Matyu 5:23 - Udél Dwata: Gna Kesfasad ne Lomi Kesfasad

²³ Yó gónóm mon, ke wen dsuem ebè Dwata, anien ke dengi kól bè yóm gónóhem demsù, okóm ke gtulón bè nawahem wen gónóm seglius bè dumum tau,

Matyu 5:23 Referans Kwoze

Mark 11:25

Bè yóm gel kni ye bè Dwata, ke tolo mokol nawa ye yóm salaen bélê ye yóm sotu tau, yake tódô hol hnifót ye. Ke yó se nmò ye, angat hnifót yóm Mà tekuy bè longit se yóm kuy salà.

Matyu 5:24

nam na hlun tebel bè yó yóm dsuem, kendeli lemwót, mnihi seflifót bè yóm dumuhem seglius yó. Sok deng, ominem yó mulék nam e henfu demsù ebè Dwata.

Matyu 8:4

Mon Jisas mò du, “Hol béem abay tulón yóm deng nmou béléem ni. Tódói hekteng mógów ebè tum tau gel demsù ebè Dwata, nam e hetngel du lówóhem. Elesi se mit mò dsuem anì nmoem yóm sotu hlau Musis ekni mò gónó le milô du kem dumu tau yóm deng kkó yóm desem.”

Matyu 23:19

Tey ye butô. Ilóem kmon ye ke bong muhen yóm dsù ye ebè Dwata senta yóm gónó ye gel demsù du. Là kô yó du. Yó gónón baling mólós yóm dsù, abay se deng nô bè yóm gónó le demsù du ebè Dwata.

Kun Snulat Luk 19:8

Okóm ke Sakiyus kun, bè yóm tolo knô le bè gónóen, tódô mdà, monen mò ke Jisas, “Ó Sér, angat gotu hensóólu yó kem kendengenu mò blayu yó kem tau élél. Ke wen tau deng tehe lenugihu, fat duléku he angat bud hulék du béléen yóm deng nwahu béléen.”

Husiya 6:6

Yó hol nóyóu bélê ye ke hol tahu lemwót lem but blutut ye yóm kbong nawa ye do. Là kô yó du kem gel dsù ye yóm hnebelu. Mom hyu nawahu ke hol tngón ye o. Tey hyu yó senta bè yó kem dsù gel hkekeb ye ebéléu.

1 Samwél 15:22

Ne yó balà Samwél du, monen, “Mahi du du yóm gónó Dwata hligal, yóm dsù hkekeb te ne yóm dumu dsù te kô, duhen ke bè yóm kimón te du? Kaem kimón ke Dwata yóm bong muhen senta yóm dsù hkekeb. Kaem yóm khungol te du, bong muhen senta yóm ubiha mabù dsù te ebéléen.

Lanu Jirimaya 3:20

Efet katayu là kô naw e klifót du yó kem kdawu alì glayam, tey sidek kegnómu du.

1 Bok Kem Tau Hol Geta 2:44

Yó bud mon yóm tau hol geta mò ke Simi, “Tngónem se kóm yóm kdê sidek deng tehe nmoem bè mau Dabid, yóm tau hol geta. Dwata he hol tmafak kóm bè yóm deng nmoem yó.

Tekang Kbuten 41:9

Ominen mudél ebè Faro yóm tau gel mkay ninum béléen, monen, “Ni he kegtulónen bè nawaw yóm tehe salau.