Matyu 5:5 - Udél Dwata: Gna Kesfasad ne Lomi Kesfasad

⁵ Tey kehyuhen bélê le kul yó kem tau ke là hegeta le knô le bè kem dumu le, abay se angat guta le yóm deng fasad Dwata kul.

Matyu 5:5 Referans Kwoze

Kem Lingón 37:11

Okóm yó kem tau heglaan le knô le, gfun le yóm tonok tehe fasad Dwata kul, ne tilob kógów klowil le, ne tendo menek kbenwu le.

Sulat Jim 3:13

Wen kô bélê ye temngón ne hulung hedem? Són sem bè khulungen mit ktauhen gónóhen gfan ke tahu duhen, ne bè yóm kehyu kmoen, mung du yóm khulungen heglaan mlan bè ketngónen.

Kem Lingón 149:4

Abay se yóm Dwata, tey hligal bè yó kem tauhen. Wen ofol blayen yó kem tau hulung heglaan, duhen yóm kehewaen kul.

Glasya 5:23

ne yóm khulung heglaan, ne khulung mafas nawa. Ke deng gotu glolò tekuy ni kem ni, laen kô dù gulé tekuy du yó kem hlau Musis.

Sulat Jim 1:21

Yó gónóm mon, hol kó ye yó kem kdê gel nmò ye là mólósen, ne yó kem dumu sidek gel nmò ye. Nimón ye Dwata dé, ne henmóyô ye yóm udélen deng hnóen lem hendem ye, kaem yó se gembek hegewà kuy gu lem hatay.

Kem Lingón 25:9

Toloken yó kem tau hulung heglaan yóm tedeng, ne toloken kul yóm kun lan.

Lista 12:3

Blaem nim Musis, tey tau hulung heglaan laen kô gemsenged du bè kdéen tau talak tonok yóm khulungen heglaan.

Kulasi 3:12

Yu se yó kem tau Dwata, kem tau kenbong nawahen, kem tau deng néléken mò kun nfun. Duhen yó, hol dnalang ye yóm nawa skodu ne yóm nawa sbasa, ne yóm keheglaan ye bè kem dumu ye. Ne hol dnalang ye snéen yóm kganag nawa ne yóm khanay nawa.

Matyu 11:29

Tles nbô ye dé yóm dou nbô, ne hol ye dmalang béléu, abay se ganag nawahu, ne là kóe hegeta knô. Ke yó se kuy nmò, là kô ye na e bud miteg.

Ifisus 4:2

Hol dnalang ye dé yóm keheglaan ne yóm kganag nawa ne yóm khanay nawa. Hol hegfan ye yóm kesbong ye nawa bè yóm gel kessadat ye.

1 Pitér 3:15

Okóm hewót ye bè nawa ye dé mimón ke Krays, ne hol nadat ye, yakà du se yóm gónó ye mogot. Eles tendo hendem ye yóm kmò kbalà ye du ke wen tau smólók du yóm hendón nefet nawa ye.

Sifanaya 2:3

Hloni ye bè Dwata se kuy, kem tau hulung heglaan bè nim benwu ni, kem tau gel mò du yóm kun kóyô Dwata. Hol nmò ye yóm tedeng ne hol ye heglaan bè Dwata. Là tngón te du déke laen dù tódô kuy bè yóm kdaw kehton Dwata du yóm alì sidek kebuten tau.”

Taytus 3:2

Bê le abay sentulón yó kem dumu tau. Bê le abay mit sgés. Yake hfulung le mit swè bè kem dumu le, ne hfulung le hemganag nawa le bè kdéen tau.

Kem Lingón 37:22

Yó kem tau tnóbóng Dwata, gotu gfun le yóm tonok tehe fasaden kul. Okóm yó kem tau tnuleden, tódô hdó le lu ta yóm tonok yó.

Kem Lingón 37:9

Yó kem tau smalig ke Dwata, angat le gemfun bè yóm tonok tehe fasad Dwata kul. Okóm yó kem tau mò sidek, angat hdó le lu.

1 Pitér 3:4

Okóm yóm ktilob ye, yake bè nawa ye hol gónón lemwót, abay se yóm ktilob nawa yó, là kóen lana bélê ye. Ne tey hyu kton Dwata du yóm libun ke hol ganag ne menek nawahen.

Isaya 11:4

Tey tedeng kkukumen kul yó kem tau élél ne nfihen yó kem tau laen dù genbek le. Lemwót bè kun udél gónó le megtafak yó kem tau hemsidek kul ne gónó le matay yó kem tau sidek nmò le.

Kem Lingón 25:13

Angat mdengen klowil le, ne angat gfun kem ngà le yóm tonok le.

1 Timuti 6:11

Okóm kóm, Timuti, uu se tau Dwata, holi hlayuk du kóm ni kem ni. Hol sen-galuhem yóm nawa btol, yóm nawa gulit, nawa hulung hbala, nawa ganag. Hol naluhem ketnù yóm kehtahuhem bè Dwata ne yóm kbong nawahem kem dumuhem.

Kem Lingón 69:32

Ke ton yó kem tau gel hen-gnok le yóm kdóyónu kóm, tey kehyu nawa le. Tey kegdufen kul yó kem tau gel tmaba ebéléem.

Kem Lingón 37:29

Yó tles mfun du, yó kem tau tedeng kmò le, ne laen dù sónen yóm knô le tahen.

Kem Lingón 37:34

Dwata dé nefet nawahem, ne nimónem yóm kdê hlauhen. Ke yó se nmoem, angat tey kadaten kóm Dwata mlan bè keblayen du kóm yóm tonok mò gónóm nô. Angat tonem yóm kehdóhen kul bè yóm tonok yó, yó kem tau gel mò sidek.

2 Timuti 2:25

Ne ke wen tau semkuya du yóm kun tulón, hol hen-ganagen nawahen tmulón du kul yóm gónó le là segtud. Déke fen tenles Dwata he yóm hendem le, ne dilô le yóm hol ktahuhen,

Sulat Pol Ebè Yó Kem Tau Hemtahu Bè Rom 4:13

Tehe yu ekni, wen fasad Dwata ke Abraham ne bè yó kem semfu gu béléen. Yó fasaden kul, lu angat mogot yóm klamangen benwu. Là kóen mlan bè klolò Abraham du yóm hlau Musis gónó Dwata hlan du béléen yóm fasad yó. Okóm mlan bè yóm kehtahuhen ke Dwata. Són yó se gónón tedeng kton Dwata du, són bè yóm kehtahuhen.

Kem Lingón 147:6

Gel tnóbóng Dwata yó kem tau hulung heglaan, okóm fen ndaen lem tonok yó kem tau gel mò sidek.

Matyu 21:5

“Hol tulón ye yó kem tau menwu bè Sayun, mon ye, Ngem deng sut yóm tau hol geta bélê ye, tau là kóen hegeta knô, smakay asnu. Snakayen yóm nati asnu.”

Isaya 60:21

Tódô kdê yó kem tauhem, Jirusalim, angat gotu nmò le yóm tedeng. Laen kô dù tul sónen yóm angat kfun le yóm tonok deng blayu kul. Hol lómón ke huluhu lu yó kem tau deng nmou mò gónón gfan yóm kegetahu bè kdéen.

Isaya 61:1

Yóm Dwata hol dandónen geta gónóhu mogot, deng suen béléu yóm Tulusen. Deng néléken ou ne hógówen ou mò mit yóm tulón hyu bè yó kem tau élél ne mò hemyu nawa yó kem tau deng lebà nawa le ne mò fen heglalag du bè yó kem tau negef ne bè yó kem tau blanggù yóm kegewà le.

Kem Lingón 22:26

Bè yóm kdaw yó, tey kehdengen le mken yó kem tau élél. Ne tey kdóyón le ke Dwata yó kem tau hloni ebéléen. Hol laen kô dù tul sónen yóm kehyu Dwata klowil le.