Matyu 6:12 - Udél Dwata: Gna Kesfasad ne Lomi Kesfasad

¹² Hol hnifótem kum kem salà me, lómón yóm gel kehlifót me yó kem tau gemsalà bélê me.

Matyu 6:12 Referans Kwoze

Ifisus 4:32

Yó tles nmò ye dé yóm kehyu kmò ye ebè kem dumu ye, ne yóm keskodu ye. Hol ye gel mahil seflifót, lómón yóm tehe kehlifót Dwata yóm kuy salà hlanen bè Krays.

Mark 11:25

Bè yóm gel kni ye bè Dwata, ke tolo mokol nawa ye yóm salaen bélê ye yóm sotu tau, yake tódô hol hnifót ye. Ke yó se nmò ye, angat hnifót yóm Mà tekuy bè longit se yóm kuy salà.

Ifisus 1:7

Lemwót bè yóm tehe fen katay Krays bélê tekuy, yó se gónó Dwata lemwà tekuy, duhen yó se yóm kmò kehlifóten yóm salà tekuy. Tey bong yóm któbóngen tekuy yó.

Kulasi 3:13

Yake hol ye sadat dé, ne hol ye seflifót ke wen gónó ye seglius. Lómón yóm deng kehlifót yóm gónó tekuy mogot yóm kut salà, hol lómón yó se kmò keseflifót tekuy.

Kun Snulat Luk 11:4

Hol hnifótem kum salà me, yakà gel hnifót me du yó kem tau gemsalà bélê me. Ne béem bayà mi ebè yóm tilów mgel.’ ”

Kun Snulat Luk 6:37

“Bê ye abay tódô hendeng kul kmò kem dumu ye tau,” mon Jisas, “anì là tódô hendeng Dwata du se yóm kuy kmò. Bê ye abay tódô tnuled kem dumu ye ke wen salà le anì là tódô tnuled Dwata kuy. Hol hnifót ye kem dumu ye ke gemsalà le bélê ye anì hnifót Dwata se yu ke wen kuy salà.

Kehewà 34:7

Là kô kóhu du yóm kbong nawahu tau efet kól bè yó kem hilu bud lugod le. Yó kmò kehegfanu du bélê le yóm nawahu yó, gel hnifótu yó kem sidek gel nmò le ne yóm là kimón le do. Okóm yóm tau ke là kóhen du yó kem sidek gel nmoen là gbeku du ke là tnafaku du, gomong megtafak yó kem ngà le ne témê le lenwóten bè tanay lugod le efet kól bè gfat lugod le.”

Kem Lingón 32:1

Hligal le kul yó kem tau deng hnifót Dwata bélê le yó kem salà le, ne ke là bud hendem Dwata du yó kem deng tehe gónó le mulé du.

Kem Lingón 130:4

Okóm deng tódô hnifótem mi, anì yó, wen klikò me mulé kóm.

1 Bok Kem Tau Hol Geta 8:39

hol hnungolem lu dyó bè yóm gónóem nô bè longit, ne hnifótem lu, ne tnóbóngem lu. Hol nmoem bè ket tauhem yóm hyu béléen, abay se tek són uu temngón du yóm nô lem hendem tau,

1 Bok Kem Tau Hol Geta 8:30

Hol hnungolem yó kem gel hnihu béléem, dalang se kul gel hni yó kem tauhem Israél igò me smolu ebè yóm Gónóem ni. Hol hnungolem mi igoem nô dyó bè gónóem nô bè longit, ne ke deng gungolem, hol hnifótem mi.

Isaya 1:18

Bud mon Dwata, “Hendeng tekuy ne yóm sentulón tekuy. Deng tódô hitem ktonu kuy lemwót bè yó kem salà ye, okóm angat nolobu yu anì baling ye hol mólós. Anien he ke lómón khitemen using kuleng yóm salà ye, bè yóm kolobu kuy hol lómón kbukay ye yóm snu.

Danyél 9:19

Ó Dwata, hol hnungolem ou. Ó Dwata, hol hnifótem mi. Hol henklinguhem ou ne bnalaem dou yóm hnihu béléem. Béi abay hgolun, Dwata, anì tngón yóm kdéen tau hol uu se yóm tahu Dwata, abay se yóm syudadem ne yó kem tauhem són kóm boluy yóm nwit le.”

1 Bok Kem Tau Hol Geta 8:34

hol hnungolem lu dyó bè longit, ne hnifótem yó kem salà le, ne bud nwitem lu semfulék ebè yóm tonok deng tehe blayem yó kem tehe fù le.

1 Bok Kem Tau Hol Geta 8:50

Hol hnifótem kdê yó kem salà deng nmò le béléem, ne kdê yó kem gónó le matù kóm. Henbalingem lu tau knodu yó kem hohon le,

Kul Nmò 13:38

Yó gónóm mon, kem dumuhu tau Israél,” mon Pol, “hol kóyóu ke tngón ye bè Jisas se gónó Dwata hlan du yóm kehlifóten salà kem tau. Bong bè yó dum klolò tekuy yóm hlau Musis, laen dù gónón mkó du salà te. Okóm ke nô kihu tau hemtahu bè Jisas, yó se gónón gewà gu lem salà.

Matyu 9:2

Bè yóm kkól le ditu, tódô glo Jisas yóm tau deng matay sfu lówóhen, sentihang le ebéléen. Timbow ton Jisas yóm alì kehtahu le béléen, yó gónón tódô mon du ebè yóm tau matay sfu lówóhen, “Hol hgelem nawam, Man. Deng hnifótu ne yó kem salaem.”

Matyu 26:28

Ni se dou litô mò hemget du yóm deng fasad Dwata bè kem kun tau. Ne tey dê tau gónón gamà nim litóu ni mò lan Dwata hmifót salà le.

Kun Snulat Luk 13:4

Ne bud yó kem sfolò wolu tau deng matay bè Silom,” monen, “gdilanen lu yóm gónô geta deng hugón. Bud yó kô kehedem ye du abay se alì bong yóm kul salà senta yóm salà yó kem dumu tau bè Jirusalim?