Matyu 5:46 - Udél Dwata: Gna Kesfasad ne Lomi Kesfasad

⁴⁶ Bê ye abay tô hendón ke wen ofol blay Dwata kuy ke són yó olo kenbong nawa ye, són yó kem tau kembong nawa kuy. Balù yó he kem tau gel mtuk bwis, sana kul kesbong nawa se kul.

Matyu 5:46 Referans Kwoze

Matyu 11:19

Bè yóm deng kkól yóm Ngà Tau, gel mken se kun ne gel minum lómón se yóm kuy. Okóm mom senlón ye, gel mon ye, ‘Ngem dé yóm tau yóó, bong kkenen, ne bong kinumen. Deng mom niten swè yó kem tau gel mtuk bwis ne yó kem dumu tau gemsalà.’ Ewenem,” mon Jisas, “sana kegfanen bè klowil yóm tau mimón yóm khulung Dwata mit tau.”

Kun Snulat Luk 18:13

Okóm kun yóm tau fen gel mtuk bwis, tódô mdà hlayuk fi lem sokok, là kô gbeken du temngel eta bè longit, botong gdofien kfuhen, yó monen, ‘Ó Dwata, hol knoduhem o, yakà tauhe gemsalà.’

Kun Snulat Luk 15:1

Sotu kdaw bè yó, tey dê tau gel mtuk bwis ne yó kem dumu tau gemsalà sembung ke Jisas na a hmungol yóm ktoloken.

Matyu 18:17

Okóm ke là dog hnungolen kul, tódô gotu tulón ye yóm kdéen bè gónó le gel stifun yó kem Ju. Okóm ke là dogen hmungol balù yóm deng kwit ye du bè gónó le gel stifun yó kem Ju, hol lómón kmò ye ebéléen, lómón yóm kmò ye ebè yó kem tau là hemtahuhen bè Dwata, ne bè yó kem dumu tau gemsalà.”

Matyu 6:1

“Ten-gama ye,” mon Jisas, “anì là olo ye hegfan du bè gónón wen yóm gel keblay ye ebè Dwata. Ke yó olo tô mu ye du yóm gel keblay ye mò gónó ye megdóyón bè gónón wen, angat laen kô dù ofol blayen kuy yóm Mà tekuy bè longit.

Kun Snulat Luk 19:7

Bè yóm kton kem tau du nim ni, deng mom gotu senlón le, mon le, “Moen tau ni ke deng mom mauy bè gónô yóm tau gemsalà?”

Kun Snulat Luk 19:2

Ne wen sotu tau nô bè yó boluyen Sakiyus. Du se yóm tau hol geta bè yó kem tau gel mtuk bwis, ne wen tey kendengenen.

Matyu 5:47

Laen kô dù kayen yóm kuy kmò ke són yó hnódó ye, són yó kem hol kuy wè. Balù yó he kem tau là setngón ke Dwata, sana kul kesfódó se kul.

Mark 2:15

Kogolen bè yó, mken Jisas ne yó kem gel lemolò du bè gónô Libay. Tey dê bè yó kem dumu tau gel mtuk bwis dalang se yó kem dumu tau gemsalà mung ke Jisas, ne gbót le seyón mken bélê le bè yó.

Mark 2:16

Wen kem Farisi mton kul. Ni kem Farisi ni, hono kem tau tmolok hlau. Timbow ton le yóm kesegbót Jisas bè yó kem tau gemsalà, ne yó kem tau fen gel mtuk bwis bélê le, tódô le mógów ebè yó kem gel lemolò ke Jisas, ne mon le mò kul, “Moen yó du yóm tau gónó ye htolok ke deng mom segbót mken bè yó kem tau yóó?”

Kun Snulat Luk 3:12

Wen bè yó kem tau gel mtuk bwis mógów ebè Jan anì na le e hbabtays du. Yó snólók le béléen, mon le, “Ó Sér, tedu kmò me se kum du?”

Kun Snulat Luk 5:29

Kewót Libay bè yó, wen ken bong nmoen bè gónóen mò gónóhen tminok ke Jisas. Tey dê bè yó kem dumuhen gel mtuk bwis ne yó kem dumu tau snéen, gotu le seyón kul mken bè yó.

Kun Snulat Luk 5:30

Timbow ton le lu yó kem Farisi ne yó kem dumu le gel tmolok hlau, tódô le mógów ebè yó kem tau lemolò ke Jisas, ne mon le mò kul, “Moen de ke deng ye mom segbót mken bè tu kem tau gel mtuk bwis ne yó kem dumu tau gemsalà yóó?”

Kun Snulat Luk 7:29

Ni kem tulón Jisas ni, tey dê tau hmungol du kkólen bè yó kem tau fen gel mtuk bwis. Lu se yó kem tau deng hbabtays ke Jan abay se deng dilô le yóm tey kehyuhen yóm hlolò Dwata kul, ne deng le mimón.

Kun Snulat Luk 7:34

Bè yóm deng kkól yóm Ngà Tau,” mon Jisas, “gel mken se, ne gel minum lómón se yóm kuy. Okóm mom senlón ye, gel mon ye, ‘Ngem dé yóm tau yóó, tey bong kkenen, ne tey bong kinumen. Deng mom niten swè yó kem tau gel mtuk bwis, ne yó kem dumu tau gemsalà.’