Matyu 4:21 - Udél Dwata: Gna Kesfasad ne Lomi Kesfasad

²¹ Ngang le bud mógów efet bud ton Jisas yó kem lewu tau setwoli, boluy le Jim ne Jan, hono ngà Sibidi. Tolo le nô lem ówóng le, mung kul mà le. Yó nmò le, bneteng le yó kem ksê huket le. Yóm kton Jisas kul, tódô tnabahen lu.

Matyu 4:21 Referans Kwoze

Mark 3:17

Jim ne yóm twolihen Jan (kem ngà Sibidi. Yó iba Jisas kul, Buanirgis. Yó lanen, “Kem Ngà Lugung.”)

Matyu 10:2

Yó boluyen kul aposol. Ni se boluy le: Simun yóm boluyen du Pitér ne yóm twolihen Andru. Tmodol du Jim ne yóm twolihen Jan kem ngà Sibidi.

Kul Nmò 12:2

Yó nmoen bè Jim, yóm hol dumun setwoli Jan, hfatayen, tnibó le sudeng.

Kun Snulat Jan 21:2

Lemwót le Simun Pitér slomong le Tumas (yóm gel niba le Héng) ne Natanyél yóm lemwót bè Kana, yóm benwu udì snakuf Galili ne yó kem lewu ngà Sibidi ne bud lewu bè yó kem dumu le gel lemolò ke Jisas.

Mark 5:37

Kewót Jisas bè yó, tek són Pitér ne Jim ne twolihen Jan nwiten, là nwiten kul yó kem dumu tau.

Matyu 26:37

Niten Pitér ne yó kem lewu ngà Sibidi. Ne tódô gleket béléen yóm tey ksidek kegnómen du.

Matyu 17:1

Timbow deng bud nem kdawen bè yó, lemwót Jisas mneged ebè yóm sotu bulul geta, nwiten Pitér ne yó kem lewu tau setwoli Jim ne Jan, tek sónen lu.

Matyu 4:20

Tahu se, kendel tódô tebel le huket le, ne mung le ke Jisas.

Matyu 4:22

Tahu se, tódô tagak le bè yó yóm ówóng le ne mà le, mung le ke Jisas.