Matyu 4:6 - Udél Dwata: Gna Kesfasad ne Lomi Kesfasad

⁶ Ne ominen mon du, “Ke tahuhi Ngà Dwata, kmóhi lemwót bè ni kun, yakà sem deng monen du bè Sulat Dwata, monen, ‘Angat dók Dwata yó kem hógówen gu bè longit mò na a smegef kóm anì là tódóen bè botu tihem.’ ”

Matyu 4:6 Referans Kwoze

Hibru 1:14

Okóm kul yó kem gel hógówen, mò kmò le se kul du? Lu se yóm mtulus tóbóng lówó Dwata. Gel dóken lu mò fen tmóbóng yó kem tau angat gmuta du yóm klowil laen dù sónen.

Kem Lingón 34:7

Wen hógów Dwata gu bè longit gel mentey yó kem tau wen klikò le du, ne lenwaen lu bè yó kem gónón wen gfà le.

2 Kurin 11:14

Là hentaw tekuy du yóm kul nmò yó. Ngem sem Seitan du kun, gel hlingu bè hógów Dwata alì lemayag gu bè longit.

Kem Lingón 34:20

Tendo bnentey Dwata anì laen dù hemenen, balù sotu tiolen ke tfok.

Matyu 4:4

Okóm yó balà Jisas du, monen, “Là kô yó du! Igoen deng mon du bè Sulat Dwata, ‘Là són du ken gónón mowil tau, okóm bè kdê yóm Udél Dwata se tahu hlowil du.’ ”

Job 5:23

Ne baluen ke alì bnotu yóm dnaduhem laen dù gónó le sidek yó kem huluhem. Dalang se yó kem ógóf lóbô lem bnes laen dù bélê le hemsidek kóm.

Job 1:10

Yóm gel nmoem béléen ni kmoen ni, deng tódô senflósem gel kemlung du dalang se yó kem fes lówóhen ne kdê yó kem nfunen. Tódô kdê yó kem gel nmoen tey gel kuyagem du. Yó gónóm mon, tey wen ógófen, botong tô lenngeben yóm benwuhen.