Matyu 4:23 - Udél Dwata: Gna Kesfasad ne Lomi Kesfasad

²³ Kewót Jisas bè yó, tódô lenngeben prubinsya Galili. Yó nmoen, gel tmolok bè yó kem kul gónó le gel stifun yó kem Ju. Hetngónen kul yóm Tulón Hyu gbak ebè kun kogot tau Dwata, lelen gel hkó des yó kem tau, balù kihu kay des le.

Matyu 4:23 Referans Kwoze

Matyu 9:35

Kogolen bè yó, lemwót Jisas nan e gotu nauy yó kem benwu lembang kkólen bè yó kem benwu lemnek. Yó nmoen, nan e gel tmolok bè yó kem gónó le gel stifun. Gel tulónen yóm Tulón Hyu lemwót bè kogot Dwata tau, luken hkó kentihen kay des yó kem tau.

Mark 1:39

Tahu se, tódô lenngeben klamang prubinsya Galili gónón e tmolok bè yó kem gónó le gel stifun yó kem Ju, lelen hdó yó kem busaw bè yó kem tau nalak le.

Kul Nmò 10:38

Deng tngón ye se Jisas, tau lemwót bè Nasarit. Tódô sù Dwata béléen yóm kun Tulus, ne tey kfasang blayen du. Tódô keten benwu bélê me gónón e solu, ne hono hyu yóm gel nmoen. Gotu kóhen bè yó kem tau yóm kfasang Seitan malak kul. Yó gónón gembek mò du yóm nmoen yó, abay se tendo nô béléen Dwata.

Kun Snulat Luk 7:22

Ne bnalà Jisas yó kem tau hógów Jan ebéléen, monen mò kul, “Mulék ye ne, na ye e tulón ke Jan yó kem deng ton ye, ne yóm deng gungol ye. Yóm tau butô tódô bud mton, yóm tau hikot tódô bud gógów, yóm tau gemnóm des mifù tódô gotu mkó, yóm tau bokong tódô bud mungol, ne yóm tau deng matay tódô bud mowil. Ne sotuhen,” monen, “yóm Tulón Hyu lemwót gu bè Dwata, deng gefet bè yó ne kem tau élél.

Matyu 11:5

Yóm tau butô tódô bud mton, yóm tau hikot bud gógów, yóm tau wen des mifù gnómen gotu mkó, yóm tau bokong bud mungol, yóm tau matay bud mowil. Ne sotuhen, yóm Tulón Hyu lemwót gu bè Dwata deng gefet bè yó kem tau élél.

Matyu 13:54

Yóm kkólen bè yó, tódô na a tmolok bè yóm gónó le gel stifun yó kem Ju. Ya tey ketnga le du yó kem tau hmungol du, mon le, “Gónón ma du ketngónen tmolok nim tau ni? Ne gónón lemwót yóm ktulusen mò du yó kem hentaw ton gel nmoen?

Mark 1:21

Kewót le Jisas bè yó, gefet le bè syudad Kapérnaum. Timbow kól bè yóm Kdaw Kehegnô, lemwót Jisas mógów ebè kul gónô gel stifun yó kem Ju nan tmolok bélê le bè yó.

Kem Lingón 103:3

Gotu hnifóten kdê salau, ne gotu kóhen kdê desu.

Sulat Pol Ebè Yó Kem Tau Hemtahu Bè Rom 10:15

Ne tedu kmò kógów le na a tmulón du ke là wen hógów kul? Lómón yóm monen bè Sulat Dwata, yó monen, “Tey bong hyu gemnóm du yóm ksut yó kem tau mit yóm Tulón Hyu.”

Kun Snulat Luk 8:1

Timbow kogolen bè yó, omin Jisas tódô hlós ebè yó kem dumu benwu lanen tmulón du yóm Tulón Hyu gbak ebè yóm kogot Dwata tau. Ne mung du yó kem sfolò lewu tau gel lemolò du.

Mark 6:2

Timbow deng bud kól bè yóm Kdaw Kehegnô, yó nmò Jisas tmolok bè yóm kul gónô gel stifun yó kem Ju bè yó. Tey tau wen stifun hmungol du, ne tey ketnga le, mon le, “Gónón ma du yóm alì khulungen tmolok nim tau ni? Ne gónón lemwót yóm tey ketngónen? Tedum mò kmoen du yó kem hentaw ton gel nmoen?

Matyu 24:14

Bede nan glalag bè kdéen tau bè klamangen benwu he yóm Tulón Hyu gbak ebè yóm kmò kogot Dwata tau anì hol tngón le, ominen yó he kól yóm hol són kdaw.”

Matyu 12:9

Omin Jisas bud lemwót bè yó, ne hlós ebè yóm gónó le gel stifun yó kem Ju.

Kun Snulat Jan 18:20

Bnalà Jisas se, monen, “Bè yóm gel ktoloku, sal gele tmolok bè gónón wen. Gele tmolok bè yó kem gónó le gel stifun yó kem tau, duhen bè yó kem gónó le gel stifun yó kem Ju ne bè yóm Gónô Dwata. Laen kô dù bnosu.

Kun Snulat Luk 13:10

Bè yóm sotu Kdaw Kehegnô, tmolok Jisas bè yóm sotu gónô gel stifun yó kem Ju.

Kun Snulat Luk 9:11

Timbow glileb yó kem tey tau sbung yóm kógów le yó, gbót le kemtes huli se kul. Ne là se kem dog kenbê Jisas kul. Tulónen kul yóm kun kmò kogot tau Dwata, ne kóhen se yó kem gemnóm des bélê le.

Kun Snulat Luk 5:17

Sotu kdaw bè yó, bud tmolok Jisas, ne wen se kem Farisi ne yó kem tau gel tmolok hlau myón bè yó. Lemwót le bè ket benwu snakuf Galili ne Judiya, kkólen bè yóm syudad boluyen Jirusalim. Ne nô bè Jisas yóm ktued Dwata gel hkó des.

Mark 6:6

Ne tey ketngahen du yóm là kehtahu le béléen yó kem tau bè yó. Timbow bud lemwót bè yó Jisas, nan e tmolok bè yó kem dumu benwu hmilol.

Mark 3:10

Deng dê ne bélê le hkóhen des le. Yó gónóm mon alì wen kem dumu tau gemnóm des alì segdendel ebéléen anì gdù le.

Mark 1:14

Sotu kdaw bè yó, gefet bè Jisas yóm deng kehblanggù Hirod ke Jan. Bè yóm kungolen du, tódô mulék ebè prubinsya Galili nan e hetngón bè yó yóm Tulón Hyu lemwót bè Dwata.

Kem Lingón 74:8

Yó hendem le, “Gotu genlà tekuy lu.” Duhen yó, deng gotu ntem le yóm kdê gónô gónó me gel tmaba ebéléem bè benwu Israél.

Kul Nmò 20:25

Deng gotu tulónu lem blóng ye yóm kogot Dwata tau. Ne ni,” monen, “tódô tngónu, sónen ni ne yóm kton ye lem uyóhu.

Kul Nmò 18:4

Tódô ket bè yóm Kdaw Kehegnô, gel mógów Pol ebè yóm gónó le gel stifun yó kem Ju, lelen gel mit kul stulón. Tô gel hdilóen yó kem Ju ne yó kem Grik bè yó yóm ktahu yóm gel tulónen.

Kun Snulat Jan 6:59

Ni se yóm tolok Jisas bè yóm gónó le gel stifun yó kem Ju bè Kapérnaum.

Kun Snulat Luk 10:9

Hkó ye des yó kem tau gemnóm des bè yó. Ne mon ye mò yó kem tau bè yóm benwu yó, ‘Deng moni bélê ye ne yóm kogot Dwata tau.’

Kun Snulat Luk 6:17

Omin Jisas mosol, mung du yó kem tau lomi néléken mò hógówen yó koni. Mdà bè yóm gónón datal, ne tey dê yó kem dumu tau gel lemolò du nô béléen bè yó. Tey dê kem dumu tau deng kól bè yó snéen lemwót gu bè klamangen prubinsya Judiya, ne gu bè syudad Jirusalim, ne wen se lemwót bè yó kem syudad bè kilil mohin boluyen Tayal ne Sidon.

Matyu 14:14

Timbow dmuung le Jisas, tódô tonen yó kem tey tau wen deng gna ebè yó. Ya tey kkoduhen kul, gotu hkóhen yó kem des le.

Matyu 13:19

Ke wen tau mungol du yóm tulón bè kmò kogot Dwata tau, ne là dog hendem le du lanen, hol lómón ke yóm bnék temsik ebè lan. Tódô sut Seitan, nwahen bélê le yóm udél deng gungol le.

Matyu 3:2

“Hegsel ye ne, knogol ye ne yó kem sidek gel nmò ye, yakà móyónen hto ne yóm buteng Dwata mogot tau.”

Kun Snulat Jan 7:1

Kogolen bè yó, són bè yó kem benwu snakuf Galili gónó Jisas e gel mógów na a tmolok. Là móyóen mógów bè yó kem benwu snakuf Judiya abay se sónmò le móló hmatay du yó kem Ju wen glal le bè yó.

Kun Snulat Luk 20:1

Bud sotu kdaw bè yó, tolo lel Jisas tmolok bè yó kem tau lem yóm Gónô Dwata, hetngónen kul yóm Tulón Hyu lemwót bè Dwata. Gotu le sut béléen yó kem geta bè yó kem gel demsù ebè Dwata, ne yó kem gel tmolok hlau kkólen bè yó kem tuha gónó le gel galak yó kem Ju.

Kun Snulat Luk 4:14

Kewót Jisas bè yó, mulék ebè Galili, ne nô béléen yóm kfasang yóm Tulus Dwata. Gotu gefet ebè tu kem benwu hmilol yóm kehból le yóm gel nmoen.

Kun Snulat Luk 6:6

Bud sotu kdaw bè yó, bud Kdaw Kehegnô snéen, husek Jisas elem yóm sotu gónó le gel stifun yó kem Ju, ne tmolok bélê le. Wen sotu tau nô bè yó kimoy sigel kwananen.

Kun Snulat Luk 7:21

Bè yóm kgefet le bè Jisas yó kem tau hógów Jan yó, tolo lel Jisas hkó yó kem dê kay des bè yó kem tau, ne hdóhen se yó kem busaw gel malak yó kem tau. Ne yó kem butô gotu htonen lu.

Kun Snulat Luk 9:60

Mon Jisas se mò du, “Tódô angat hebengem tu he kem kun dumu là hemtahu yóm maem. Okóm yó kóm nmò, fen nam e hetngón bè kem tau yóm kogot Dwata tau.”

Kun Snulat Luk 16:16

Gu laanen là deng sut yóm Jan gel mabtays,” mon Jisas, “són yó gel hlolò le yó kem tau, són yó kem tehe hlau Musis, ne són yó kem tehe snulat yó kem gna tugod Dwata. Okóm bè yóm deng ksut Jan, nbuten bè yó ne wen Tulón Hyu hetngón le gbak ebè yóm kmò kogot Dwata tau. Bè yóm kungol le du yó kem tau, hotu le gel le anì gmung le.

Kul Nmò 28:31

Sal gel tulónen kul yóm kmò kogot Dwata tau, ne gel tulónen yóm gbak ebè Jisas Krays yóm gónó tekuy mogot. Bè yóm gel ktulónen du, laen kô dù klikoen, ne laen se dù tau tô hemseng du.