Matyu 5:24 - Udél Dwata: Gna Kesfasad ne Lomi Kesfasad

²⁴ nam na hlun tebel bè yó yóm dsuem, kendeli lemwót, mnihi seflifót bè yóm dumuhem seglius yó. Sok deng, ominem yó mulék nam e henfu demsù ebè Dwata.

Matyu 5:24 Referans Kwoze

Sulat Jim 5:16

Yó gónóm mon, hol ye gel seflifót, ne hol ye gel stóbóng mni bè Dwata yóm kdê ye anì kó Dwata bélê ye ke wen tenduk ye. Yóm tau hyu kmoen, tey mtud yóm knihen bè Dwata.

Job 42:8

Yó gónóm mon, mit ye ebè Job hitu safì tudu ne hitu se ubiha logi mò dsù hkekeb ye bè yóm kuy knô. Angat mni bélê ye Job yóm tau tóbóng lówóhu ne angat bnalau yóm hnihen yó ne là kô tafaku du kuy yóm tafak mò bang bayad yóm salà nmò ye. Yó tô gónóhu tmafak kuy abay se là tódóen yóm deng tulón ye lemwót gu béléu lómón yóm deng kun nmò Job yóm tau tóbóng lówóhu.”

Kem Udél Hlalak Tehe Selumun 25:9

Ke wen gónóm là segtud yóm dumuhem tau tódô lifut sentulón ye ne bê ye bud hból.

1 Timuti 2:8

Sok ye gel stifun bè simbahan, kóyóu ke logi yóm fen mni, syan ke logi deng hogoten ke Dwata klowilen, ne laen dù tlek lenbuten, ne laen dù gónón seglius bè kem dumuhen.

Matyu 23:23

Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Balù yó kem som lemnaw ye, sana keblay ye ke Dwata yóm gesfoloen. Okóm deng mom knogol ye yó kem hlau bong muhen, duhen yóm hlau bè ktedeng kmò, ne bè keskodu, ne bè kessalig. Laen dù gónón sidek yóm keblay ye ke Dwata yóm kun ólól, okóm bê ye klifót yó dum hol bong muhen.

1 Kurin 11:28

Duhen yó, na ye na gna hol henklol yóm kuy kmò. Ke hyu, omin ye yó he gbót mken ne minum.

Mark 9:50

Tey hyu yóm kahì. Okóm ke deng mkó yóm nómen, laen kô bud lanem hulék du edu. Senged se bélê ye,” mon Jisas, “hol ten-gama ye anì là mkóhen yóm nóm yóm kuy kahì, duhen yóm kessadat ye ne yóm kessotu nawa ye.”

Matyu 5:23

Yó gónóm mon, ke wen dsuem ebè Dwata, anien ke dengi kól bè yóm gónóhem demsù, okóm ke gtulón bè nawahem wen gónóm seglius bè dumum tau,