Matyu 5:15 - Udél Dwata: Gna Kesfasad ne Lomi Kesfasad

¹⁵ Laen se kô tau hemtom solok ke tlek mom bud hnokoben. Kaem yó dé kmoen du, suen bè gónón mfatu anì lemayag ebè kdéen tau lem gónô.

Matyu 5:15 Referans Kwoze

Mark 4:21

Ne bud mon Jisas mò kul, monen, “Laen dù tau hemtom solok ke mom bud hnokoben, duhen ke mom suen bè gónón glilung. Okóm ke wen tau hemtom solok, tódô hyónen bè gónón mfatu anì lemayag.

Kun Snulat Luk 11:33

Ne yó bud mon Jisas mò kul, “Laen kô tau hemtom solok ke deng mom bnosen, duhen ke mom hnokoben. Bede ke wen gel hemtom solok, kaem hyónen bè gónón mfatu anì ton kem tau motun yóm layagen.

Kun Snulat Luk 8:16

Ne bud mon Jisas mò kul, monen, “Laen kô dù tau hemtom solok ke mom bud hnokoben, duhen ke mom suen bè gónón glilung. Okóm ke wen tau hemtom solok, tódô hyónen bè gónón mfatu anì ton le layagen yó kem tau husek.

Sikaraya 4:2

Bud snólóken o, “Tedu se tonem ni du?” Bnalau se, monu, “Yó tonu, sotu gónó hemyón solok hono tahu blówón, nô tahen yóm tukung bong gónó hemsù hnolo. Hilol kilil yóm tukung bong yó, wen hitu tukung lemnek myón du, bede hono solok ne ket solok wen hitu sumóngen mò gónón mlan sembwanen.

Kun Snulat Luk 11:36

Ke hono layag lem hendem ye, laen kô bang gónón kmifu, hol lómón ke mógów ye lem nóng solok mtataw nóngen.”

Flipay 2:15

anì laen dù bang gónó le gemsanil kuy yó kem dumu tau, ne anì laen dù belenen yóm kmò knawa ye snéen, yakà deng ye ngà Dwata, tau deng gulit balù yóm knô ye lem blóng yó kem tau là tedeng kehedem le, kem tau hono sidek nmò le. Yóm klowil ye lem blóng le, yake hol lómón ke blotik mnóng lem kifu dé,

Hibru 9:2

Yóm gónô hdà le yó, Gónô Dwata gel nit le mógów. Wen lewu dfélen. Yóm tanay dfélen, boluy le du Dfél hetfing ebè Dwata. Wen soloken, ne wen lemisahen mò gónó le gel hmasà yóm mambang mò blay le ebè Dwata.

Deng Hegfan 2:5

Hol hendem ye dé yóm tey tehe nawa ye ebéléu ekni. Knogol ye ne yó kem salà ye, ne bud hulék ye ebè yóm hyu tehe gel nmò ye ekni. Ke là hdon ye du nim monu mò kuy ni, tódóe mógów edyó lem blóng ye naw e kó yóm kuy solok.