Matyu 6:22 - Udél Dwata: Gna Kesfasad ne Lomi Kesfasad

²² “Yóm mata ye,” mon Jisas, “hol henged solok lówó ye. Ke hyu mata ye, hol lómón ke lemayag lem lówó ye.

Matyu 6:22 Referans Kwoze

2 Kurin 11:3

Okóm tey gel ktafa nawahu kuy. Tnafa nawahu kô gsukat ye bè yóm tolok sekban, ne baling knogol nawa ye Krays, kô là nóen béléen nawa ye. Déke mkél ye ke Ib, gsukat bè alì khulungen mangkal yóm Seitan bè yóm tehe kehlinguhen bè ulal.

Kulasi 3:22

Ne yu kem tau klifen, hol gel nimón ye yó kem tau mfun kuy. Bê ye olo hton du ta ke wen nmò ye mò tô gónó le dmóyón kuy. Yake hol hewót ye lem but blutut ye yóm gel nmò ye lemwót bè yóm kadat ye du yóm gónó tekuy mogot.

Ifisus 6:5

Ne yu kem tau klifen, hol gel nimón ye yó kem tau mfun kuy lemwót bè yóm kadat ye kul. Hewót ye lem but blutut ye yóm kimón ye kul, hol lómón se ke Krays yóm nimón ye.

Kul Nmò 2:46

Ket kdaw le gel stifun ebè Gónô Dwata yó kem tau hemtahu bè Jisas ni. Gel le slawa, ne lel le gel segbót mken. Tey tendo gel kehyu nawa le ne tilob kessadat le.

Matyu 5:15

Laen se kô tau hemtom solok ke tlek mom bud hnokoben. Kaem yó dé kmoen du, suen bè gónón mfatu anì lemayag ebè kdéen tau lem gónô.