Matyu 5:29 - Udél Dwata: Gna Kesfasad ne Lomi Kesfasad

²⁹ Yó gónóm mon, ke mata kwananem mit kóm mò salà, tódô lensitem ne tudaem. Mom hyu béléem he ke lana sotu matahem olo ke nwiten u elem lanaw ofi.

Matyu 5:29 Referans Kwoze

Sulat Pol Ebè Yó Kem Tau Hemtahu Bè Rom 8:13

Abay se ke henlel nmò ye yóm kuy knóyô, angat ye hlós elem hatay. Okóm ke hlan ye bè Tulus Dwata mò tmóbóng kuy kembê du yóm sidek anì là glolò ye du yóm knóyô lówó, angat wen kuy klowil laen dù sónen.

Kulasi 3:5

Yó gónóm mon, gotu kó ye ne yóm kdéen sidek knóyô lówó ye. Béen abay wen bélê ye mò samuk, ne yó kem dumu nmò gónó hemyak knô. Hol kenbê ye yóm knawa mò du yó kem yó. Kó ye snéen yóm nawa seglom, abay se yóm gel sen-glom ye yó, deng duhen yó se dwata ye.

1 Kurin 9:27

Duhen yó, anien ke wen sidek knóyô lówóhu, tódô hotuhu gelu kembê du anì là gmunge. Ke là hulunge mafas nawahu, là kô gutahu du se yóm ofol angat blay Dwata dou, igoen ou se sotu tau gel tmolok kem dumu tau.

Sulat Pol Ebè Yó Kem Tau Hemtahu Bè Rom 6:6

Tngón tekuy se yóm gna klowil tekuy gu laan tekuy là deng hemtahu, tu se yóm klowil deng gomong bè Jisas bè yóm ktutuk le du bè kros, anì gomong tekuy matay ne laen dù bud kegbeken bélê tekuy yóm óyô mò sidek, ne là bud tekuy ghesek lem salà.

Glasya 5:24

Yó kem tau deng nfun Krays Jisas, gotu kenbê le mò du yóm kdê sidek knóyô lówó tau.

Mark 8:36

Anien he yóm tau ke gotu gfunen yóm klamangen benwu, laen kô ofolen du yóm deng gfunen yó ke lana béléen yóm klowil laen dù sónen.

Matyu 19:12

Sal stólóng se yóm but gónó le là myehen kem tau. Wen se là myehenen, abay se wen iget le lemwót bè ksut le. Wen se là myehenen lan le kmafun kul. Wen se là myehenen lemwót bè kimón le yóm hmò Dwata kul. Yó se tau gembek lemolò du ni kem monu ni, hol loloen.”

Matyu 10:28

Bê ye abay likò bè tau. Gbek le hmatay lówó ye, okóm yóm lóyóf ye, là kô gbek le hmatay du. Dwata dé hol tahu knikò ye, abay se gbeken hmatay lówó ye, ne gbeken se tmudà lóyóf ye elem lanaw ofi.

Matyu 23:15

Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Glok ye mifal mohin mógów bè yó kem dumu benwu mayuk na a mebel bà tek sotu tau mò lemolò kuy. Bè yóm kloloen kuy, deng mom mkay senta yóm ksidek yóm kuy nmò yóm kun ksidek nmò. Yó gónóm mon, knóón bélê ye nô lem lanaw ofi.

Matyu 16:26

Anien he yóm tau ke gotu gfunen klamangen benwu, laen kô dù ofolen du yóm deng gfunen yó ke lana béléen yóm klowil laen dù sónen. Ke lana béléen yóm klowil yó, laen kô dù bud gónón ma du yóm mò tlesen.

Matyu 5:22

Okóm ni dou tulón kuy, yóm tau ke lenbuten kem dumuhen, angat nwit le bè kukum. Yóm tau ke monen bè yóm dumuhen, ‘Laen dù muhem tau kóm,’ angat nwit le ebè yóm tau gel hemdeng knukum yóm tau yó. Ne yóm tau ke monen bè yóm dumun, ‘Nungeli. Laen dù muhem tau,’ deng golu elem lanaw ofi ne yóm tau mudél yó.

Matyu 23:33

Ya nim yu kem tau knawa ulal, hono ye semfu gu bè yó kem tau knawa ulal. Tedu kmò kegewà ye lemen du yóm deng kgolu ye elem lanaw ofi?

Kun Snulat Luk 12:5

Tódô tulónu kuy yóm mò hol knikò ye,” monen. “Hol knikò ye Dwata, abay se ke deng hnatayen lówó ye, wen kwalisen tmudà kuy elem lanaw ofi. Du dé yóm hol tahu knikò ye.

Matyu 5:30

Sotun, ke sigel kwananem mit kóm mò salà, tódô kenlengem ne tudaem. Mom hyu béléem he ke lana sotu sigelem olo ke nwiten u elem lanaw ofi.”

Matyu 11:6

Hligal kun yóm tau ke là megewu nawahen do.”

Matyu 17:27

Okóm là hyuhen ke hebut tekuy lu ni kem tau mtuk ni. Yake lemwóti dé ebè lanaw na a dmulé. Nwahem yóm utón él tanay semkot ne yóm filak mgel tonem lem baken, yó se mò kut bayad lewu te.”