Matyu 5:33 - Udél Dwata: Gna Kesfasad ne Lomi Kesfasad

³³ “Ne sotun,” mon Jisas, “deng hónô gungol ye yóm sotu hlau gnan tehe gel hlau yó kem fù tekuy, yóm monen, ‘Ke wen deng fasadem bè Dwata, ne wen safà mung du, hol dnohoem.’

Matyu 5:33 Referans Kwoze

Hlolò 19:12

Ke wen fasad ye, hol bê ye abay safà boluyu. Ke là dnohò ye du, olo ye hemyak yóm dou boluy. Ou se yóm sana kuy Dwata hol gónó mogot.

Kem Lingón 76:11

Mò ye fasad bè yóm sana kuy Dwata hol gónó mogot, ne hol dnohò ye yóm fasad ye yó. Yu kem kdéen tau bè kem benwu hmilol, hol ye mit basa ebè Dwata yóm Dwata hol knikò.

Dwata 5:11

Bê ye tódô fà moluy du yóm dou boluy. Yakà ou du yóm sana kuy Dwata hol gónó mogot. Tnafaku yóm tau tódô faen moluy du yóm dou boluy.

Kehewà 20:7

Bê ye tódô óyô moluy du yóm dou boluy. Yakà ou du yóm sana kuy Dwata hol gónó ye mogot. Tnafaku yóm tau tódô faen moluy du yóm dou boluy.

Kem Lingón 50:14

Yó hol hnebelu bélê ye ke tahu duhen yóm keslamat ye béléu, ne ke hol dnohò ye yóm deng fasad ye dou yóm Dwata hol dandónen geta.

Nahum 1:15

Tengel ye dé, wen tau sut gu lem bulul mit tulón hyu. Yó tulónen bud menek kebenwu ye kun. Ó kem tau bè Juda, bud nmò ye dé yó kem dê gel hnigal ye ne dnohò ye yó kem deng fasad ye ke Dwata, abay se yó kem tau Ninibi hmohon kuy yó, là bud nled le du ne benwu ye. Deng le gotu sulék meglà.

Matyu 5:27

“Deng hónô gungol ye,” mon Jisas, “yóm sana hlau gnan, yóm monen, ‘Béem ndà yehenem.’

Dwata 6:13

Hol sù ye bè nawa ye yóm klikò ye du yóm sana kuy Dwata hol gónó mogot. Olon du gónó ye gel tmaba. Ke wen fasad ye, són bè kun boluy gónó ye hlan du.

Matyu 5:21

“Deng hónô gungol ye se,” mon Jisas, “yóm sana hlau gnan, yóm monen, ‘Béi abay monok. Yóm tau monok, sal gel nwit le bè kukum.’

1 Timuti 1:10

ne yó kem tau smamuk, yó kem logi sefdóyón honon lu, dalang se kem libun sefdóyón honon lu, yó kem tau kemfô dumuhen tau, yó kem tau mò kéng, ne yó kem tau tmifù kéng, ne yó kem tau mò du yóm dumu nmò là segtónen ebè yóm tahu tolok.