Matyu 5:47 - Udél Dwata: Gna Kesfasad ne Lomi Kesfasad

⁴⁷ Laen kô dù kayen yóm kuy kmò ke són yó hnódó ye, són yó kem hol kuy wè. Balù yó he kem tau là setngón ke Dwata, sana kul kesfódó se kul.

Matyu 5:47 Referans Kwoze

Kun Snulat Luk 6:32

Ke són yó olo tô kenbong nawa ye, són yó kem tau gel kembong nawa kuy, lugi ye hemdeen du ke tô tnóbóng Dwata yu. Anì se yó du kem tau mò sidek, sana kul kbong nawa yó kem kembong nawa kul.

Matyu 5:20

Tódô tulónu kuy,” mon Jisas, “song ye gmung bè yó kem tau nogot Dwata bè longit ke hol ye hgulit lemolò du yóm kun kóyô Dwata senta yóm kul kgulit yó kem tau tmolok hlau ne yó kem Farisi.”

1 Pitér 2:20

Ke wen gónó le tmafak kuy lemwót bè kuy salà, baluen ke gbek ye hembala du, là kô dóyón Dwata kuy, abay se kuy salà. Okóm ke tódô tnafak le yu hkawang igoen laen dù sidek nmò ye, ke gbek ye hembala du yóm yó, tey któbóng Dwata kuy.

Matyu 10:12

Ke motun ye bè yóm gónô, yó mon ye mò yó kem tau nô lemen, ‘Dwata he henek nawa ye.’

Matyu 5:46

Bê ye abay tô hendón ke wen ofol blay Dwata kuy ke són yó olo kenbong nawa ye, són yó kem tau kembong nawa kuy. Balù yó he kem tau gel mtuk bwis, sana kul kesbong nawa se kul.

Matyu 5:48

Yó gónóm mon, hol ye hgulit, lómón kgulit yóm Mà tekuy bè longit.”

Kulasi 4:14

Bud Luk snéen, yóm duktur dumu me sogot nawa, ne Dimas, tey gel kólóm le kuy.

Kulasi 4:15

Hol hgefet ye do ebè yó kem tau hemtahu bè Ludisya, dalang se ebè yó kem tau gel stifun tmaba Dwata bè gónô Nimfa yóm tey kólóm me kul.