Matyu 5:17 - Udél Dwata: Gna Kesfasad ne Lomi Kesfasad

¹⁷ Bud mon Jisas, “Bê ye tô hendem ke yó hendufu edini naw e kó yó kem tehe hlau Musis ne yó kem tehe gel tolok yó kem gna tugod Dwata. Là kô yó du. Là kô kóhu kul. Nim nógówu edini ni, naw e dnohò yó kem deng tehe eles tolok le yó.

Matyu 5:17 Referans Kwoze

Sulat Pol Ebè Yó Kem Tau Hemtahu Bè Rom 10:4

Lemwót bè yóm deng nmò Krays, yó gónón deng tódô gesón yóm klolò tekuy yóm hlau mò gónón tedeng kton Dwata tekuy. Tek són bè yóm kehtahu bè Krays gónón baling tedeng kdéen tau.

Kun Snulat Luk 16:17

Angat kmanas yóm longit ne yóm tonok,” monen. “Okóm yóm hlau Musis, balù yó kem olo leneken, là kóen na a lana.”

Sulat Pol Ebè Yó Kem Tau Hemtahu Bè Rom 8:4

Yó se yóm deng nmò Dwata anì gbek tekuy mò du yóm tedeng hloloen tekuy bè hlauhen. Yó gónó tekuy gembek lemolò du abay se là bud tekuy galak du ne yóm knóyô tekuy, deng tekuy galak bè yóm Tulus Dwata.

Sulat Pol Ebè Yó Kem Tau Hemtahu Bè Rom 3:31

Déke bud wen tau mon du, “Ke mlan bè kehtahu tekuy ke Jisas, laen dù bud muhen ne yóm klolò tekuy yó kem hlau Musis.” Là kô yó du. Mom milud he klolò tekuy du yóm hlau lemwót bè yóm deng kehtahu tekuy ke Jisas.

Isaya 42:21

Yóm Dwata gónó tekuy mogot, hol kóyóen ke lenwaen tekuy. Yó gónón hol hget du bélê tekuy yó kem hlauhen ne yó kem toloken. Kóyóen ke hol nimón yó kem tauhen.

Matyu 7:12

Yó se nóyô ye nmò tau bélê ye, yó se kuy nmò bélê le. Ni se hol lemen yóm tehe hlau Musis dalang se yóm kul tolok yó kem gna tugod Dwata ekni.”

Matyu 3:15

Bnalà Jisas se, monen, “Kendolen ne. Hyu ke gotu nmò te yóm kóyô Dwata bélê te.” Tahu se, bnabtays Jan Jisas.

Kul Nmò 18:13

Mon le mò du, “Nim tau ni, gel n-góyen yó kem tau anì hmungol le udél Dwata, okóm là segloloen bè yóm hlau tekuy.”

Kul Nmò 6:13

Omin le hudél yó kem tau tmifù du kéng, yó mon le, “Nim tau ni, sónmoen gel sidek kudélen ebè yóm Gónô Dwata dalang se ebè yóm hlau Musis.

Kun Snulat Jan 8:5

Bè yóm tehe hlau Musis,” mon le, “hnatay sentudà botu yóm libun ke lómón ni kmoen. Tedu se kóm kmon du du?”

Kul Nmò 21:28

“Ó kem dumu me tau Israél, tnóbóng ye mi. Ni se yóm tau tendo tmolok bè yó kem dumu benwu. Yóm toloken yó, hen-gnoken tekuy kem tau Israél, dalang se yóm hlau Musis, kkólen bè nim Gónô Dwata nii. Lelen yó he hgolu yóm Gónô Dwata bè yóm kwiten elemen yóm tau là Juhen. Deng nuléhen yóm hlau bè Gónô Dwata yóm nmoen yó.”