Matyu 5:35 - Udél Dwata: Gna Kesfasad ne Lomi Kesfasad

³⁵ duhen ke tonok, abay se bè yó gónó Dwata hmótól tihen, duhen ke Jirusalim, abay se yó kun benwu yóm Dwata hol geta bè kdéen.

Matyu 5:35 Referans Kwoze

Kem Lingón 48:2

Yóm bulul hol geta alì tilob, tey kehligal yó kem tau bè klamangen benwu bè yóm kton le du. Yóm Bulul Sayun, kun Bulul Dwata, yóm kun syudad yóm Alì Geta.

Deng Hegfan 21:10

Tahu se. Lemwót bè yóm knóen béléu yóm Tulus Dwata, tódô niten ou etu bè yóm tey bulul geta. Ne toloken do Jirusalim, yóm benwu gónóhen nô Dwata, tódô htuntun gu bè Dwata bè longit.

Malakay 1:14

“Yóm sotu tau, ke deng hol fasaden dou yóm keblayen du do yóm hol hyu bè yó kem ógófen, okóm mom yó blayen do yóm ógóf wen óngóhen, yóm tau mò kéng yó deng hol tahu golu elem hatay. Kiholen mò du béléu yóm yó, igoen ou se yóm hol geta bè kdéen ne gotu le likò dou yó kem tólóng tau bè dumu benwu,” udél yóm Dwata laen dù là gbeken du.

2 Tutul Israél 6:6

Okóm ni, deng néléku Jirusalim mò gónóhen nô yóm dou boluy, ne deng néléku Dabid mò kmamal yó kem dou tau Israél.’ Yó se deng fasad Dwata ke mà.”

Deng Hegfan 21:2

Ne tódô tonu se yóm tey Syudad Dwata, yóm lomi Jirusalim. Tódô htuntun gu tta lemwót gu bè Dwata. Hol lómón ktiloben yóm libun deng eles hegkes bè kyehenen.

Kem Lingón 99:5

Hol dóyón tekuy Dwata yóm sana kut Dwata hol gónô mogot. Heglaan tekuy bè soluhen, abay se laen dù belenen.

Kem Lingón 87:2

Tey kbong nawa Dwata du yóm syudad Jirusalim senta yó kem dumu syudad bè Israél.

Isaya 66:1

Yó udél Dwata, monen, “Longit se gónóhu myón kmamal yóm klamangen ne yóm tonok olo gónóhu hmótól tihu. Duhen yó, kbongen de yóm gónô tô hdà ye béléu? Kbongen de yóm gónô gónóhu tô nô lem blóng ye?

Matyu 5:36

Ne bê ye abay tô safà kulu ye, yakem gbek ye se hbukay du duhen hfitem du balù sbalu bè yó kem wek ye.

Kul Nmò 7:49

‘Longit se gónóhu myón kmukum, mon Dwata, ne tonok yóm gónóhu hmótól tihu. Gónô du de tô hdà ye béléu? Gónó ye tô hemdà du de yóm gónô gónóhu angat nô yó?