Matyu 5:1 - Udél Dwata: Gna Kesfasad ne Lomi Kesfasad

¹ Timbow ton Jisas yó kem tey tau wen, ominen mneged ete yóm sotu bulul udì ne bè yó gónón myón. Gotu le sbung e klohoken yó kem tau gel lemolò du,

Matyu 5:1 Referans Kwoze

Mark 3:13

Bud kewót Jisas bè yó, mógów elem bulul, ne htabahen yó kem tau nóyô niten. Tahu se, mógów le ebéléen.

Matyu 15:29

Bud kewót Jisas bè yó mentad hilol Lanaw Galili, ominen hlós elem bulul, ne myón bè yó.

Mark 4:1

Sotu kdaw bè yó, bud tmolok bè kilil Lanaw Galili Jisas, ne tey tau wen sbung ebéléen. Yó gónóm mon, lemwót Jisas tódô myón lem yóm ówóng hetów ta él, ne lemwót yó kem tau gotu le nô bè kilil él.

Mark 3:20

Omin Jisas bud mulék ebè gónóen, mung du yó kem gel lemolò du. Ne ya tey tau wen bud stifun ebéléen, botong là getngón le du mken.

Matyu 4:25

Ya tey tau wen lemolò du lemwót gu bè klamangen Galili ne bè klamangen yóm benwu bnoluy le Sfolò Benwu, ne bè syudad Jirusalim, ne bè klamangen Judiya ne yó kem dumu benwu sentu él Jurdan.

Matyu 13:2

Ya tey tau genged bud stifun ebéléen. Botong lemwót Jisas motun eta yóm ówóng, ne bè yó gónón myón. Fen le nô bè kilil lanaw kul yó kem tey tau wen.

Matyu 5:2

ominen mbut tmolok kul, monen,

Kun Snulat Luk 6:12

Sotu kdaw bè yó, tódô mógów elem bulul Jisas anì nan e mni bè Dwata. Tódô suloyen buteng mni.

Kun Snulat Luk 6:17

Omin Jisas mosol, mung du yó kem tau lomi néléken mò hógówen yó koni. Mdà bè yóm gónón datal, ne tey dê yó kem dumu tau gel lemolò du nô béléen bè yó. Tey dê kem dumu tau deng kól bè yó snéen lemwót gu bè klamangen prubinsya Judiya, ne gu bè syudad Jirusalim, ne wen se lemwót bè yó kem syudad bè kilil mohin boluyen Tayal ne Sidon.

Kun Snulat Luk 6:20

Ne omin Jisas smolu ebè yó kem tau gel lemolò du, ne yó udélen ebélê le, monen, “Tey kehyuhen bélê ye kuy, yu kem tau élél, abay se deng ye sana gmung ne bè yó kem tau nogot Dwata.

Kun Snulat Luk 9:28

Wen dô sotu fedyanen kogol yóm kmon Jisas du yóm yó koni, ominen mneged elem bulul nan e mni bè Dwata. Niten le Pitér, Jan ne Jim.

Kun Snulat Jan 6:15

Ne yó tô atul le, tódô tô nówóng le Jisas mò tau hol geta bélê le. Okóm tngón Jisas yóm tô nmò le, yó gónón tódô hlayuk bélê le, hetsik mógów elem bulul tek sotuhen.