Matyu 5:18 - Udél Dwata: Gna Kesfasad ne Lomi Kesfasad

¹⁸ Tódô tulónu kuy ktahuhen, bè yóm igoen tolo wen longit ne tonok, laen se kô mkó du yó kem tehe hlau Musis, balù sotu bè yó kem leneken, efet deng gotu dohò yó kem kdê tulónen.

Matyu 5:18 Referans Kwoze

Kun Snulat Luk 16:17

Angat kmanas yóm longit ne yóm tonok,” monen. “Okóm yóm hlau Musis, balù yó kem olo leneken, là kóen na a lana.”

Isaya 40:8

Tahu se, mahil menes yóm bnes ne mahil mifù yó kem bulók. Okóm yóm udél yóm Dwata tekuy, laen kô dù nan e són.”

1 Pitér 1:25

Okóm yóm kun Udél yóm gónó tekuy mogot, laen kô dù tul sónen.” Yóm udél monen yó, yó se yóm Tulón Hyu gel hetngón le kuy yó kem tau gel tmolok bélê ye.

Mark 13:30

Bê ye klifót,” mon Jisas, “kesok sut ni kem deng tulónu kuy ni, tolo wen he bè ni kem tau kmoen ni gmafit mton du.

Deng Hegfan 20:11

Ominu yó bud mton yóm bangkù alì sminang bukay gónón myón yóm fen kmukum, ne tonu se yóm myón tahen. Ne bè yóm ketngelu du, tódô lana bè yó bè soluhen yóm tonok ne longit, là kô bud tonem kul ne, bà udì.

Kem Lingón 102:26

Angat le gotu kmanas se yó, okóm kóm, laen kô dù nam e són. Hol le skél bè nes, angat le gotu bolok. Gotu tenlesem lu lómón nes, ne tódô le lana lem matahem.

Kun Snulat Jan 5:19

Bud mon Jisas mò kul, “Tódô tulónu kuy ktahuhen, laen kô gmoen yóm Ngà ke són du, ke là wen Maen. Yó se gel tonen nmò Maen, yó se kun nmò yóm Ngà.

Matyu 17:20

Mon Jisas se, “Abay se tolo udì kehtahu ye. Tódô tulónu kuy ktahuhen, ke bnotù tekuy yóm kehtahu ye, anien ke olon senged bè kutit yóm lem hulu boluyen mustard, botong gbek ye tódô mon du bè yóm bulul nii, ‘Milihi etuu.’ Nénégem kà tódóen mili. Laen kô dù là gbek ye du.

Matyu 16:28

Tódô tulónu kuy ktahuhen, angat wen he bélê ye bè ni gmafit mton du yóm bud kesfuléken edini yóm Ngà Tau mò kmamal yóm klamangen.”

Matyu 13:17

Tódô tulónu kuy ktahuhen, tey dê kem tehe tugod Dwata ekni dalang se yó kem dumu tau Dwata, gel tô hendeen le mton du yóm kuy deng ton nim kmoen ni, okóm là kô ton le du. Tô hendeen hnungol le se kul yóm kuy deng gungol ni, okóm là kô gungol le du.”

Matyu 10:23

Ke hnayam le yu bè sotu benwu, tódô ye mlóy ebè dumu benwu. Tódô tulónu kuy ktahuhen, là kô na ye e deng gdeng du he yó kem hmou kuy bè kdê yó kem benwu bè klamangen Israél, deng sana bud kól yóm Ngà Tau.

Matyu 6:2

Duhen yó, ke wen blay ye bè yóm tau élél, bê ye abay hegfan lómón yóm kul gel nmò yó kem tau hemtedeng knô. Tey gel kehegfan le du bè gónó le gel stifun ne gu bè lan bè gónón wen. Yó gónó le gel mò du anì dóyón tau lu. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Matyu 5:26

Tódô tulónu kóm ktahuhen, là kói na a gewà ke là nam gotu gbayad du yóm salaem.”

Kem Lingón 119:152

Deng kem tngónu tehe yu ekni bè yóm tolo kngau yóm klaen dù nan e són yó kem hlauhem.

Kun Snulat Jan 21:18

Tódô tulónu kóm ktahuhen,” mon Jisas, “yóm hanà tolo klomihem tau, sónmoem tendo gel hget lemsek nes, ne kihu kóm gónó móyô e mógów. Okóm ke dengi tuha tau, angat tódô sendololem sigelem, ne tólóng tau fen mfét kóm, ne nwiten uu ebè yóm gónóhem là móyô e mógów.”

Kun Snulat Jan 16:23

Bè yóm kdaw yó, là bud wen hni ye béléu ne. Tódô tulónu kuy ktahuhen,” mon Jisas, “balù kihu hni ye bè Mà hlan ye bè dou boluy, tódô blayen kuy.

Kun Snulat Jan 16:20

Tódô tulónu kuy ktahuhen,” monen, “angat tey sidek kedlumu ye mkik, okóm fen le hligal kul yó kem tau là hemtahuhen. Angat tey sidek klangag ye, okóm bud mulék kligal yóm klangag ye yó.

Kun Snulat Jan 14:12

Tódô tulónu kuy ktahuhen,” mon Jisas, “yó se tau hemtahu béléu, du tles bud gel mò du yóm dou gel nmò. Angat mkay senta ni he kem dou nmò yóm kun angat nmò abay se muléke ebè Mà.

Kun Snulat Jan 13:38

Bud bnalà Jisas Pitér, monen, “Tahu kô tô hamaem béléu kóm klowil? Tódô tulónu kóm ktahuhen, Pitér, gu laanen là deng kmóót onuk kifu ni, deng sana tlu dulékem ne hmalà yóm ketngónem do.”

Kun Snulat Jan 13:16

Tódô tulónu kuy ktahuhen,” mon Jisas. “Là kóen geta senta amohen yóm tau hesek. Ne yóm tau gel dók, là kóen geta senta yóm tau mdók du.

Kun Snulat Jan 12:24

Tódô tulónu kuy ktahuhen,” mon Jisas, “lómón yóm sbotù bnék halay, ke là nan gebeng elem tonok ne lembóg, là kóen na a tmowok, ne là se wen bunguhen, tódô sana keblotuen. Okóm ke deng lembóg, yó he kwen towoken, ne angat tey kbunguhen.

Kun Snulat Jan 10:7

Bud mon Jisas mò kul, “Tódô tulónu kuy ktahuhen, hol lómón ke ou se bak tikeb kukub yó kem ubiha.

Kun Snulat Jan 10:1

Bud wen tolok Jisas kul bede hningónen, monen, “Tódô tulónu kuy ktahuhen, ke wen tau husek elem kukub ubiha, okóm là mlanen bè bak tikeben, mom mkaf doli beng mò lanen elemen, deng duhen du se yóm tau mnagaw.

Kun Snulat Jan 8:58

Ne mon Jisas se mò kul, “Tódô tulónu kuy ktahuhen, gu laan Abraham là deng sut, deng sana kem yó ne dou.”

Kun Snulat Jan 8:51

Tódô tulónu kuy ktahuhen,” mon Jisas, “yó se tau mimón yóm dou tolok, là kóen na a matay.”

Kun Snulat Jan 8:34

Mon Jisas mò kul, “Tódô tulónu kuy ktahuhen, yó se tau mò salà, deng ghesek ne lem yóm óyóen mò salà.

Kun Snulat Jan 6:53

Ne bud mon Jisas mò kul, “Tódô tulónu kuy ktahuhen, ke là ken ye du lówóhen yóm Ngà Tau, ne ke là ninum ye du litóen, là kô guta ye du yóm klowil laen dù tul sónen.

Kun Snulat Jan 6:47

Tódô tulónu kuy ktahuhen,” mon Jisas, “yó se tau hemtahu béléu, deng wen ne kun klowil laen dù sónen.

Kun Snulat Jan 6:32

Bnalà Jisas lu, monen, “Tódô tulónu kuy ktahuhen, yóm ken blay Musis kuy, là kô yó du yóm hol tahu ken lemwót gu bè longit. Kaem Mà bemlay du kuy yóm hol tahu ken lemwót gu bè longit.

Kun Snulat Jan 6:26

Bnalà Jisas se lu, monen, “Tódô tulónu kuy ktahuhen, tek sotu gónó ye mebel do lanu deng hemken kuy efet ye bsow. Okóm là kô dog dilô ye du tennefen yó kem hentaw ton nmou yó.

Kun Snulat Jan 3:11

Tódô tulónu kóm ktahuhen,” mon Jisas, “són olo tulón me yóm deng tngón me, ne yóm deng ton me, okóm laen dù bélê ye hemmóyô du.

Kun Snulat Jan 3:5

Bud bnalà Jisas se, monen, “Tódô tulónu kóm ktahuhen, là kóen gmung bè yó kem tau nogot Dwata ke là nan na mlan bè él ne bè yóm Tulus Dwata.

Kun Snulat Jan 3:3

Bnalà Jisas se, monen, “Tódô tulónu kóm ktahuhen, là kóen gmung bè yó kem tau nogot Dwata yóm tau ke là nan ne bud hlomi sut.”

Kun Snulat Jan 1:51

Tódô tulónu kuy ktahuhen,” mon Jisas, “angat ton ye hnas longit, ne yó kem hógów Dwata gu bè longit htuntun ebè yóm Ngà Tau, lel le bud haway eta.”

Kun Snulat Luk 23:43

Bnalà Jisas se, monen, “Ni fasadu kóm, ditu béléu bè dou benwu bè longit gónóm e mefet nim kemdaw ni.”

Kun Snulat Luk 18:29

Ne mon Jisas mò kul, “Tódô tulónu kuy ktahuhen, ke gloken gemtagak gónóen yóm tau, kkólen bè yehenen ne yó kem dumuhen setwoli, kkólen bè yó kem tuhahen ne yó kem ngaen lanen na a hból du yóm kogot Dwata tau,

Kun Snulat Luk 18:17

Tódô tulónu kuy ktahuhen,” mon Jisas, “Yóm tau ke là gtud nawahen ke Dwata lómón yóm kul kegtud nawa yó kem ngà, là kóen na a gmung bè yóm kogot Dwata tau.”

Kun Snulat Luk 13:35

Yó se gónó Dwata tódô mayà du lem blóng ye yóm Gónóen. Tódô tulónu kuy ktahuhen, là tagad na ye bud ton do he ke là nan na kól yóm kdaw angat kmon ye du, ‘Dwata he hol tmóbóng du yóm tau deng hógówen.’”

Kun Snulat Luk 12:37

Hligal le du kul yó kem tau là deng le henga bè yóm kkólen, ne ke deng le eles htifes. Yó tódô tulónu kuy,” mon Jisas, “yóm gónó le mogot yó, angat du tles bud temdof kul. Gotu senseyónen lu, ne henkenen lu.

Kun Snulat Luk 11:51

kewóten bè katay Abél bnonok efet yóm kbonok le ke Sekariya. Tódô kem hnatay le igoen mógów lem blóng yóm gónó le gel demsù ebè Dwata ne yóm Gónô Dwata. Yó tódô tulónu kuy,” mon Jisas, “angat tnafak Dwata yu bè yó kem kdê tugoden tehe matay bnonok.

Mark 14:30

Bnalà Jisas se, monen, “Tódô tulónu kóm ktahuhen, Pitér. Gu laanen là deng kmóót onuk bè gewuhen dulék kifu ni kdeng, deng sana tlu dulékem ne hmalà yóm ketngónem dou.”

Mark 14:25

Tódô tulónu kuy ktahuhen,” mon Jisas, “hatan bud ninumu he dou nim ninum ni ke deng kól bè yóm kdaw bud kinumu yóm ninum lomi bè yóm kun benwu nogot Dwata.”

Mark 14:18

Yóm igò le tolo mken, mudél ebélê le Jisas, monen mò kul, “Tódô tulónu kuy ktahuhen, sotu bélê ye mung do mken bè ni angat mlay do sumóng.”

Mark 14:9

Tódô tulónu kuy ktahuhen, balù kihu gónón angat e mból bè klamangen benwu yóm Tulón Hyu lemwót bè Dwata, angat tendo gel gboluy snéen kun nim libun ni lemwót bè yóm deng nmoen béléu.”

Mark 12:43

Bè yóm kton Jisas du nim ni, tnabahen ebéléen yó kem gel lemolò du, ne monen mò kul, “Tenngel ye nim libun bolu laen dù gónón ma nii. Tódô tulónu kuy ktahuhen, alì bong yóm kun blay senta yóm kul blay yó kem dumu tau.

Mark 11:23

Tódô tulónu kuy ktahuhen, ke là megewu kehtahu ye, ne ke hol nô bè nawa ye yóm angat kguta ye yóm hni ye, gbek ye tódô mdók nim bulul nii anì mdó bè ni ne mili elem mohin, kaem tódô nimónen yu.

Mark 10:29

Ne mon Jisas se mò kul, “Tódô tulónu kuy ktahuhen, ke deng gloken gemtagak gónóen yóm tau, ne yó kem dumuhen setwoli, kólen bè yó kem tuhahen, ne yó kem ngaen, duhen ke tonoken lanen lemolò do ne lanen hból du yóm Tulón Hyu,

Mark 10:15

Tódô tulónu kuy ktahuhen,” mon Jisas, “yóm tau ke là gtud nawahen ke Dwata lómón se yóm kul kegtud nawa yó kem ngà, là kóen na a gmung bè yóm kogot Dwata tau.”

Mark 9:41

Tódô tulónu kuy, yóm tau ke olon hinum kuy él lemwót bè yóm deng klolò ye do, angat dohò se yóm ofol blay Dwata du.”

Mark 9:1

Bud mon Jisas mò kul, “Tódô tulónu kuy ktahuhen, wen he bélê ye gmafit mton du gu laan ye là deng matay yóm kogot Dwata tau ne yóm tey kegbeken.”

Mark 8:12

Okóm hbong Jisas knawahen, monen, “Moen ni kem tau kmoen ni ke alì tógón le yóm hentaw ton? Tódô tulónu kuy ktahuhen, laen kô dù ilô hegfan Dwata bélê ye.”

Mark 6:11

Ne ke wen benwu là hmódó kuy, ne ke là dog hnungol le kuy, tódô tnagak ye yóm benwu yó, olo ye tmótók kfung bè ti ye mò ilô yóm angat ktafak Dwata kul.”

Mark 3:28

Tódô tulónu kuy ktahuhen, gbek Dwata hmifót du yóm tau balù kihu salà nmoen ne balù kihu udélen sidek gbak ebéléen.

Matyu 25:45

Ne yó monen mò kul yóm Tau Hol Geta yó, ‘Tódô tulónu kuy ktahuhen, yóm là dog któbóng ye yó kem tau alì gdanà, lómón se yó ne yóm là dog któbóng ye dou.’

Matyu 25:40

Angat bnalaen se lu yóm Tau Hol Geta, monen, ‘Tódô tulónu kuy ktahuhen, yó se deng nmò ye bè yó kem dumuhu setwoli alì gdanà, lómón ke béléu gónó ye mò du yóm yó.’

Matyu 25:12

Okóm mom mon yóm logi myehen, ‘Bê. Là kô tngónu kuy.’

Matyu 24:47

Tódô tulónu kuy ktahuhen, yóm tau gulit kmoen nmò yó, angat hkemen du yóm gónón mogot yóm kdê kimuhen.

Matyu 24:2

Omin Jisas mon du mò kul, “Hol tenngel ye dé yóm kdê ton tekuy ni. Tódô tulónu kuy ktahuhen, angat kól yóm kdawen laen kô dù tebel bè ni kem beng botu nii, tódô gotu lenusok le.”

Matyu 23:36

Tódô tulónu kuy ktahuhen, angat tnafak Dwata yu, yu kem tau kmoen ni, bè yóm kdê deng tehe matay bnonok.”

Matyu 21:31

Bud mon Jisas, “Mahi du de bélê le mimón ke mà le?” Ne mon le se, “Yóm ngaen twogu.” Omin Jisas bud mon du mò kul, “Tódô tulónu kuy, mom gna mung bè yó kem tau nogot Dwata yó kem tau gel mtuk bwis, ne yó kem libun hdóyón. Là kuy, là kô ye na a gmung.

Matyu 21:21

Mon Jisas mò kul, “Tódô tulónu kuy ktahuhen, ke wen kehtahu ye, ne ke là megewu nawa ye, gbek ye snéen mò du yóm nmou bè nim koyu ni. Là sónen du yó gbek ye, gbek ye snéen tódô mdók nim bulul nii anì mdó bè ni, ne mili elem mohin, botong tódô nimónen yu.

Matyu 19:28

Mon Jisas se mò kul, “Tódô tulónu kuy ktahuhen, ke deng kól yóm lomi benwu, ne ke deng bangen myón bè yóm gónóhen myón kmamal yóm Ngà Tau, wen snéen gónó ye myón kmamal bè yó, yu kem sfolò lewu gel lemolò do ni. Angat ye fen mogot kukum bè yó kem sfolò lewu bung tau semfu gu bè yóm tehe Israél.

Matyu 19:23

Omin Jisas mudél ebè yó kem gel lemolò du, monen, “Tódô tulónu kuy ktahuhen, tey mgel bè yóm tau wen kendengenen ke tô hogoten ke Dwata klowilen.

Matyu 18:18

“Tódô tulónu kuy ktahuhen,” mon Jisas, “yó se nmò kenbê ye talak tonok, angat bud kenbê Dwata bè longit snéen. Yó se nmò là kenbê ye du, là se kenbê Dwata du bè longit snéen.

Matyu 18:3

monen, “Ngem nim ngà nii, là kô ktesen du yóm kegetahen. Tódô tulónu kuy ktahuhen,” mon Jisas, “ke là tenles ye du yóm kuy kehedem lómón yóm kun kehedem nim ngà ni, là kô ye na a gmung bè kogot Dwata tau.

Matyu 11:11

Tódô tulónu kuy ktahuhen,” mon Jisas, “laen dù tau talak tonok ke geta senta Jan. Okóm ke deng kól yóm kdaw kogot Dwata tau, balù yó he kem tau alì glaan bè kdéen tau nogot Dwata, angat geta senta Jan.

Matyu 10:42

Tódô tulónu kuy ktahuhen, baluen he ke tek olon él tnaw hinum ye yóm sotu tau gel lemolò do, yóm tau alì glaan bè kdéen, abay se dilô ye yóm kloloen do, angat dohò wen ofol blay Dwata kuy.”

Matyu 10:15

Tódô tulónu kuy ktahuhen, ke deng kól yóm kdaw kkukum Dwata tau, angat tey bong ktafaken kul yó kem tau bè yóm benwu yó senta yóm ktafaken yó kem tau tehe alì mò sidek bè Sodom ne Gomora.”

Matyu 8:10

Timbow gungol Jisas nim mon nim kfitan ni, tey kehtawen du, ne monen mò yó kem tau gel lemolò du, “Tódô tulónu kuy ktahuhen. Laen dù tau tonu bè klamangen Israél ke lómón ni hol kehtahuhen béléu.

Matyu 6:16

“Bè yóm gel kfasting ye,” mon Jisas, “bê ye dnalang yóm kul kmò yó kem tau hemtedeng knô. Là kô le hgifat anì dilô tau bélê le yóm kfasting le. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Kun Snulat Luk 4:24

Okóm tódô tulónu kuy ktahuhen,” monen, “là kô hol henmóyô le du bè kun benwu yóm tugod Dwata.

Kem Lingón 111:8

Laen kô dù sónen yóm ktahuhen yó kem hlauhen yó mò hol nimón tekuy lemwót lem but blutut tekuy.

Isaya 44:26

Okóm yóm dou tóbóng lówó, ke wen eles gel tulónen angat hdohou se yó. Ke wen tau hógówu mò tmulón yóm angat atulu, hol lemwót béléu se yóm tulónen yó ne angat hdohou. Ni udélu ebè yóm benwu Jirusalim, angat le bud mulék menwu bè yó, yó kem tauhen. Ne yó bud udélu ebè yó kem syudad bè benwu Juda, angat wen bud hmomi hemdà kul. Balù yóm deng tey kegbà le, botong bud baling lomi.