Matyu 5:4 - Udél Dwata: Gna Kesfasad ne Lomi Kesfasad

⁴ Tey kehyuhen bélê le kul yó kem tau ke wen lenangag le, abay se Dwata angat mifa kul.

Matyu 5:4 Referans Kwoze

Deng Hegfan 21:4

Angat gotu nifuhen yóm lewok bè mata le. Laen kô dù bud tau matay ne, ne laen se dù bud knangag le, ne laen dù bud nkik le ne laen se dù bud tenduk le, yakà dengen gotu lana ne yóm gnan.”

Isaya 57:18

Deng gotu tonu yó kem nmò le, okóm angat kóhu bélê le yó kem salà le. Nalaku lu ne tnóbóngu lu ne henyuhu nawa yó kem langag.

Kun Snulat Luk 6:21

Tey kehyuhen bélê ye kuy, yu kem tau bitil nim kmoen ni, abay se angat ye gemtu. Tey kehyuhen bélê ye kuy, yu kem tau gel mkik nim kmoen ni, abay se angat ye kmuli.

Sulat Jim 1:12

Hligal kun yóm tau ke hulung hembala yó kem tilów mgel gel sut béléen. Yó ofolen yóm khulungen hbala yó, duhen yóm klowil laen dù sónen, yóm deng fasad Dwata bè yó kem tau kembong nawa du.

Isaya 25:8

Ne nmoen sónen yóm hatay yóm Dwata hol dandónen geta. Tódô gotu nifuhen lewok bè mata yóm kdê le ne gotu kóhen bè yó kem tauhen bè klamangen benwu yóm gónó le gel myak. Yó se hol kun udél yóm Dwata hol gónó mogot.

Isaya 35:10

Angat tey kligal le bè yóm kgefet le bè yóm benwu yó, tey kesngal le ne kehsag le lemwót bè kligal le. Ne laen kô dù sónen yóm kligal le yó. Là bud wen lenangag le ne laen dù bud kenblat nawa le.

Isaya 30:19

Yu kem tau nô bè Jirusalim laen dù bud nkik ye ne. Yóm Dwata tey kkoduhen tau. Ke hol ye mni tóbóng béléen bnalaen yu.

Kun Snulat Luk 16:25

Okóm bnalà Abraham, monen, ‘Hentulónem nawa, Fù, yóm tehe kóm klowil. Deng gotu gutahem ne kehyuhen, kóen kun nim Lasarus, fen gutahen ksideken. Okóm ni, deng gsengel ne kun kegnóm du bè ni, ne feni meflayam kóm.

Kun Snulat Luk 6:25

Tey kodu ye kuy kem tau gel hebsow ni kmoen ni, abay se angat ye mulék bitil. Tey kodu ye kuy kem tau tendo gel hligal kmuli ni kmoen ni, abay se angat ye mulék langag.

Isaya 12:1

Bè yóm kdaw yó, angat le lemingón yó kem tau, mon le, “Ó Dwata, tey kdóyón me kóm. Tehe tey kebutem do, okóm là ne ni, deng henyuhem nawahu.

Kun Snulat Luk 7:50

Ne bud mon Jisas ebè yóm libun yó, monen, “Yóm kehtahuhem béléu, yó se lemwà kóm lem salaem. Muléki ne, Dwata he henek nawahem.”

Kun Snulat Luk 7:38

Yóm kkólen bè yó, tódô mdà klohok ti Jisas, ne mkik. Gotu temdak ete ti Jisas yóm lewoken, ne bud ifuhen du weken, gloken melek tihen ne twélen du yóm hboo yó koni.

Sikaraya 12:10

Ne suu bè yó kem sfu Dabid ne bè yóm kdéen dumu tau bè Jirusalim yóm nawa kmodu ne yóm óyô mni bè Dwata. Angat le temngel ebéléu, yóm deng tehe tenbek le ne tey sidek klangag le, lómón klangag yóm tuha ke deng matay yóm tek sotu ngà le logi, duhen ke matay yóm ngà le logi twogu.

Isaya 66:2

Ou se deng mò du yóm longit ne tonok ne kdéen ton. Okóm tey kehyu nawahu bélê le yó kem tau heglaan béléu ne hegsel bè salà le, yó kem tau wen klikò le do ne mimón do.” Là gomongen bè nili yóm bérs 3 efet kól bè 24. Htulón Dwata ke Isaya yóm tey kehyuhen bè yó kem tau mimón yó kem udélen. Okóm bè yó kem tau là mimón du, yó udél Dwata gbak ebélê le bè bérs 4, monen, “Angat wen tey hlayam hwitu ebélê le, duhen kdê yó kem gel knikò le. Abay se bè yóm ktabahu, là tnimul le do. Soke mudél, là hnungol le do. Tey kmò le salà igou temngel kul. Deng mom nmò le yó kem deng tngón le alì kenbéu.” Duhen yó, bè yóm kdaw kehgulék Dwata klowil yó kem tauhen ne yóm tonoken, tódô segeng bè yóm kdaw khéét kkukumen yó kem tau là hemtahuhen ne yó kem tau là mimón du bè klamang benwu. Kesok kól yóm kdaw bud kehgulék Dwata yóm benwu Jirusalim ne yóm nan e bud kwit kul mulék yó kem tauhen mò nô bè yó, tódô mekto yóm kmoen du ne wen tilob ofol blayen kul. Gotu hógów Dwata yó kem kun tau ebè yó kem benwu là deng gmungol du yóm kun boluy, yó kem là deng mton yóm kun keklóón. Mon Dwata bè bérs 19, “Gotu hetngón le yóm dou keklóón ebè kdê but tau.” Bè són nim tsapter ni tulónen yóm fasad Dwata bè yó kem kun tau. Monen bè bérs 22, “Yóm klaen tul sónen yóm lomi longit ne tonok, lómón yó se klaen dù sónen yóm ktauhu kuy, ne là se kóen lana yóm kuy boluy.”