Matyu 5:48 - Udél Dwata: Gna Kesfasad ne Lomi Kesfasad

⁴⁸ Yó gónóm mon, hol ye hgulit, lómón kgulit yóm Mà tekuy bè longit.”

Matyu 5:48 Referans Kwoze

Sulat Jim 1:4

Ne kesok gbek ye hbala, baling ye gulit, ne tódô ye ket bè yóm kehtahu ye.

Hlolò 19:2

“Tulónem yóm kdéen tau Israél yóm udélu ni, monem mò kul, Hol béen abay wen belen ye, yakà ou du yóm sana kuy Dwata hol gónó mogot, yóm laen kô dù belenen.Yóm ket sotu bélê ye, hol nadaten maen ne yéen ne hol loloen yóm hlolò bè Kdaw Kehegnô lómón yóm deng hlolou kuy. Ou se yóm sana kuy Dwata hol gónó mogot.

Kun Snulat Luk 6:36

Hol knodu ye kem dumu ye tau lómón yóm kun kkodu kem tau yóm Mà tekuy bè longit.”

Dwata 18:13

Okóm bélê ye kuy, hol bê ye abay hili nawa ye ebè Dwata.”

Kulasi 1:28

Duhen ni, laen dù dumu tulón me bè kdéen tau, són Krays. Gel hlan me bè khulung hedem yóm kehetgama me kul, ne yóm ktolok me kul. Yó gónó me mò du anì hol le gulit yóm ket kul na sotu bè yóm kdaw kwit me kul bè solu Dwata yó kem tau deng ssotu bè Krays.

1 Jan 3:3

Ke yó tendo nefet nawahen yóm tau yóm angat kkélen ke Krays, béen abay nmò belenen yóm gel nmoen, abay se yóm Krays, laen kô belenen yóm kun kmò.

2 Kurin 7:1

Tu se koni, kem dumuhu sogot nawa, yóm deng fasad Dwata tekuy. Duhen yó, gotu kó tekuy ne yóm kdéen sidek gel nmò tekuy, dalang se yóm kdéen sidek gel hendem tekuy anì laen dù bud belenen yóm gel kmò tekuy. Yó gónó tekuy mò du nim ni anì hol gfan yóm klikò tekuy ke Dwata.

Kun Snulat Luk 6:40

Yóm tau ke hanà tolo dmalang, là kóen geta senta yóm tau tmolok du. Okóm yóm tau ke deng megtolok, angat guliten yóm tau tmolok du.”

Matyu 5:16

Yake lómón yó se gel kmò ye bè yóm kuy layag. Hol nmò ye yóm hyu anì ton kem dumu tau, ne anì dóyón le yóm Mà tekuy bè longit.”

Tekang Kbuten 17:1

Timbow deng syóm folò syóm ne halay Abram, bud hegfan béléen Dwata ne monen mò du, “Ou se yóm Dwata laen dù là gbeken du. Hol tendo nimónem ou ne hol nmoem yóm tedeng.

Matyu 5:45

anì mkél tekuy bè yóm kut Mà bè longit. Ngem se kun, tódô gel homong hnóngen yóm kdaw ebè yó kem tau sidek nmò le. Senged se bè yóm kulón, là són du bè yó kem tau tedeng kmò le gónó Dwata hkulón du. Gomong snéen yó kem tau là tedeng kmò le.

Kulasi 4:12

Tey gel kólóm Ipafras kuy snéen kun sotu tau lemwót dyó bélê ye, yóm sotu tóbóng lówó Krays Jisas. Tey gel knihen bélê ye bè Dwata anì hol hbegelen yóm kehtahu ye, ne anì hol gtukul ye yóm kun kóyô bélê ye Dwata ne anì hol gulit klolò ye du.

2 Kurin 13:9

Mom hyu nawa me gemnóm du ke wen gónó me lunog, syan ke kemgis ye yó dum kuy. Duhen yó, yó gel hni me bélê ye bè Dwata anì baling ye gulit.

Kem Lingón 37:37

Okóm hol hennagiem yóm tau hyu kmoen, yóm tau tedeng kmoen, yóm tau menek kehedemen. Tey wen semfu gu béléen.

2 Kurin 13:11

Duhen yó, kem dumuhu setwoli, hol ye gel hgulit. Hol hnungol ye ni kem hlauhu kuy ni. Hol sensotu ye kut nawa ye. Bê ye bud hesgólól kehedem ye. Ke ni se nmò ye, beyen bélê ye Dwata. Du se gónón lemwót yóm kesbong nawa ne yóm kenek nawa.

Ifisus 3:1

Yó gónóm mon, tey gel knihu bélê ye bè Dwata. Ou se Pol, yóm tau geblanggù lanu gel lemolò ke Krays Jisas, ne lanu gel tmolok lem blóng ye yu kem tau là Ju le.

2 Samwél 22:31

Yóm kun klan Dwata, hono tedeng. Sal dohò ke wen fasaden. Dwata se klung yó kem tau gel hofin béléen.

Matyu 5:47

Laen kô dù kayen yóm kuy kmò ke són yó hnódó ye, són yó kem hol kuy wè. Balù yó he kem tau là setngón ke Dwata, sana kul kesfódó se kul.

Dwata 27:10

Yó gónóm mon, hol nimón ye ne hol bê ye abay nulé yó kem kun hlau deng tulónu kuy kemdaw ni.”