Matyu 5:6 - Udél Dwata: Gna Kesfasad ne Lomi Kesfasad

⁶ Tey kehyuhen bélê le kul yó kem tau ke hol nô bè nawa le mò du yóm kun kóyô Dwata, abay se Dwata angat hol hegsengel nawa le.

Matyu 5:6 Referans Kwoze

Kun Snulat Jan 4:14

Okóm yóm tau minum yóm él dou blay, là kóen na a bud meeng. Yóm él blayu yó, baling sfut él mò gónó gmuta yóm klowil laen dù sónen.”

Kem Lingón 107:9

Hegsengelen nawa yó kem meeng, ne hegtuhen yó kem bitil bè yó kem hyu deng blayen kul.

Kun Snulat Jan 6:27

Bê ye kat alì sen-galu yóm ken wen sónen. Yó dé hol sen-galu ye yóm ken gónó ye gmuta du yóm klowil laen dù sónen. Yóm ken monu ni, ni se yóm ken angat blayen kuy yóm Ngà Tau, abay se yóm Dwata, kun Mà, deng bemlay du béléen yóm kfasangen mò du.”

Kem Lingón 145:19

Gel blayen bè yó kem tau wen klikò le du yóm wen mu le du. Hnungolen yóm alì kni le béléen, ne lenwaen lu.

Kun Snulat Jan 7:37

Bè yóm kmò le ken yó, alì bong muhen bélê le yóm hol són kdaw. Bè yóm kdaw yó, mdà lem blóng le Jisas, hgelen udélen, monen, “Yóm tau meeng, mógów ebéléu dé nan e minum.

Deng Hegfan 7:16

Là kô bud wen kbitil le duhen ke wen kleeng le. Ne là se kô bud gnóm le du yóm sidek ékét kdaw.

Kun Snulat Luk 6:21

Tey kehyuhen bélê ye kuy, yu kem tau bitil nim kmoen ni, abay se angat ye gemtu. Tey kehyuhen bélê ye kuy, yu kem tau gel mkik nim kmoen ni, abay se angat ye kmuli.

Isaya 44:3

Angat nmou él gu lem yóm benwu balù udì ke tehe wen élen. Ne wen él hlelu bè yóm tonok alì sidek kékéngen. Ne tódô suu bè yó kem ngà ye yóm dou Tulus ne tey któbóngu yó kem sfu ye.

Kun Snulat Luk 1:53

Yó kem tau élél, gsengel nawa le du yóm hyu gel blayen kul. Bong yó du kem tau wen kendengen le, tódô huléken lu laen dù nit.

Kem Lingón 65:4

Hligal le kul yó kem tau nélékem, yó kem tau nitem edyó béléem bè kóm Gónô. Tey kegsengel nawa me du yó kem hyu nô lem Gónóem, ne yó kem tóbóngem kum lemwót lemen.

Isaya 25:6

Bè yóm bulul Sayun ni, angat wen tey ken bong nmò Dwata du yóm Dwata laen dù là gbeken du. Nmoen bè yó kem kun tau bè klamangen benwu yóm ken alì tilob ne yóm ninum alì mnóm.

Kem Lingón 84:2

Hol kóyóu ke bude nô bè yó. Tey khahuu du yóm Gónóem, Dwata. Tahu lemwót bè nawahu hligal lemingón ebè yóm Dwata laen dù tul katayen.

Kun Snulat Luk 6:25

Tey kodu ye kuy kem tau gel hebsow ni kmoen ni, abay se angat ye mulék bitil. Tey kodu ye kuy kem tau tendo gel hligal kmuli ni kmoen ni, abay se angat ye mulék langag.

Isaya 41:17

Bè yóm kdaw alì ksidek kleeng le yó kem dou tau, mebel le él bede laen kô dù ton le. Tódô mékéng lem lihol le. Timbow le hkodu béléu, tódô kendel bnalau lu. Abay se ou se kul Dwata yó kem tau Israél yóm hol gónó mogot. Là kô gbeku tódô mayà kul.

Kem Lingón 63:5

Angat tey kegsengel nawahu du yóm kehlonihu béléem, hol lómón ke hdengene mken bè yóm mò ken bong. Hligale lemingón béléem mò gónóhu dmóyón kóm.

Kem Lingón 17:15

Lemwót bè kmou du yóm tedeng, yó gónów angat mton kóm. Soke bud mowil gsengel nawaw, abay se deng te tódô suyó.

Kem Udél Hlalak Tehe Selumun 10:24

Sal gefet béléen yóm alì knikò yóm tau gel mò sidek, okóm yóm tau tedeng kmoen yóm kun hendeen tonen snéen.

Kem Udél Hlalak Tehe Selumun 21:21

Yóm tau sen-galuhen yóm ktedengen ne kogot nawa tau béléen tonen se ktahà ktauhen ne kadat tau du.

Jirimaya 31:25

Yakà angat kóhu du bè yó kem tau yóm alì kliteg le ne benlayu kligal yó kem langag.”