Matyu 5:10 - Udél Dwata: Gna Kesfasad ne Lomi Kesfasad

¹⁰ Tey kehyuhen bélê le kul yó kem tau ke hensidek le lu lemwót bè yóm kimón le ke Dwata, abay se deng le gmung ne bè yó kem tau nogot Dwata.

Matyu 5:10 Referans Kwoze

Sulat Jim 1:12

Hligal kun yóm tau ke hulung hembala yó kem tilów mgel gel sut béléen. Yó ofolen yóm khulungen hbala yó, duhen yóm klowil laen dù sónen, yóm deng fasad Dwata bè yó kem tau kembong nawa du.

2 Kurin 4:17

Ke hendem me yóm tey kehyuhen yóm guta me hulin kdaw, élél tnalaw ni dum keglayam te tonok ni, tek olo kem likóten. Ke tódô henbala me nim ni, là kô gbek me hmingón du yóm alì kehyuhen yóm klowil laen dù sónen.

Matyu 5:3

“Tey kehyuhen bélê le kul yó kem tau ke dilô le yóm kwen gónó le élél bè kehtahu le, abay se deng le sana gmung ne bè yó kem tau nogot Dwata.

Kun Snulat Luk 6:22

Tey kehyuhen bélê ye ke gel knutó nawa le yu yó kem tau lan ye lemolò yóm Ngà Tau. Mom hyu nawa ye he ke kenbê le yu, ne ke gel hennê le yu, ne ke gel sidek kestulón le kuy.

2 Timuti 2:12

Ke hulung te hbala, angat te gomong mogot benwu béléen. Okóm ke hnalà te yóm ketngón te du, angat hnalaen tu se kun.

Flipay 1:28

Bê ye abay hlikò bè yó kem hmohon kuy, hol hgel ye nawa ye dé. Lemwót bè yóm là klikò ye, yó se gónó le dmilô du yóm klaen dù gmò le, ne yóm katù ye bélê le. Abay se monem lemwót bè Dwata yóm katù ye yó.

Kun Snulat Luk 21:12

Bede yóm hanà gu laanen,” mon Jisas, “na le na gotu kenfô yu, ne lel le hmayam kuy lemwót bè yóm klolò ye do. Angat nit le yu ebè yó kem gónô gel stifun yó kem Ju mò gónó le kmukum kuy, ne angat bnanggù le yu. Ne angat hdà le yu bè solu yó kem tau hol geta ne bè solu yó kem gubérnor lemwót bè yóm klolò ye do.

Kun Snulat Jan 15:20

Hol hentulón ye nawa yóm tehe monu mò kuy,” mon Jisas. “ ‘Yóm tau gel dók, là kóen geta senta yóm tau mdók du.’ Ke deng hensidek le o, angat hensidek le yu se kuy. Ke deng nimón le yóm toloku, angat nimón le se yóm kuy tolok.

Deng Hegfan 2:10

Hol bê ye abay knikò yóm hlayam móyón sut bélê ye. Ngem móyón wen bélê ye geblanggù lan Seitan tmilów yóm kehtahu ye. Bede olon gefet bè sfolò kdawen yóm keglayam ye yó. Bê ye abay honol nawa ye ebéléu, baluen ke matay ye du, abay se angat benlayu yu yóm klowil laen dù sónen mò ofol ye.

2 Timuti 3:11

Deng gotu tngónem yóm gel kehsidek le dou ne yóm gel keglayamu. Deng tngónem yóm gfau bè yó kem tau bè Antyok ne bè Ikunyum ne bè Listra. Tey keglayamu, bede sal gel lenwaen ou yóm gónó tekuy mogot.

Matyu 25:34

Angat monen mò yó kem nô bè kwananen yóm Hol Geta yó, ‘Géhél ye ne, yu kem tau deng tendo gel tnóbóng Mà. Hlós ye ebè yóm benwu deng tehe eles hentifesen bélê ye lemwót bè hol kbut benwu.

Kem Lingón 37:12

Yó kem tau gel mò sidek, gel natul le ktondo le yó kem tau hyu kmò le, lel le kmutó nawa kul.

Mark 10:30

angat tey wen blay Dwata du bè nim klowilen te tonok ni. Botong bud lematu duléken he bud hulék du ebéléen yóm deng gtebelen, yóm gónóen ne kem dumuhen setwoli ne kem yéen ne kem ngaen ne tonoken. Okóm nan gel wen gónóhen glayam bè yó kem tau là hemtahuhen. Bede hulin kdaw, angat gutahen yóm klowil laen dù sónen.

Kun Snulat Luk 6:20

Ne omin Jisas smolu ebè yó kem tau gel lemolò du, ne yó udélen ebélê le, monen, “Tey kehyuhen bélê ye kuy, yu kem tau élél, abay se deng ye sana gmung ne bè yó kem tau nogot Dwata.

Matyu 10:23

Ke hnayam le yu bè sotu benwu, tódô ye mlóy ebè dumu benwu. Tódô tulónu kuy ktahuhen, là kô na ye e deng gdeng du he yó kem hmou kuy bè kdê yó kem benwu bè klamangen Israél, deng sana bud kól yóm Ngà Tau.

1 Jan 3:12

Bê ye dnalang yóm tehe nmò Kain yóm kun tau Seitan, bnonoken twolihen Abél. Moen de ke bnonoken? Abay se là tedengen yóm gel nmoen, fen tedeng kun nmò yóm twolihen.

Kul Nmò 8:1

Wen se kem tau ngelem kehtahu le bè Dwata ne tilob klolò le yó kem hlau Musis, lu fen lembeng ke Stéfén ne tey klangag le du snéen. Okóm ke Sol kun, tey kehyu nawahen bè yóm khatay le ke Stéfén. Tódô kewóten bè yóm kdaw yó, sónmò le tendo hemsidek kul yó kem tau hemtahu bè Jisas bè Jirusalim. Gotu le sekla mlóy gu bè Jirusalim yó kem tau hemtahu bè Jisas, mlóy le etu bè klamangen prubinsya Judiya ne klamangen Samarya. Són yó kem sfolò lewu tehe nélék Jisas tagak bè Jirusalim.

Kul Nmò 5:40

Tahu se, nimón yó kem dumu tau hol geta mogot kukum yóm udél Gamaliyél yó. Omin le bud htaba kul elemen yó kem hógów Jisas na le na habid hfes lu. Tey kget kmon le du mò kul hol bê le abay bud sentbong bè kem tau yóm boluy Jisas. Omin le yó hefewà kul.

Matyu 19:14

Okóm mon Jisas, “Heflós ye lu edini yó kem ngà yó, bê ye abay henseng lu. Abay se yó kem tau nogot Dwata, hol le mkél bè knawa ni kem ngà lómón ni.”

Mark 10:14

Timbow ton Jisas nim nmò le ni, botong lenbuten lu, monen mò kul, “Heflós ye lu edini yó kem ngà yó, bê ye abay henseng lu. Abay se yó kem tau nogot Dwata, hol le mkél bè knawa ni kem ngà lómón ni.

Kun Snulat Luk 22:29

Deng wen kwalis deng blay Mà do mò kmamal benwu. Senged se kuy, angat wen kwalis mogot benwu blayu kuy.

Sulat Jim 5:11

Tódô tngón tekuy wen tey kligal le lemwót bè yóm kegbek le hbala. Deng gungol ye ne yóm tey kegbek Job hbala ekni, ne tngón ye se yóm tey któbóng Dwata du kogolen, abay se yóm gónó tekuy mogot, tey bong kkoduhen tau.