Matyu 5:38 - Udél Dwata: Gna Kesfasad ne Lomi Kesfasad

³⁸ “Sotuhen,” mon Jisas, “deng hónô gungol ye yóm sotu hlau gnan, yóm monen, ‘Ke wen hemsidek yóm kóm mata, tódô bud hensidekem se yóm kun mata. Ne ke wen tau temfok yóm kóm ngihi, tódô bud tenfokem se yóm kun ngihi.’

Matyu 5:38 Referans Kwoze

Dwata 19:21

Bè yóm ktafak ye du yóm tau tmifù kéng yó, bê ye abay knodu. Yó kmò ktafak ye du, ke klowil nwahen bud kun klowil bayaden ne ke mata hensideken bud kun mata se bayaden. Ke nihi se hensideken bud nihihen se bayaden. Ke sigel hensideken bud kun sigel se bayaden ne ke ti bud ti se bayaden.” Là gomongen bè nili yóm tsaptér 20 efet kól bè tsaptér 23. Bè tsaptér 20 hono hlau bè kesgida le. Bè tsaptér 21 yóm tulónen bè kmò kkukum le du ke wen tau sbonok ne yóm kun ólól yóm ngà logi twogu. Bè tsaptér 22 tulónen yóm hlau bè khólós le. Bè tsaptér 23 tulónen yó kem dumu hlau Dwata kul ne yóm hlau bè ksutóng le.

Dwata 19:19

tnafak kmò du. Yó tafaken, yóm tehe tô tafak yóm tau dnelemen. Bè yóm kmò ye du nim ni mò lan ye mkó du lem blóng ye yóm tódô lembù dmelem kéng.

Matyu 5:27

“Deng hónô gungol ye,” mon Jisas, “yóm sana hlau gnan, yóm monen, ‘Béem ndà yehenem.’

Matyu 5:21

“Deng hónô gungol ye se,” mon Jisas, “yóm sana hlau gnan, yóm monen, ‘Béi abay monok. Yóm tau monok, sal gel nwit le bè kukum.’