Matyu 5:14 - Udél Dwata: Gna Kesfasad ne Lomi Kesfasad

¹⁴ Ne sotuhen, hol lómón ke yu yóm layag bè klamangen benwu. Yóm syudad nô ta bulul, laen kô dù gónón gseng.

Matyu 5:14 Referans Kwoze

Flipay 2:15

anì laen dù bang gónó le gemsanil kuy yó kem dumu tau, ne anì laen dù belenen yóm kmò knawa ye snéen, yakà deng ye ngà Dwata, tau deng gulit balù yóm knô ye lem blóng yó kem tau là tedeng kehedem le, kem tau hono sidek nmò le. Yóm klowil ye lem blóng le, yake hol lómón ke blotik mnóng lem kifu dé,

Kun Snulat Jan 8:12

Ne yó bud udél Jisas ebè yó kem Farisi, monen, “Ou se yóm layag kól lem benwu. Yó se tau lemolò do, là kóen bud gógów elem kifu ne, okóm wen layag mò htonen lanen gmuta yóm klowil laen dù tul sónen.”

1 Tisalunika 5:5

Yakà deng ye baling tau nô lem gónón lemayag. Là bud tekuy nô lemen ne yóm gónón kmifu.

Kem Udél Hlalak Tehe Selumun 4:18

Yóm kun kmò kógów klowil yóm tau tedeng kmoen lómón ke layag kdaw, són moen minut mtataw efet talak kemdaw.

Kun Snulat Jan 12:36

Tnana ye hol hemtahu du dé yóm layag anì baling ye tau nô lem layag.” Timbow deng kudél Jisas, ominen lemwót ne là kô tngón kem tau du gónón e nô.

2 Kurin 6:14

Hol bê ye abay mit sbilà bè yó kem tau là hemtahuhen, là kóen na a hyu. Abay se là kô le segmung yóm tedeng ne yóm sigol. Dalang se yóm layag ne yóm kifu, là kô le setnù.

Kun Snulat Jan 5:35

Yóm Jan, hol lómón ke solok, ne tey knóngen. Okóm tek likót ye tô hligal du yóm knóngen yó.

Deng Hegfan 1:20

Wen hnigaden ni kem hitu blotik nogotu bè sigel kwananu ni, ne yó kem hitu solok blówón sedà ni. Yó hnigaden ni kem hitu blotik ni, duhen yó kem hitu gel malak yó kem tau hemtahu bè yó kem hitu simbahan monu yó koni. Ne yó hnigaden ni kem hitu solok blówón sedà ni, duhen yó kem tau hemtahu bè yó kem hitu simbahan yó.”

Kun Snulat Jan 9:5

Bè nim tolo knóu lem benwu,” monen, “ou se yóm layag mò hlayag yó kem tau lem benwu.”

Deng Hegfan 2:5

Hol hendem ye dé yóm tey tehe nawa ye ebéléu ekni. Knogol ye ne yó kem salà ye, ne bud hulék ye ebè yóm hyu tehe gel nmò ye ekni. Ke là hdon ye du nim monu mò kuy ni, tódóe mógów edyó lem blóng ye naw e kó yóm kuy solok.