Matyu 5:42 - Udél Dwata: Gna Kesfasad ne Lomi Kesfasad

⁴² Ke wen tau mni bélê tekuy, benlay te. Ne ke wen tau tô mdóm bélê tekuy, hendóm te sen.”

Matyu 5:42 Referans Kwoze

Kem Udél Hlalak Tehe Selumun 19:17

Yóm tau knoduhen yó kem tau élél lómón ke hendómen Dwata ne Dwata he hulék du yóm deng blayen.

Hibru 13:16

Ne bê tekuy abay klifót yóm ktilob kmò tekuy bè kem dumu tekuy tau ne yóm gel kestóbóng tekuy, abay se ni se mò henged dsù gónón hyu nawa Dwata.

Kem Lingón 37:21

Ke gel le mutóng yó kem tau gel mò sidek, là kô bud bnayad le du. Okóm yó kem tau hyu kmò le, tey mahil bélê le bemlay.

Sulat Pol Ebè Yó Kem Tau Hemtahu Bè Rom 12:20

Ni dii yóm kuy nmò, lómón yóm deng hsulat Dwata, yóm monen, “Ke bitil hohonem, henkenem. Ke meeng, hinumem. Ke ni se nmoem, angat tey sidek kyaken.”

Danyél 4:27

Ó Nibukadnisar, ke yó dum hyu béléem, hol hnungolem ou. Hol tenflokem ne yóm kmoem sidek, tlesem du yóm nmò hyu. Knogolem ne yó kem salà gel nmoem, tlesem du yóm koduhem yó kem tau élél. Ke yó nmoem, déke hlós yóm kehyu klowilem.”

Kehedem Tau Tmolok 11:6

Holi heged mulu yóm kdê kay hulu, là kô tngónem du ke mahi du tmowok bélê le, duhen ke tódô kdê le gotu tmowok.

Hibru 6:10

Tey tedeng knawahen yóm Dwata. Là kô klifóten du yóm hyu tehe gel nmò ye, ne yóm tey kbong nawa ye du. Yó gónón gfan yóm nawa ye ebéléen yó bè yóm gel któbóng ye yó kem dumu ye hemtahu. Balù ni kmoen ni, sana kmò ye du.

Sulat Jim 1:27

Yóm tahu kehtahu hol kun henmóyô Dwata, yóm Mà tekuy, duhen yóm hol któbóng yó kem ngà hikit ne yó kem libun bolu bè yóm gónó le glayam. Ne ke gel tensuhen yó kem sidek gel nmò tau lem benwu.

Kun Snulat Luk 11:41

Yó dé hyu, olò bnasa ye lu tu kem élél mò balà yóm hyu gel hton ye ta.

Kem Udél Hlalak Tehe Selumun 21:26

Yóm tau lemfu són ófô yóm tendo nô bè nawahen, okóm yóm tau tedeng kmoen là kóen segafas keblayen.

Matyu 5:41

Ne ke wen sendalù gmaga kut mit yóm kun nwit bè sotu kilumitru, tódô nwit tekuy béléen bè lewu kilumitru sen.