Matyu 5:37 - Udél Dwata: Gna Kesfasad ne Lomi Kesfasad

³⁷ Tódô hen-el ye ke tahu, ne tódô mon ye ‘là’ ke là se tahuhen. Abay se ke mò ye safà, Seitan gónón gu lemwót yóm yó.”

Matyu 5:37 Referans Kwoze

Sulat Jim 5:12

Nim sotu hlolou kuy ni, tey bong muhen bè kdéen, kem dumuhu setwoli. Ke wen senfasad ye, bê ye gel safà longit duhen ke tonok ne ke wen dumu gónó ye smafà. Ke tahu se, tódô monem tahu. Ne ke là tahuhen, tódô monem là. Ke ni se nmò ye, là kô tnafak Dwata kuy.

Kulasi 4:6

Hol gel hninggel ye kmò kestulón ye bélê le anì wen gónó le beyen hmungol kuy. Hol tekuy hfulung malà kul ke wen snólók le.

Kulasi 3:9

Bê tekuy abay gel mò kéng, yakà deng kó tekuy tum tehe gna klowil mahil mò sidek.

Kun Snulat Jan 8:44

Seitan yóm kuy mà ne tódô lolò ye yóm kun kóyô. Du se yóm hol sana monok lemwót bè hol kbuten. Là kóen tofi bè yóm ktahuhen. Hono kéng yóm kun, abay se yó se sana kun kmò, mò kéng. Hono kéng yóm gel tulónen. Du se hol gónón gu tembul kéng.

Ifisus 4:25

Duhen yó, hol bê tekuy abay bud mò kéng sen. Tódô gel tulón tekuy yóm ktahuhen bè kem dumu tekuy hemtahu, abay se deng kuy ssotu bè kun lówó Krays.

2 Tisalunika 3:3

Okóm yóm gónó tekuy mogot, tey gsalig. Tendo ten-gelen nawa tekuy, ne tendo kenlungen tekuy bè Seitan.

Matyu 13:19

Ke wen tau mungol du yóm tulón bè kmò kogot Dwata tau, ne là dog hendem le du lanen, hol lómón ke yóm bnék temsik ebè lan. Tódô sut Seitan, nwahen bélê le yóm udél deng gungol le.

Matyu 13:38

Ne yóm dnadu, hningónen yóm klamangen benwu. Ne yóm bnék hyu yó, duhen yó kem tau deng nogot Dwata. Yó hningón yóm kluon gbol lemen, duhen yó kem tau deng nogot Seitan.

1 Jan 5:18

Deng tngón tekuy se ke deng baling ngà Dwata yóm tau, là kô senflósen du mò salà, abay se yóm Ngà Dwata fen tendo kemlung du, ne laen dù bud gmò Seitan béléen.

Matyu 6:13

Béem bayà mi ebè yóm tilów mgel, bede hol kenlungem mi bè Seitan.’

1 Jan 2:13

Ne smulate ebélê ye snéen yu kem mà, abay se deng tngón ye Krays se kuy, yóm sana mowil tenbut bè kbuten. Ne smulate ebélê ye snéen kuy, yu kem hanà lomi lemnok, abay se deng ye matù ne bè Seitan.

1 Jan 3:12

Bê ye dnalang yóm tehe nmò Kain yóm kun tau Seitan, bnonoken twolihen Abél. Moen de ke bnonoken? Abay se là tedengen yóm gel nmoen, fen tedeng kun nmò yóm twolihen.

Kun Snulat Jan 17:15

Là hnihu du béléem, Mà, ke kóhem lu lem benwu. Okóm yó hol hnihu béléem anì kenlungem lu bè Seitan.

Matyu 15:19

Kdê yó kem nmò sidek, hono lemwót bè kehedem tau, lómón yóm monok, ne mdà yehen, ne mò samuk, ne mnagaw, ne mò kéng, ne yóm tódô gel semtulón dumu tau.

Matyu 5:36

Ne bê ye abay tô safà kulu ye, yakem gbek ye se hbukay du duhen hfitem du balù sbalu bè yó kem wek ye.

Ifisus 6:16

Ne yó henged klung eles tendo gel kitin tekuy, duhen yóm kehtahu tekuy bè Dwata. Lemwót bè nim klung tekuy ni, là kóen tódô bélê tekuy yóm kdê hanak mofi gel gtì Seitan tekuy.