Matyu 5:9 - Udél Dwata: Gna Kesfasad ne Lomi Kesfasad

⁹ Tey kehyuhen bélê le kul yó kem tau ke hulung le semfyu kem dumu le, abay se angat bnoluy Dwata lu kem kun ngà.

Matyu 5:9 Referans Kwoze

Hibru 12:14

Hol tilów ye són gel ye mit kenek nawa bè kem dumu ye. Hotu ye nawa ye mò du yóm hyu anì laen dù belenen yóm gel nmò ye. Ke tlek wen belenen yóm gel kmò tekuy, sélét mom tô angat ton tekuy ne yóm gónó tekuy mogot.

Sulat Pol Ebè Yó Kem Tau Hemtahu Bè Rom 12:18

Hol tilów ye són gel ye anì laen dù gónó ye mit sfatay bè kem dumu ye tau.

Glasya 5:22

Okóm ke tendo tekuy halak bè Tulus Dwata, wen bunguhen. Yó bunguhen, duhen yóm kesbong nawa, ne yóm kligal, ne yóm kenek nawa, ne yóm kanay nawa, ne yóm kganag nawa, ne yóm kehyu kmò, ne yóm kteneb nawa,

Kem Lingón 120:6

Tey kegenu nô lem blóng yó kem tau kenbê le ke menek benwu.

Sulat Pol Ebè Yó Kem Tau Hemtahu Bè Rom 8:14

Yó kem tau tendo halak bè Tulus Dwata, lu se hol tahu kun ngà Dwata.

Kun Snulat Luk 6:35

Okóm kuy du,” mon Jisas. “hol kenbong ye nawa yó kem hohon ye, hol henyu ye kmò ye ebélê le. Ke hutóng ye, bê ye bud snolò. Ke lómón se ni gel nmò ye, tey angat ofol ye, ne angat ngaen yu yóm Dwata alì geta bè kdéen. Abay se yóm Dwata, balù yó he kem tau laen dù nawa skodu bélê le ne yó kem tau sidek nmò le, ewenem sana tey kkoduhen kul.

2 Kurin 13:11

Duhen yó, kem dumuhu setwoli, hol ye gel hgulit. Hol hnungol ye ni kem hlauhu kuy ni. Hol sensotu ye kut nawa ye. Bê ye bud hesgólól kehedem ye. Ke ni se nmò ye, beyen bélê ye Dwata. Du se gónón lemwót yóm kesbong nawa ne yóm kenek nawa.

Kulasi 3:13

Yake hol ye sadat dé, ne hol ye seflifót ke wen gónó ye seglius. Lómón yóm deng kehlifót yóm gónó tekuy mogot yóm kut salà, hol lómón yó se kmò keseflifót tekuy.

Kem Lingón 34:12

Móyô ye kô ke gsengel nawa ye du yóm klowil ye? Móyô ye kô ke tahà klowil ye ne ke wen kligal ye?

Matyu 5:48

Yó gónóm mon, hol ye hgulit, lómón kgulit yóm Mà tekuy bè longit.”

2 Kurin 5:20

Ne duhen yó, mi se gel hógów Krays mò mit yóm kun tulón. Hol lómón ke Dwata fen mudél ebélê ye, okóm hlanen bélê me. Yó udél hwit Krays kum, monen, “Géhél ye mit sefyu ebè Dwata ne.”

Kul Nmò 7:26

Tikóng deng bud hayahen bè yó, bud wen ton Musis lewu tau sfatay hono tau Israél. Yó nmò Musis kun, fen tô senfyuhen lu, yó monen, ‘Bê ye mom sfatay igoen honon yu.’

Matyu 5:45

anì mkél tekuy bè yóm kut Mà bè longit. Ngem se kun, tódô gel homong hnóngen yóm kdaw ebè yó kem tau sidek nmò le. Senged se bè yóm kulón, là són du bè yó kem tau tedeng kmò le gónó Dwata hkulón du. Gomong snéen yó kem tau là tedeng kmò le.

1 Kurin 6:6

Mom yó nmò ye, skukum hono kem tau hemtahu, ne fen hkukum ye tu kem tau là hemtahuhen.

Flipay 4:2

Ni wen udélu ebè yó kem lewu libun Iyudiya ne Sintika. Yó hol kóyóu bélê ye ke géhél ye sotun lemwót bè yóm kesetwoli ye bè yóm gónó tekuy mogot.

Kun Snulat Luk 20:36

Angat le mkél bè yó kem gel hógów Dwata nô bè longit, abay se là bud le matay. Deng le gotu baling ngà Dwata lemwót bè yóm deng klowil Dwata kul.

Ifisus 4:1

Duhen ni, wen hlolou kuy, ou se yóm tau deng geblanggù lanu mò du yóm hmoen dou yóm gónó tekuy mogot. Bê kwit ye ktau ye, hol nmò ye sen yóm nmò seklóón ebè yó kem tau deng tnaba Dwata.

Sulat Pol Ebè Yó Kem Tau Hemtahu Bè Rom 8:16

Yó sem Tulus Dwata heglileb du tekuy yóm deng kngaen tekuy Dwata.

Sulat Pol Ebè Yó Kem Tau Hemtahu Bè Rom 8:19

Tódô kdê yó kem deng dlimun Dwata, tey kessangat le du se kul yóm kdaw angat kehegfan Dwata du yóm deng kngaen tekuy.