Matyu 5:8 - Udél Dwata: Gna Kesfasad ne Lomi Kesfasad

⁸ Tey kehyuhen bélê le kul yó kem tau ke laen dù belenen yóm kehedem le, abay se angat ton le Dwata.

Matyu 5:8 Referans Kwoze

Kem Lingón 24:4

Yó knóón mò du, duhen yó kem tau laen dù belenen yóm kekdol le ne yóm kehedem le. Là tmaba le ebè yó kem dwata lenbù nmò, ne là tódô le mò fasad hkawang.

Kem Lingón 51:10

Ó Dwata, suem béléu yóm nawa laen dù belenen. Bud hnomihem dou kehedemu, ne blayem dou yóm là konol nawahu ebéléem.

Hibru 10:22

Yó gónóm mon, hol tekuy hloni ebè Dwata dé. Hol hewót tekuy lem but blutut tekuy yóm kehloni tekuy yó, mung du yóm hol kehtahu tekuy béléen. Yakà deng hólósen tekuy Jisas, yó gónón deng mkó ta tekuy ne yó kem salà tehe gel hemblat tekuy. Hol lómón ke deng denyohen tu lem yóm tey él tikaw.

Hibru 12:14

Hol tilów ye són gel ye mit kenek nawa bè kem dumu ye. Hotu ye nawa ye mò du yóm hyu anì laen dù belenen yóm gel nmò ye. Ke tlek wen belenen yóm gel kmò tekuy, sélét mom tô angat ton tekuy ne yóm gónó tekuy mogot.

Kem Udél Hlalak Tehe Selumun 22:11

Yóm tau henlomen yóm klaen dù belen kehedemen ne yóm alì kehyu yó kem udélen, yó se gónón geswè bè yóm tau hol geta.

Sulat Jim 4:8

Hol ye hloni ebè Dwata anì hloni ebélê ye snéen kun. Yu kem tau mò sidek, kó ye ne yó kem sidek gel nmò ye. Ne yu kem tau hemtedeng knô, hólós ye kmò kehedem ye dé.

1 Pitér 1:22

Lemwót bè yóm deng kimón ye yóm ktahuhen, deng ye baling mólós ne, ne deng wen ne yóm tahu kesbong ye nawa. Hol hewót ye lem nawa ye yóm kesbong ye nawa yó.

Sulat Jim 3:17

Okóm yóm tau ke lemwót bè Dwata yóm ketngónen, laen kô dù belenen. Gel nmoen yóm gónón menek bè kem dumuhen, lelen ganag nawahen ne wen khulungen mit swè. Tey gel knoduhen kem dumuhen ne lelen hyu kmoen ebélê le. Là kô ton tekuy du béléen yóm nawa kmihu ne laen se kô lafinen yóm nawahen.

Taytus 1:15

Yó kem tau deng mólós kehedem le, sal gel mólós se kehedem le du yóm kdéen ton le. Bede kul yó kem tau là mólós kehedem le, tau là mimón ke Dwata, là kóen mólós bélê le kul yóm kdéen ton le, abay se là buden tedeng ne kehedem le, ne laen dù bud bemekel nawa le.

Kem Lingón 15:2

Yó olo knóón, són yóm tau tendo mimón ke Dwata, ne laen dù belenen yóm gel nmoen, ne hono tahu yóm gel btang bè sumóngen, laen kô dù bool kestulónen,

Kul Nmò 15:9

Laen kô gónó Dwata semtólóng tekuy bélê le. Deng hnifóten salà le lemwót bè yóm deng kehtahu le bè Jisas.

Kem Lingón 73:1

Tey hyu nmò Dwata bè yó kem tau Israél, bè yó kem tau laen dù boolen yóm knawa le.

Hibru 9:14

Ke tehe wen ktueden yóm kul litô yó kem ógóf, milud he ktueden yóm kun litô Krays. Mlan bè kun tóbóng yóm Tulus Dwata laen dù tul katayen, yó gónó Krays tódô hamà du yóm kun klowil mò dsuen ebè Dwata, yóm dsù tódô ket du. Yóm litô dsuen yó, gbeken mkó du bélê tekuy yóm sidek gel hemblat tekuy lemwót bè yóm là kegtóbóngen tekuy yó kem dê tehe gel lolò tekuy. Ne ni kmoen ni, gbek tekuy mò du yóm hmò Dwata tekuy, yóm Dwata laen dù tul katayen.

2 Kurin 7:1

Tu se koni, kem dumuhu sogot nawa, yóm deng fasad Dwata tekuy. Duhen yó, gotu kó tekuy ne yóm kdéen sidek gel nmò tekuy, dalang se yóm kdéen sidek gel hendem tekuy anì laen dù bud belenen yóm gel kmò tekuy. Yó gónó tekuy mò du nim ni anì hol gfan yóm klikò tekuy ke Dwata.

Kem Lingón 18:26

Bè yóm tau laen dù belenen, bud hegfanem béléen se yóm kóm klaen dù belen. Okóm bè yó kem tau sidek nmò le, bud sidek se nmoem bélê le.

1 Kurin 13:12

Yóm ketngón tekuy ke Dwata nim kmoen ni, hol lómón ke temngel tekuy elem yóm ma olung là holen tikaw. Okóm angat wen kdawen tódô tekuy suyó du. Nim kmoen ni, là dengen hol ket he yóm ketngón tekuy du. Okóm bè yóm kdaw yó, angat tódô ket du, hol lómón yóm deng ketngón Dwata tekuy nim kmoen ni.

Deng Hegfan 22:4

Deng le hol tahu suyó ke Dwata ne, ne yóm kun boluy Dwata, sket snulat lem uyó le.

Tekang Kbuten 32:30

Yó udél Jakub, monen, “Denge tódô suyó ke Dwata dou, hol là bangen du ke là mataye.” Ne yó boluyen du yóm benwu yó, Pinyél.

Kem Lingón 51:6

Okóm yó gel sen-galuhem béléu yóm klaen dù kéngu lemwót bè kedket nawahu ebéléem, Ke yó se kóyóem béléu, Dwata, tolokem dou sen yóm khulung hedem lemwót béléem.

2 Samwél 22:27

Bè yóm tau laen dù belenen, bud hegfanem béléen se yóm kóm klaen dù belen. Okóm bè yó kem tau sidek nmò le, bud sidek se nmoem bélê le.