Matyu 6:19 - Udél Dwata: Gna Kesfasad ne Lomi Kesfasad

¹⁹ Bê ye kat alì henyu te tonok yóm kendengen ye. Ke bè yó gónó ye hemyu du, gbek kaba hemsidek du, ne nkê fak snéen yó kem dumuhen, ne gbek tau mnagaw husek elemen.

Matyu 6:19 Referans Kwoze

Hibru 13:5

Béen són bè filak gónón nô nawa tekuy. Yake tódô gsengel nawa tekuy bè kihu nô bélê tekuy. Yakà deng wen tehe mon Dwata, monen, “Là kô naw e tnagak kóm. Là kô naw e tódô bayà kóm.”

Kun Snulat Luk 12:21

Ne bud mudél Jisas ebè yó kem tau sbung bè yó, monen, “Yó se kmoen yóm tau ke alì sen-glomen kendengenen, okóm bè kton Dwata du, tau alì élél.”

Kem Udél Hlalak Tehe Selumun 16:16

Mom hyu he yóm kwahem yóm khulung hedem senta tahu blówón ne yóm kélékem yóm khulung temnef senta tembaga futì.

Kem Udél Hlalak Tehe Selumun 11:4

Laen kô muhen bè tau yóm kendengenen bè yóm kdaw katayen, okóm yóm ktedeng kmoen htahaen ktauhen.

Kun Snulat Luk 18:22

Timbow gungol Jisas nim monen ni, monen mò du, “Sotu he duen tolo gónóhem là deng sikof. Hbaluem yóm kdê nô béléem, ne blayem bè tu kem tau élél yóm blihen. Ke yó nmoem, angat wen tey kendengenem bè longit. Lemwót yó dum kóm, loloem o.”

1 Timuti 6:17

Hol hgefetem ebè yó kem tau wen kendengen le, bê le abay hton salù, ne bê le gentud nawa yóm kendengen le, abay se là tngón le du ke gfu. Dwata dé gentud nawa le, yakà béléen du gónón lemwót yóm kdéen, ne sal gel mtungan yóm blayen tekuy mò gónó tekuy hligal.

Kun Snulat Luk 12:33

Hebli ye yó kem kimu ye, ne blay ye bè yó kem tau élél yóm blihen. Ke yó nmò ye, lómón ke deng wen filak henyu ye bè longit bè yóm gónó hemyu filak là buden sidek. Ke wen ten-ginof ye bè longit, là kô wen fen mtón du ne laen se dù mnagaw du ne laen se dù kaba hemsidek du.

Sifanaya 1:18

Bè yóm kdaw alì kebut Dwata kul yó, laen kô dù lanen lemwà kul yó kem blówón bukay le ne yó kem tahu blówón le. Yóm kebut Dwata kul yó hol lómón ke ofi, angat gotu kenen yóm klamang tonok. Angat kendel nmoen són le yóm kdéen tau talak tonok.

Kun Snulat Luk 18:24

Ton Jisas yóm tey keblat nawahen yó, yó gónón mon du, “Tey mgel bè yóm tau wen kendengenen ke tô hogoten ke Dwata klowilen.

Kem Lingón 62:10

Béem tô nalu nawa ke tói mdengen ke mlan bè kgagahem duhen ke mlan bè knagawem. Ke temnù kendengenem, béem alì hsù du nawam.

Kem Lingón 39:6

Yóm igoen mowil te tonok yóm tau, hol lómón ke yóm olung. Tey kmoen nmò yóm tau, laen sem gónón e kól. Tey kendengen gel sentifunen, bede là tngónen du yóm tau angat mamà du.

Matyu 19:21

Bud bnalà Jisas se, monen, “Ke móyói hol gulit, tu ne muléki nam e hbalù kdê nô béléem, ne blayem bè tu kem élél yóm blihen. Ke yó nmoem, angat wen tey kendengenem bè longit. Ne lemwót yó dum kóm, loloem ou.”

Job 31:24

Ke són snaligu yó kem kendengenu, duhen ke són yó gónón mgel nawahu

Matyu 6:20

Ni dé nmò ye, henyu ye bè longit dé yóm kendengen ye. Abay se ke ditu gónó ye hemyu du, laen kô dù kaba gembek hemsidek du, ne là kóen nkê fak, ne laen dù hemnagaw du.

Kun Snulat Luk 12:39

Yó mò nit nawa ye, ke eles tngón yóm tau fun gónô yóm kmò kifu nan e knagaw lem gónóen yóm tau mnagaw, eles gabungen anì là guseken elem gónóen yóm tau mnagaw.