Matyu 5:20 - Udél Dwata: Gna Kesfasad ne Lomi Kesfasad

²⁰ Tódô tulónu kuy,” mon Jisas, “song ye gmung bè yó kem tau nogot Dwata bè longit ke hol ye hgulit lemolò du yóm kun kóyô Dwata senta yóm kul kgulit yó kem tau tmolok hlau ne yó kem Farisi.”

Matyu 5:20 Referans Kwoze

Flipay 3:9

ne anì hol me baling ssotu yóm lewu me. Là bud wen gónóhu tedeng ne ke lemwót bè klolou yóm hlau. Okóm ni, denge baling tedeng lemwót bè yóm kehtahuhu bè Krays. Nim ktedeng monu ni, tódô blay Dwata lemwót bè yóm kehtahuhu.

Hibru 12:14

Hol tilów ye són gel ye mit kenek nawa bè kem dumu ye. Hotu ye nawa ye mò du yóm hyu anì laen dù belenen yóm gel nmò ye. Ke tlek wen belenen yóm gel kmò tekuy, sélét mom tô angat ton tekuy ne yóm gónó tekuy mogot.

2 Kurin 5:17

Ke deng ssotu bè Krays yóm tau, baling lomi ne kehedemen. Kdê yó kem tehe gna kehedemen tódô gotu lana, ne hono lomi ne bud tlesen du.

Matyu 7:21

“Là kô kdéen du yó kem tau mon du ou yóm gónó le mogot, angat gmung bè yó kem tau nogot Dwata,” mon Jisas. “Tek són olo gmung yó kem tau mimón yóm kun kóyô yóm Mà bè longit.

Deng Hegfan 21:27

Okóm là kóen gusek bè yó yóm là mólósen, duhen yóm tau gel mò yóm gónón hemyak knô, ne yóm tau gel mò kéng. Són olo gusek, són yó kem tau deng gsulat boluy le bè yóm bok lowil, duhen yóm kun bok yóm Ngà Ubiha.

Kun Snulat Luk 18:17

Tódô tulónu kuy ktahuhen,” mon Jisas, “Yóm tau ke là gtud nawahen ke Dwata lómón yóm kul kegtud nawa yó kem ngà, là kóen na a gmung bè yóm kogot Dwata tau.”

Kun Snulat Luk 12:1

Sotu kdaw bè yó, tódô le muluk ebè Jisas yó kem tey tau wen, balù hilu libu kwen le, gotu le segdà te hólól ti. Yó gna nmò Jisas, mudél ebè yó kem gel lemolò du, monen mò kul, “Hol ten-gama ye yóm kul kmò yó kem Farisi, yóm gel kehlingu le bè yó kem tau gel tedeng. Yóm kul kmò yó hol lumun ke bólen yóm bulung henok mambang.

Kun Snulat Luk 11:44

Angat tey tafak ye he. Hol ye mkél bè yóm gónó lembeng laen dù ilô nô tahen. Tódô óyô le mlan tahen yó kem tau, là kô tngón le du yóm ndà le.”

Mark 10:25

Mom mahil bè yóm kamél ke hfusek tekuy bè yóm sol dalum, olo yóm tau wen kendengenen, tey mgel béléen ke tô hogoten ke Dwata klowilen.”

Mark 10:15

Tódô tulónu kuy ktahuhen,” mon Jisas, “yóm tau ke là gtud nawahen ke Dwata lómón se yóm kul kegtud nawa yó kem ngà, là kóen na a gmung bè yóm kogot Dwata tau.”

Matyu 18:5

Ne ke wen tau hmódó yóm sotu ngà lómón yóm ngà nii mlan bè dou boluy, lómón se ke o ne yóm hnódóhen.”

Matyu 3:10

Ke hlingónu du yóm móyón ktafak Dwata kuy, hol lómón ke beyung deng eles mléd lem but yó kem koyu mò angat sfeken kul. Ket koyu ke là gulit kbunguhen, angat senfeken, ne tódô tudà elem ofi.”

Matyu 16:12

Omin le yó he temngón du sundu bulung henok mambang du yóm tendoken, okóm yóm kul ktolok yó kem Farisi ne yó kem Sadyusi.

2 Kurin 3:9

Ke wen tey keslinang yóm kfasang Dwata gfan bè yóm hlau mit hatay, milud he keslinang yóm kfasangen yóm lomi lan nmoen mò gónó le mowil.