Matyu 4:24 - Udél Dwata: Gna Kesfasad ne Lomi Kesfasad

²⁴ Deng tódô tfengen ebè klamangen prubinsya Sirya gónó le mungol du yóm nmò Jisas. Yó gónóm mon, gotu nwit le ebè Jisas kdê yó kem tau gemnóm des, yó kem tau semlaw kkólen bè yó kem tau lengel mata, ne yó kem tau snidaf, ne yó kem tau matay sfu lówó le, gotu hkó Jisas des le.

Matyu 4:24 Referans Kwoze

Matyu 17:15

“Ó Sér, hol knoduhem yóm ngau, wen desen snidaf. Ya tey sidek kehkengkelen ke sok gel sut béléen. Wen se gónón gel mugod elem ofi duhen elem él.

Matyu 8:6

monen, “Ó Sér, wen sotu tau gel mò nmò béléu nô bè gónóu. Là buden dmemen doli lówóhen, ya tey sidek kegnómen du.”

Kun Snulat Luk 5:15

Okóm mom temnù ne yóm alì kehból le du yóm gel nmò Jisas, ne deng mom lenwéen yóm tau na a hmungol du, lel le hkó du béléen yó kem des le.

Kun Snulat Luk 2:2

Ni he yóm tanay na le e kehsulat boluy. Bè yóm kdaw yó, Kirinyus gubérnor bè Sirya.

Matyu 17:18

Tódô hdó Jisas yóm gel malak yóm ngà yó, ne sen-gengen se tódô hyu yóm ngà.

Matyu 15:22

Timbow le kól bè yó, wen sotu libun là Juhen lemwót bè yó mógów ebéléen, libun semfu gu bè tau Kanan. Tódô hgelen udélen tmaba ke Jisas, monen, “Ó Sér, sfu tehe Dabid, hol knoduhem ou. Wen yóm ngau libun lengel matahen, ne tey sidek kehlayamen du yóm gel malak du.”

Matyu 12:22

Ne ominen wen sotu tau nit le ebè Jisas, tau butô lelen umew lemwót bè yóm tulus seitan malak du. Tódô hdó Jisas yóm malak du, ne tódô gudél se yóm tau, ne bud mton.

Kul Nmò 10:38

Deng tngón ye se Jisas, tau lemwót bè Nasarit. Tódô sù Dwata béléen yóm kun Tulus, ne tey kfasang blayen du. Tódô keten benwu bélê me gónón e solu, ne hono hyu yóm gel nmoen. Gotu kóhen bè yó kem tau yóm kfasang Seitan malak kul. Yó gónón gembek mò du yóm nmoen yó, abay se tendo nô béléen Dwata.

Kul Nmò 15:23

Ne wen sulat hwit le kul etu. Yó monen lem yóm sulat, monen, “Nim sulat ni, lemwót bélê me kem tau tehe nélék Jisas, ne bélê me kem tuha gel malak bè ni, hono kem kuy dumu setwoli. Hwit me ebélê ye yu kem tau là Ju le bè syudad Antyok ne bè prubinsya Sirya ne Silisya, deng tekuy baling setwoli lemwót bè kehtahu tekuy.

Mark 2:3

Yóm igoen tmolok, gdek le bè yó se yó kem fat tau, wen tau sentihang le ebéléen, yóm tau matay sfu lówóhen.

Mark 1:32

Tikóng deng sdef kdaw, gotu nwit le ebè Jisas yó kem tau gemnóm des dalang se yó kem tau wen busaw malak kul.

Matyu 4:23

Kewót Jisas bè yó, tódô lenngeben prubinsya Galili. Yó nmoen, gel tmolok bè yó kem kul gónó le gel stifun yó kem Ju. Hetngónen kul yóm Tulón Hyu gbak ebè kun kogot tau Dwata, lelen gel hkó des yó kem tau, balù kihu kay des le.

Kehewà 15:26

Yó monen mò kul, “Ke hol nimón ye o ne ke tedeng ktonu du yóm gel nmò ye ne ke nimón ye yó kem hlauhu kuy, là kô naw e tafak du kuy yóm des tehe tafaku yó kem tau Idyip. Ou se Dwata, yóm gel hkó des ye.”

Kul Nmò 15:41

Tahu se, lemwót le, mógów le ebè prubinsya Sirya ne Silisya, ten-gel le kehtahu yó kem tau hemtahu bè Jisas bè yó.

Kun Snulat Luk 4:14

Kewót Jisas bè yó, mulék ebè Galili, ne nô béléen yóm kfasang yóm Tulus Dwata. Gotu gefet ebè tu kem benwu hmilol yóm kehból le yóm gel nmoen.

Mark 1:28

Ya tey kestulón le du yóm nmò Jisas, tódô kendel lengeben klamang prubinsya Galili.

Matyu 14:1

Bè yóm kdaw yó, gefet bè Hirod yóm gubérnor bè Galili, yóm gel nmò Jisas.

1 Tutul Israél 14:17

Yóm tey któtól Dabid bè yóm gel nmoen yó, botong gefet bè klamangen. Lemwót bè Dwata se gónó le gotu likò ke Dabid yó kem dumu tau bè yó kem benwu hmilol kul.

1 Bok Kem Tau Hol Geta 10:1

Timbow gungol yóm libun boi bè benwu Siba yóm tey któtól Selumun, yóm gónón megdóyón Dwata, yó gónón mógów ebéléen anì tilów snólóken yó kem tey sólók mgel.

1 Bok Kem Tau Hol Geta 4:31

Du se yóm hol hulung hedem bè kdéen. Mkay senta Itan yóm khulungen hedem yóm tau lemwót bè Isra, ne mkay senta le Hiram ne Kalkol ne Darda yó kem ngà Mahol logi. Yóm tey któtólen, tódô lenngeben yó kem tey dê benwu hmilol.

Juswa 6:27

Duhen yó, tódô senflós Dwata nô bè Juswa ne tódô lenngeben yóm klamang yóm benwu yó yóm tey któtól Juswa.

Kun Snulat Jan 10:21

Okóm mon kem dumu, “Là kô ni du kudélen yóm tau nalak busaw. Ne yóm busaw, là kô gbeken hton du yóm tau butô.”

Matyu 9:35

Kogolen bè yó, lemwót Jisas nan e gotu nauy yó kem benwu lembang kkólen bè yó kem benwu lemnek. Yó nmoen, nan e gel tmolok bè yó kem gónó le gel stifun. Gel tulónen yóm Tulón Hyu lemwót bè kogot Dwata tau, luken hkó kentihen kay des yó kem tau.

Matyu 9:26

Tódô lengeben klamangen benwu le gónón e mból yóm deng nmò Jisas yó.

Matyu 8:28

Timbow le gefet fatu lanaw bè benwu yó kem tau Girasin, wen lewu tau lengel mata semlong ke Jisas, lemwót le gu lem yóm kilib gónó le gel lembeng. Tey sidek klóbô le lemwót bè yó kem tulus seitan malak kul. Laen kô dù tau mlos gel mlan ebè yó.

1 Tutul Israél 29:2

Deng hotuhu gelu semtifun du yóm kdê wen muhen du bè kehdaen yóm Gónô yóm dou Dwata. Deng wen sentifunu kem tahu blówón, ne blówón bukay, ne tembaga, ne bala tók, ne kem koyu ne kem botu mebtes boluyen unik, ne yó kem dumu botu mebtes sminang segkay beteken, ne tey wen kem botu marmol deng gotu sentifunu.

Matyu 8:33

Kewót le se kul yó kem tau gel semgyok sdô, gotu le mlóy ebè yóm benwu moni bè yó. Gotu tulón le yóm kdê ton le, dalang se yóm deng nmò Jisas bè yó kem lewu tau tehe lengel mata.

Mark 2:4

Okóm laen dù lan le husek ebè Jisas, bà mon tey tau wen. Yó tódô nmò le, nit le ete ketef yóm tau wen desen yó, wen gónó le hemnas du ditu ta bè yóm gónó Jisas seblà nô, ne tódô hnuyù tuntun le ebè Jisas yóm tau là gógówen yó koni.

Mark 2:9

Là kóen na a mahil mon du, ‘Hnifótu ne yó kem salaem.’ Ne là se kóen mahil mon du, ‘Btiki, ne mógówi.’

Kun Snulat Luk 4:38

Tikóng hewà Jisas gu lem yóm gónó le stifun yó kem Ju, hlós le ebè gónô Simun. Ne tódô glohen yóm tuón Simun libun gemnóm des kinì là lembó, ne tulón le ke Jisas yóm desen.

Kun Snulat Luk 5:24

Ni naw hol hton kuy yóm kwen kwalisen hmifót salà yóm Ngà Tau yóm igoen tolo nô te tonok.” Ne omin Jisas bud mudél ebè yóm tau matay sfu lówóhen yó koni, monen mò du, “Mdai ne, ne nitem yóm gónó le semtihang kóm yóó, ne muléki ebè gónóem.”

Kul Nmò 8:7

Balù yó kem busaw malak yó kem tau gotu hdóhen lu. Bè yóm gel kehdóhen kul, ya tey sidek klangat le. Ne tey dê se kem tau deng matay sfu lówó le, ne yó kem tau kihod, gotu le tódô bud hyu.

Kun Snulat Luk 7:17

Ne tódô lenngeben yóm klamang yóm benwu le gónón e glalag yóm nmò Jisas yó, kkólen bè yó kem dumu benwu hmilol du.

Kul Nmò 28:9

Timbow tngón yó kem dumu tau yóm nmò Pol yó, tódô le gotu sludus ebéléen yó kem tau gemnóm des lemwót bè klamangen yóm benwu yó. Ne tódô gotu hkó Pol se yó kem tenduk le.