Matyu 4:7 - Udél Dwata: Gna Kesfasad ne Lomi Kesfasad

⁷ Bnalà Jisas se, monen, “Tahu se yóm monem yó, okóm wen sotu bud monen bè Sulat Dwata, monen, ‘Béem tnilów Dwata, yóm gónóhem mogot.’ ”

Matyu 4:7 Referans Kwoze

Dwata 6:16

Hol béen abay wen bélê ye tô tmilów ke Dwata lómón yóm tehe nmò ye bè benwu Masa.

1 Kurin 10:9

Ne sotuhen, hol bê te abay tnilów yóm gónó tekuy mogot. Wen se bélê le tehe mò du ekni, ne gotu le matay lan ulal mékét kul.

Kem Lingón 78:18

Tnilów le Dwata bè yóm kni le yóm ken nóyô le.

Kem Lingón 78:41

Ket kiwól le tendo tmilów ke Dwata, ket kiwól le tendo heblat nawa yóm Dwata laen dù belenen bè Israél.

Hibru 3:9

Yó mon Dwata, botong fat folò halayen kegen le mton du yóm gel któbóngu kul, ewenem sana ktilów le do.

Kehewà 17:7

Yó hlós boluy le du yóm benwu yó Masa ne Miriba abay se sónmò le tmalaw yó kem tau ne tnilów le Dwata yóm kmon le du, “Nô bélê tekuy Dwata kô ni, duhen ke là?”

Kehewà 17:2

Gotu le tmalaw ebè Musis yó kem tau, mon le mò du, “Hol benlayem mi él mò ninum me.” Mon Musis se mò kul, “Moen de ke sónmò ye tmalaw? Moen de ke mom tô tnilów ye Dwata?”

Kul Nmò 5:9

Ne omin Pitér bud mon du ebéléen, monen, “Tey, mò ye mom semtilów temdek du du yóm Tulus Dwata? Yó dé lu yó kem tau lembeng ke tuha logihem koni, ne ni uu bud tmufì du.”

Kem Lingón 106:14

Okóm ditu bè yóm benwu laen hol wen tauhen, bud tnilów le Dwata lan le alì tmalaw mni ken.

Kem Lingón 95:9

Bè yó tehe gónó le tmilów dou, igò le deng hónô mton du yó kem gel nmou lem blóng le.

Malakay 3:15

Bè kton tekuy du, hligal le kul yó kem tau heklabak. Tilob klowil le yó kem tau gel mò sidek ne baluen ke là nimón le ke Dwata, là kô gel tnafak Dwata kul.’ Ni se yóm udél ye sidek ebéléu,” mon Dwata.

Kem Lingón 78:56

Baluen ke lómón yó deng nmoen bélê le, sana ktilów le du he yóm Dwata Hol Dandónen Geta. Sana là kimón le du, là móyô le mimón du yó kem hloloen kul.

Lista 14:22

Bud tahu snéen nim monu ni, balù sotu bè ni kem tau là mimón ni ke gehlós edu tum benwu deng fasadu kul. Igò le deng hónô mton du yóm tey keslinangu bè yóm knóu lem blóng le ne deng hónô ton le snéen yó kem hentaw ton tehe nmou bè Idyip dalang se bè ni bè nim benwu laen hol wen tauhen. Okóm deng mom sónmò le tendo gel htakas do ne là kô nimón le do.

Matyu 4:4

Okóm yó balà Jisas du, monen, “Là kô yó du! Igoen deng mon du bè Sulat Dwata, ‘Là són du ken gónón mowil tau, okóm bè kdê yóm Udél Dwata se tahu hlowil du.’ ”

Isaya 8:20

Okóm ni mò balà ye kul, mon ye, “Yake yó dém tolok Dwata kuy yóm hol hnungol ye. Hol bê ye abay hmungol bè yó kem tau demwata. Là kóen hyu bélê ye yóm gel tulón le kuy.”

Matyu 4:10

Bnalà Jisas se, monen, “Mdóhi bè ni, Seitan! Yakà deng monen du bè Sulat Dwata, ‘Béem tnilów Dwata yóm gónóm mogot ne són du hol nimónem.’ ”

Matyu 21:42

Omin Jisas bud mon du mò kul, “Tahu se yóm mon ye. Deng gesfala ye kô kuy yóm tehe mon Dwata bè Sulaten, ‘Wen botu deng senkbê yó kem tau hdà gónô, ofo kul ke laen dù muhen. Anì monem, yó se yóm hol tahu botu mò hembegel du yóm gónô hdà le. Yó se yóm deng nmò Dwata, ne tey kehtaw tekuy du yóm nmoen yó.’

Matyu 21:16

Mudél le ebè Jisas yó kem tau lembut du yó koni, mon le, “Gungolem kô udél tu kem ngà?” Mon Jisas se, “Gungolu se.” Ne bud monen, “Là deng gesfala ye du kô yóm sotu tulónen bè Sulat Dwata, yóm monen, ‘Ó Dwata, balù yó kem ngà kólen bè yó kem ngà tolo hebón, deng tolokem lu anì hol tódô yóm kdóyón le kóm.’ ”

Kun Snulat Luk 4:12

Ne yó bud balà Jisas ke Seitan, monen mò du, “Tahu se, okóm bud wen sotu monen bè Sulat Dwata, yó monen, ‘Béem tnilów Dwata yóm gónóhem mogot.’ ”

Kul Nmò 15:10

Duhen yó, moen de ke tô tilów ye Dwata bè yóm blat tô hbô ye kul ni? Yóm tô hlolò ye kul, balù yó kem tehe fù tekuy ekni, là kô gbek le lemolò du kul, sélét mom tekuy ne.