Matyu 5:22 - Udél Dwata: Gna Kesfasad ne Lomi Kesfasad

²² Okóm ni dou tulón kuy, yóm tau ke lenbuten kem dumuhen, angat nwit le bè kukum. Yóm tau ke monen bè yóm dumuhen, ‘Laen dù muhem tau kóm,’ angat nwit le ebè yóm tau gel hemdeng knukum yóm tau yó. Ne yóm tau ke monen bè yóm dumun, ‘Nungeli. Laen dù muhem tau,’ deng golu elem lanaw ofi ne yóm tau mudél yó.

Matyu 5:22 Referans Kwoze

1 Jan 2:9

Ke wen tau mon du, “Denge nô lem gónóhen lemayag dou,” okóm ke tolo gel knutó nawahen yóm dumuhen hemtahu, tolo nô lem gónón kmifu he yóm tau yó.

Sulat Jim 3:6

Ne yóm gel ksumóng tau, hol mkél bè ofi. Hol gónón smala kentihen sidek nmò tau. Bud lemwót bè ksumóng tekuy gónón sidek kehedem tekuy ne ksidek yóm nmò tekuy, ngangen ne efet laen dù gónón e kól ktau tekuy. Abay se yóm ksidek kbak tau, hol lómón yóm ofi lemwót bè lanaw ofi.

Taytus 3:2

Bê le abay sentulón yó kem dumu tau. Bê le abay mit sgés. Yake hfulung le mit swè bè kem dumu le, ne hfulung le hemganag nawa le bè kdéen tau.

Matyu 10:28

Bê ye abay likò bè tau. Gbek le hmatay lówó ye, okóm yóm lóyóf ye, là kô gbek le hmatay du. Dwata dé hol tahu knikò ye, abay se gbeken hmatay lówó ye, ne gbeken se tmudà lóyóf ye elem lanaw ofi.

Matyu 18:35

Bud mon Jisas, “Lómón sem ni ne angat nmò Mà bè longit bélê ye ket kuy ne sotu ke là tahu hnifót ye yó kem dumu ye gemsalà bélê ye.”

1 Pitér 3:9

Bê ye abay bnalà sidek yó kem tau mò sidek bélê ye. Ke wen tau semdekà kuy, bê ye bud semdekà se kuy. Yó dé balà ye du, duhen yóm hyu bélê le. Abay se bè yóm tehe ktaba Dwata kuy, yó fasaden kuy yóm hyu bélê ye.

Sulat Pol Ebè Yó Kem Tau Hemtahu Bè Rom 12:10

Kdê ye deng hemtahu, hol ye sbong nawa. Hol ye gel sadat.

1 Pitér 2:23

Bè yóm tehe kehnê le du, là kô nan e bnalà kul. Bè yóm tehe keglayamen, là kô nan e nifis kul. Tódô snaligen Dwata, abay se tngónen yóm kkukum Dwata, tey tedeng.

Matyu 18:21

Omin Pitér mógów ebè Jisas, wen snólóken béléen, monen, “Ó Sér, ke sónmoen gemsalà béléu yóm dumuhu, hilu duléku de hmifót du? Hitu duléku kô?”

Kem Lingón 109:3

Tódô libut le do yó kem udél le kmutó nawa do, senfatay le o igoen laen dù buten.

Kem Lingón 37:8

Bê te hegmung bè ktafa nawa, ne bê te hegmung bè lebut. Olohen mit kut elem sidek yó kem yó.

Sulat Jud 1:9

Balù ke Maykél ekni, yóm hol geta bè kdê yó kem hógów Dwata nô bè longit, là kô nmoen du kun yóm hemnê. Bè yóm tehe katay Musis ekni, tey kesegled le lówóhen lewu le Maykél Seitan. Okóm ke Maykél kun, là kóen mò udél hemnê ebè Seitan bè yóm ktifuen du, olon mon du, “Dwata he fen mólów kóm.”

1 Jan 3:10

Ni se hol gónó le stólóng yó kem ngà Dwata bè yó kem ngà Seitan: Yóm tau ke là nmoen du yóm tedeng ne ke là kenbong nawahen kem dumuhen, sundu ngà Dwata du yóm tau yó.

Kul Nmò 17:18

Wen se yó kem tau gel tmolok bè yóm benwu yó, nit le skuya mon Pol. Yóm kul gel ktolok yó kem tau yó, lemwót bè yó kem tehe tau gnan bélê le boluyen Épikuriyas ne Stuwik. Wen se bélê le mon du, “Tedu alì tulónen yóm tau laen dù tngónen alì móyô mudél yó?” Ne wen se mon du, “Lómón tô wen tólóng dwata lemwót bè benwu mayuk gel tulónen.” Yó gónó le mon du yóm yó, abay se Jisas yóm gel tulón Pol, ne yóm deng klowilen.

1 Tisalunika 4:6

Kóyô Dwata ke là nulé ye du ni kem monu ni koni, anì laen dù gónó ye sgulé bè kem dumu ye. Deng tehe tulón me kuy se nim ni, ne deng tehe eles hetgama me kuy yóm ktafak yóm gónó tekuy mogot yó kem tau mò du.

Mark 14:55

Yó kmò le ke Jisas yó kem tau hol geta bè yó kem gel demsù ebè Dwata ne kdê yó kem tau mogot kukum bè yó kem Ju, mebel le lan le hfatay du lemwót bè yó kem tifù le du yó kem dumu tau. Okóm laen kô dù ton le ke mò gónó hmatay du.

Matyu 26:59

Ne lemwót yó kem tau geta bè yó kem gel demsù ebè Dwata ne kdê yó kem tau geta mogot kukum, mebel le dalil mò lan le hfatay ke Jisas lemwót bè yóm gel tifù yó kem dumu tau, baluen ke là tahuhen.

Kun Snulat Jan 11:47

Lemwót yó kem Farisi ne yó kem geta gel demsù ebè Dwata, gotu tinok le yó kem tau hol geta mogot kukum anì gotu le stifun. Bè yóm deng kestifun le, mon le, “Tedu atul kuy ni du? Blaem tey dê hentaw ton nmoen tum tau tu.

Deng Hegfan 20:14

Omin Dwata mò són yóm hatay, dalang se yóm benwu gónó le nô yó kem tau deng matay, tódô tudaen lu elem lanaw ofi. Nim lanaw ofi ni, ni se yóm gel mon le gewuhen dulék matay tau.

Kul Nmò 7:37

Ni se yóm Musis tehe mon du mò yó kem tau Israél, ‘Angat wen bud hógów Dwata elem blóng ye lómón yóm khógówen do ni mò tmugod du ebélê ye yóm udélen. Yóm tau hógówen yó, tódô lemwót bè yóm sana kuy kwen.’Nim Musis ni, du se nô lem blóng yó kem tau Israél ekni ditu bè yóm benwu laen dù tau menwu du. Tódô nô lem blóng yó kem tehe fù tekuy. Bud du se yóm tehe mógów eta yóm Bulul Sinay, ne wen hógów Dwata gu bè longit mudél ebéléen. Hlan Dwata bè Musis se yó kem hlau blayen tekuy, yóm hlau laen kô dù tul sónen.

Kun Snulat Luk 12:5

Tódô tulónu kuy yóm mò hol knikò ye,” monen. “Hol knikò ye Dwata, abay se ke deng hnatayen lówó ye, wen kwalisen tmudà kuy elem lanaw ofi. Du dé yóm hol tahu knikò ye.

Matyu 5:44

Okóm ni dou tulón kuy, kenbong nawa te yó kem hmohon tekuy ne hni te lu bè Dwata yó kem hemsidek tekuy,

Matyu 5:34

Okóm ni dou bud tulón kuy, ke wen fasad ye, bê ye smafà. Bê ye abay safà longit, abay se bè yó gónó Dwata nô,

Matyu 3:17

Ne ominen wen mudél gu bè longit, monen, “Ni se hol dou Ngà tendo gónón nô nawahu. Tey kligalu béléen.”

Ubadaya 1:10

“Yó gónó le mò du bélê ye yóm yó, lemwót bè yóm alì kehsidek ye yó kem dumu ye setwoli sfu Jakub. Yó mò kuy angat tey sidek kyak ye, tódô ye sulék meglà ne laen kô dù tul sónen.

Kem Udél Hlalak Tehe Selumun 14:16

Yóm tau hulung hedem eles mabung ne knogolen yóm sidek, okóm yóm tau book tey kosut nawahen ne tódô doen ktauhen.

Kem Lingón 7:4

ne ke deng mom bnalau sidek yóm hyu deng nmò weu béléu, duhen ke deng negefu kimu yó kem hohonu, baluen ke laen dù buten,

Tekang Kbuten 37:4

Timbow ton yó kem twoguhen yóm alì kbong nawa mà le ke Jusif senta yóm kbong nawahen kul, deng mom knutó nawa le Jusif, sónmò le hemskong du.

1 Jan 5:16

Ke ton ye yóm sotu dumu ye hemtahu deng btang elem salà, okóm ke sundu elem hatay laen dù sónen nefeten yóm salaen yó, hol utóm ye bè Dwata, ne blayen du yóm klowil laen dù sónen, syan ke là mefeten elem hatay laen dù sónen yóm salà nmoen yó. Okóm wen se yóm salà hol nefeten elem hatay laen dù sónen. Là monu du mò kuy hni ye bè Dwata yóm tau yó.

Sulat Jim 2:20

Nungeli. Kéng yóm kehtahuhen ke là gfanen bè yóm gel któbóngen kem dumuhen.

Hibru 12:25

Duhen yó, hol tekuy temgama. Hol bê tekuy là hnungol ke mudél ebélê tekuy Dwata. Ngem yó dé kem tehe tau gnan ekni, tey kegtafak le lan le là hmungol yóm udél Dwata hlanen bè Musis ekni dini te tonok. Sélét mom tekuy ne là megtafaken ke knogol tekuy yóm mudél ebélê tekuy gu bè longit.

Hibru 5:9

Tikóng deng gotu nmoen yóm hmò Maen du, yó gónó Dwata hlan du tahen yóm kegewà tekuy gu lem hatay. Kdéen tau mimón du, gotu blayen kul yóm klowil laen dù sónen.

1 Kurin 6:10

Ne yó kem tau mnagaw, là kô le gmung bè yó kem tau nogot Dwata, ne yó kem tau seglom, ne yó kem tau gel hlengel, ne yó kem tau gel sidek kbak le ebè kem dumu le, ne yó kem tau tódô gel temsob ma.

1 Kurin 6:6

Mom yó nmò ye, skukum hono kem tau hemtahu, ne fen hkukum ye tu kem tau là hemtahuhen.

Kul Nmò 5:27

Timbow le kól bè yóm gónó le e mit kul, gotu hdà le lu bè solu yó kem tau hol geta gel mogot kukum. Yó fen smólók kul yóm hol geta bè yó kem gel demsù ebè Dwata,

Kun Snulat Jan 15:25

Ni se deng kdohoen yóm tehe monen bè sulat Dwata, yóm monen, ‘Tódô knutó nawa le ou là duón.’”

Kun Snulat Jan 8:48

Deng mom yó bud balà le ke Jisas, mon le, “Tahu se yóm gel mon me, tauhi lemwót bè Samarya se kóm, lelen wen busawem.”

Kun Snulat Jan 7:20

Ne yó udél yó kem tey tau wen bè yó, mon le, “Deng wen malak kóm. Laen kô dù tau tô hmatay kóm.”

Mark 15:1

Tikóng deng mwas bè yó, gotu le kendel stifun yó kem geta bè yó kem gel demsù ebè Dwata, ne yó kem tuha gónó le gel galak yó kem Ju, ne yó kem tau gel tmolok hlau, dalang se kdê yó kem tau gel kmukum. Yó nmò le, sensatul le yóm kmò le ke Jisas. Omin le hmengked mfét du kdina, ne nit le ebè Paylét.

Matyu 25:41

Ominen yó mon du mò yó kem tau fi bè iwóngen, monen, ‘Mdó ye béléu bè ni, yu kem tau deng eles golu elem tafak Dwata. Ditu gónó ye nô lem yóm ofi laen dù tul katayen deng hentifes Dwata bè Seitan ne yó kem hógówen.

Matyu 23:33

Ya nim yu kem tau knawa ulal, hono ye semfu gu bè yó kem tau knawa ulal. Tedu kmò kegewà ye lemen du yóm deng kgolu ye elem lanaw ofi?

Matyu 23:15

Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Glok ye mifal mohin mógów bè yó kem dumu benwu mayuk na a mebel bà tek sotu tau mò lemolò kuy. Bè yóm kloloen kuy, deng mom mkay senta yóm ksidek yóm kuy nmò yóm kun ksidek nmò. Yó gónóm mon, knóón bélê ye nô lem lanaw ofi.

Matyu 17:5

Yóm igò Pitér tolo mudél, tódô lememek eta le yóm tey lobun sminang bukay, tódô gungol le yóm mudél gu lemen, monen, “Ni se hol dou Ngà, gónón nô nawahu. Tey kligalu béléen. Hol gel hnungol ye.”

Matyu 12:24

Timbow gungol yó kem Farisi nim mon le ni, mom mon le, “Là kô yó du. Kaem Seitan yóm htulus du yó, yakà són du Seitan kul ogot yó kem tulus sidek.”

Matyu 10:17

Eles ye temgama, abay se angat wen kem tau kemfô kuy, nit le yu ebè yóm gónó skukum, ne nabid nfes le yu bè yó kem kul gónô gel stifun yó kem Ju.

Ubadaya 1:12

Yake béen lómón yó dé nmò ye. Béen dê udél ye bè yóm kdaw kegef le yó kem dumu ye ebè tólóng benwu mayuk. Bê ye mom fen hligal bè yóm kdaw keglà le. Bê ye mom heklabak bè yóm kdaw le alì tmalaw.

Danyél 3:19

Ya tey sidek kebut Nibukadnisar kul le Sadrak ne Misak ne Abidnigu, tódô sedlu hulô lem uyóhen. Ominen mdók yó kem tau gel dóken anì hol hendlà le dmutung ofi hitu duléken mkay kkinien.

Danyél 3:13

Uni Nibukadnisar mungol du yóm tifù le yó, ya tey sidek kebuten, tódô kendel htabahen le Sadrak ne Misak ne Abidnigu. Tikóng le kól bè yó

Jirimaya 17:11

Yóm tau fmilak mlan bè là ktedengen, hol mkél bè yóm onuk koyu nlonen yóm là kun ngà lenbotù du, là legenen béléen yó kem ngaen yó. Bud là legenen bè yóm tau yóm kendengenen mlan bè yóm là ktedengen, tódô kendel lana. Ne ke deng tuha bud mulék élél, gfan yóm kungelen.

Kem Udél Hlalak Tehe Selumun 18:6

Yóm kun kudél yóm tau book gónón lemwót yóm kesbólów ne bud bè kudélen gónón boug.

Kem Lingón 92:6

Yóm tau laen dù tngónen, balù udì ke glileben kun nim ni. Senged se yóm tau nungel, là kô glileben du.

Kem Lingón 69:4

Tey dê kem tau kmutó nawa dou balù yóm klaen dù duón le dou. Ke nsóhem lu, bong le wen senta yó kem balu weku. Tey dê udél le gbak ebéléu hono kéng. Tey le kemgis yó kem tau yó, kóyô le ke ghatay le ou. Laen kô dù deng hennagawu bélê le, okóm deng mom henni le ou swì.

Kem Lingón 49:10

Gotu tngón tekuy se, balù yó kem tau alì temngón, gotu le matay se kul. Laen dù gónó le stólóng bè yó kem tau nungel ne bè yó kem tau laen dù tngónen. Gotu tebel le kem kendengen le bè yó kem bud lugod le.

Kem Lingón 35:19

Hol béem abay hlus lu yó kem hohonu tmulón kéng yó ke hligal le bè yóm là kegmou. Hol béem abay hlus lu yó kem tau kmutó nawa dou hkawang ke hligal le bè yóm kwen knangagu.

Kem Lingón 25:3

Laen kô dù gónón myak kun yóm tau smalig béléem, okóm yó myak yó kem tau snukaten kem dumun tau.

Kem Lingón 14:1

Bè kul kehedem yó kem tau là hulungen hedem, gel henkéng le ke wen Dwata. Yó kem tau yó, hono sidek kehedem le, ne hono sidek yóm gel nmò le. Balù sotu bélê le ke mò du yóm tedeng.

2 Tutul Israél 16:10

Deng mom lenbut Asa Hanani yóm tau gel wen hton Dwata du, yó gónón heblanggù du. Bè yóm kdaw yó, nbut Asa bè yó ne tendo hemgnok kul yó kem dumu tau nogoten.

1 Bok Kem Tau Hol Geta 21:4

Lemwót bè yóm balà Nabot du yó, tódô mulék ebè gónóen Ahab, tey kebuten ne tey keblat nawan. Tódô hlilil smolu ebè beng, lelen là móyô mken.

2 Samwél 16:7

Tódô htê Simi yóm igoen hemmulà ke Dabid, monen, “Mdóhi bè ni, yóm tau monok, ne tau hono sidek nmoen.

2 Samwél 6:20

Bè yóm kulék Dabid ebè gónóen anì nan e mni bè Dwata bè yó kem fes lówóhen, senlong Mikal yóm ngà Sol libun yehenen, ne yó monen mò du, “Étey, tey kehtótólen yóm kun boluy kemdaw ni yóm tau hol geta bè Israél. Tódô htonen knóen lem blóng yó kem libun tóbóng lówó yó kem genlalen, lómón kmò yóm tau laen dù kenyaken.”

Tekang Kbuten 37:8

Omin le mon du mò ke Jusif yó kem twoguhen, “Ofo kóm kô ke uu geta bélê me mò mogot kum?” Ne mom milud kutó nawa le ke Jusif lemwót bè yóm knahen yó ne bè yóm gel ktifuen kul.

2 Tutul Israél 19:5

Ket syudad mbegel bè klamang Juda, sal wen kem tau kmukum néléken suen du,

Kun Snulat Luk 22:66

Tikóng deng mwas bè yó, omin le mit ke Jisas ebè yó kem tau hol geta mogot kukum. Gotu le nô bè yó yó kem tuha gónó le gel galak yó kem Ju, ne yó kem tau hol geta bè yó kem gel demsù ebè Dwata kkólen bè yó kem tau gel tmolok hlau.

Kul Nmò 4:15

Na le na hefewà le Pitér bè yóm dfél gónó le kmukum kul yó anì na le stulón són lu yó kem tau mogot kukum.

Kul Nmò 5:21

Tahu se, mung kwasen bè yó, bud tu lu mdà lem Gónô Dwata, bud le tmolok bè yó kem tau. Bè yóm hlafus yó, lemwót yóm tau hol geta bè yó kem gel demsù ebè Dwata dalang se yó kem dumuhen, gotu htaba le yó kem dumu tau tuha gel mogot kukum anì gotu le stifun yóm kdê le. Omin le tô hangay yó kem hógów Jisas nô lem blanggù.

Kul Nmò 6:12

Yó gónó le mò du yóm yó mò lan le hesbeweg yó kem tau, ne yó kem tuha gónó le gel galak, dalang se yó kem tau gel tmolok hlau. Tódô kenfô le Stéfén, ne nwit le ebè yó kem tau hol geta mogot kukum.

Kul Nmò 6:15

Yóm igò le alì tmifù kéng ni kem tau dmelem ni, là kô kó mata le ke Stéfén yó kem tau mogot kukum seyón bè yó. Tódô ton le yóm tey klayag gu lem uyóhen, hol lómón ke uyó yóm hógów Dwata gu bè longit.

Kul Nmò 22:30

Bong yóm kmandér, kóyóen ke hol tngónen yóm alì duón le ke Pol yó kem dumuhen Ju. Yó gónóm mon, bè yóm deng hayahen bè yó, hkóhen yóm kdina fét Pol, ne gotu htabahen yó kem tau hol geta bè yó kem tau demsù ebè Dwata, dalang se yó kem tau hol geta mogot kukum lem blóng yó kem Ju. Ominen hangay ke Pol, ne hdaen bè solu le.

Kul Nmò 23:1

Bè yóm kdà Pol bè solu yó kem tau mogot kukum, nan na temngel ebélê le, ominen mon du mò kul, “Kem dou dumu tau Israél, bè dou kegnóm du, laen kô du tngónu ke mò blóngu ebè Dwata efet nim kmoen ni.”

Kul Nmò 24:20

Sotuhen, ni kem tau mdà gu bè ni ni, mò le là tmulón du bè ni du ke wen se salà tehe ton le béléu bè yóm tanay kehdà le dou bè solu yó kem tau hol geta mogot kukum bè yó kem Ju.