Matyu 5:39 - Udél Dwata: Gna Kesfasad ne Lomi Kesfasad

³⁹ Okóm ni bud dou tulón kuy, bê te abay bneles ke wen hemsidek tekuy. Mom yó nmò tekuy, ke wen temfê kut bè hifi te, bud bayà te du dolihen.

Matyu 5:39 Referans Kwoze

1 Tisalunika 5:15

Hol ten-gama ye anì laen dù malà du sidek ke wen sidek nmò le bélê ye. Yó dé hol nmò ye, henyu ye kmò ye ebè yó kem dumu ye deng hemtahu dalang se ebè kdéen tau.

1 Pitér 3:9

Bê ye abay bnalà sidek yó kem tau mò sidek bélê ye. Ke wen tau semdekà kuy, bê ye bud semdekà se kuy. Yó dé balà ye du, duhen yóm hyu bélê le. Abay se bè yóm tehe ktaba Dwata kuy, yó fasaden kuy yóm hyu bélê ye.

Kem Udél Hlalak Tehe Selumun 20:22

Béem abay mon, “Melese se dou.” Nam na hatan kun kmò du Dwata, du he tmóbóng kóm.

Hlolò 19:18

Bê ye bneles yóm tau mò sidek bélê ye duhen ke henlós ye kmutó du nawa. Yó dé nmò ye, kenbong nawa ye kem dumu ye lómón kbong nawa ye yóm kuy knô. Ou se yóm hol gónó mogot.

Kem Udél Hlalak Tehe Selumun 24:29

Béem mon nmou béléen yóm deng nmoen béléu mò belesu du.

Isaya 50:6

Tódô bayau kwangu bè yó kem tau mfes do. Tódô bayau snéen yóm kehnê le dou. Ne yóm kekdut le bngetu ne yóm kedfut le lem uyóhu, tódô bayau kul.

1 Kurin 6:7

Bè yóm keskukum ye yó, olo ye mom hemyak knô ye. Mom hyu he ke tódô henbala ye ke wen gel lemugi kuy, dalang se ke wen gel mnagaw kimu ye.

Sulat Jim 5:6

Deng dnuón ye yó kem tau laen dù salaen bélê ye, ngangen efet ghatay ye lu. Tódô le kem hegbayà bélê ye.

Hibru 12:4

Bè yóm kekbê ye du yóm sidek, là kô deng wen bélê ye he ke fen matay.

Kun Snulat Luk 22:64

Lel le mseng matahen, ne mon le mò du, “Tensob bnoluyem kun yóm tau moug kóm?”

1 Bok Kem Tau Hol Geta 22:24

Omin Sidikaya, ngà Kinaana, tódô mógów ebè Mikaya nan e tódô dnofì lem uyóhen, yó monen, “Kilón de ktagaken do yóm Tulus Dwata anì nan e stulón kóm?”

Mika 5:1

Ó kem tau bè Jirusalim, gotu sentifun ye lu yó kem sendalù ye. Deng snibut le tekuy yó kem hohon tekuy. Wen tuged nogot le mò bogul le lem uyó yóm tau malak bè Israél.

Matyu 5:40

Ne ke wen mtuk tekuy, ne yó nóyóen sotu kgal te, bud tennù tekuy sotu kgal sen.

Kun Snulat Luk 6:7

Wen se kem Farisi nô bè yó kkólen bè yó kem tau gel tmolok hlau. Ne gel tenngel le Jisas anì ton le ke wen tau hkóhen desen bè yóm Kdaw Kehegnô mò dalil le dmuón du.

Kun Snulat Jan 18:23

Mon Jisas se, “Ke sidek balau du, tulónem bè kdéen tau bè ni yóm ksideken. Okóm ke tahu yóm benkóhu, boluy se duónem temfê do?”