Matyu 5:25 - Udél Dwata: Gna Kesfasad ne Lomi Kesfasad

²⁵ Sotuhen,” mon Jisas, “ke wen tau kmamo kóm, ne tô nwiten u bè yóm gónô skukum, tnanahi mit sefyu béléen gu laanen là deng gefet bè yó. Abay se ke dengi kól bè yó, ngem kà nwiten kóm ebè yóm tau gel fen hemdeng kmukum kuy. Ne lemwót kun, blayen u bè fulis mò bmanggù kóm.

Matyu 5:25 Referans Kwoze

Kem Udél Hlalak Tehe Selumun 25:8

Béem kendel hegefet ebè gónô skukum yóm deng tonem, déke muléki myak du ke wen hemkéng du béléem.

Hibru 3:13

Okóm yó dé yóm hol tnana nmò ye yóm igoen tolo wen kdaw blay Dwata tekuy, hol ye setgel ket kdaw anì laen dù bélê ye gtondo bè yóm sidek, ne hlós baling tau là mimón.

Hibru 3:7

Duhen yó, hol hendem tekuy yóm tehe mon yóm Tulus Dwata, yóm monen, “Ke sok gungol ye ni kemdaw ni yóm udél Dwata ebélê ye,

Hibru 12:17

Okóm deng sana tngón ye yóm nmoen kogolen bè yó. Bud tô móyô ke gutahen yóm kolu maen du, okóm là. Laen kô bang dù lanen bud temles du yóm deng tehe nmoen, balù yóm tey kkiken bè yóm kehkoduhen bè maen.

2 Kurin 6:2

Hnungol ye yóm tehe mon Dwata, yóm monen, “Bè yóm deng kehto yóm buteng tehe fétu mò tmóbóng kuy, deng tódô gungolu se yóm taba ye do. Bè kehto yóm butengu lemwà kuy, deng tódô tnóbóngu yu.” Ngem, deng duhen ni se yóm kdaw tô któbóng Dwata kuy. Ne deng duhen ni se yóm kdawen tô lemwà kuy.

Kem Lingón 32:6

Duhen yó, Dwata, yake hol le mni béléem yó kem kóm tau ke wen blat sut bè klowil le. Ke yó nmò le, baluen ke tódô dmunuk eta le yóm tey mgel, là kô gwiten kul.

Matyu 26:58

Bè yóm kwit le ke Jisas, fen holun huli Pitér efet kól bè gónô yóm tau geta yó koni. Ne hlós e talak lósól, ne seyón bè yó kem tau gel mentey bè yó, hnilungen yóm mò kmò le ke Jisas.

Kun Snulat Luk 18:3

Uma kóm bè yóm benwu yó, wen sotu libun bolu nô du. Ket kiwólen tendo sut bè yóm tau hemdeng knukum yó na a hofin béléen, yakà wen tau tendo tô na a ma yóm kun ngà kimu.