen du, sal stólóng muhen kul.

Matyu 6:25

Yó gónóhu mon du mò kuy,” mon Jisas, “bê ye abay tnafa nawa yóm kmò kken ye, ne yóm kmò kinum ye, duhen ke kmò knes ye. Sélét mom kken ye ne là gbek Dwata du, anì sem klowil ye du, Dwata tehe mò du. Ne sélét mom knes ye ne là gbek Dwata du, anì sem lówó ye yó du, Dwata tehe mò du.

Matyu 6:28

Ne moen de ke lenóngón ye nawa yóm kmò knes ye? Tenngel ye dé yó kem bulók lem bnes. Là kô le mò nmò kul, ne là se kô le mewel mò nes le.

Matyu 6:31

Duhen yó, bê ye abay tnafa nawa yóm kmò kken ye ne yóm kmò kinum ye ne yóm kmò knes ye.

Matyu 6:34

Duhen yó, bê ye tnafa nawa yóm elem haya. Yó he kehedem ye du yóm yó ke deng bangen sut bélê ye. Ke gel tnafa nawa ye yóm elem haya, olo ye mom bud temnù yó kem mgel deng gel sut bélê ye ket haya.”

Kun Snulat Luk 10:41

Okóm bnalà Jisas, monen, “Tey Marta, tey dê lenóngón nawam se kóm.

Kun Snulat Luk 12:11

Ke wen tau kmamo kuy lemwót bè yóm klolò ye do, ne ke nit le yu ebè yó kem gónó le gel stifun yó kem Ju mò gónó le kmukum kuy, duhen ke nit le yu ebè yó kem gubérnor duhen ke ebè yó kem dumu tau mogot benwu, bê ye abay tô lenóngón nawa yóm angat mò kbalà ye kul.

Kun Snulat Luk 12:22

Ne bud mudél Jisas ebè yó kem gel lemolò du, monen mò kul, “Bê ye abay tnafa nawa yóm kmò kken ye duhen ke yóm kmò knes ye.

Flipay 4:6

Béen gel tafa nawa ye balù kihu gel sut bélê ye. Okóm bè yóm gel kni ye bè Dwata, gotu hni ye béléen yóm wen mu ye du. Ne eles hmung ye du se yóm gel kdóyón ye du.

1 Pitér 5:7

Hbô ye ke Dwata dé yóm gel hemblat kuy, abay se tey nô bè nawahen yóm któbóngen kuy.