Matyu 4:20 - Udél Dwata: Gna Kesfasad ne Lomi Kesfasad

²⁰ Tahu se, kendel tódô tebel le huket le, ne mung le ke Jisas.

Matyu 4:20 Referans Kwoze

Matyu 19:27

Omin Pitér mudél se kun, monen, “Ngem ni dém mi, Sér, glok me tódô gemtagak yóm kdéen lan me lemolò kóm. Bang tô ofol me se kum du?”

Kem Lingón 119:60

Là kóe tlek hanggà, tódô kendel nimónu yó kem hlauhem.

1 Bok Kem Tau Hol Geta 19:21

Omin Ilaysa bud semfulék ebè yó kem lewu safien, gotu hnatayen lu ne tnétéen lu, ne yó kem yok le mò snuken kul. Gotu blayen bè yó kem tau ne ken le. Ominen lemwót, loloen Ilaydya mò tóbóng lówóhen. Là gomongen bè nili yóm tsaptér 20. Yó tulónen bè nim tsaptér ni yóm kesgida le Ahab bè Israél ne Bin-hadad bè Aram. Yó nmò Bin-hadad, botong tlu folò lewu kem tau hol geta gónón htóbóng mundug le ebè Samarya yóm yê yó kem syudad bè Israél. Okóm hógów Dwata yóm sotu tugoden ebè Ahab. Yó tulónen du, monen, “Tonem kô yó kem tey sendalù hohon ye yóó? Kemdaw ni, suu lu lem hólólem. Ne bè yó gónóm temngón du, ou se Dwata.” Ne bud tulón Dwata ke Ahab yóm hol hmoen yó kem sendaluen. Tahu se, lolò le yóm hlolò Dwata kul, ne gemmò yó kem sendalù Ahab bè yó kem tey sendalù wen Bin-hadad. Bè gewuhen dulék, bud nundug Bin-hadad yó kem sendalù Israél mung du yó kem tey sendalù mfól. Yó kmon le du yóm kmò kton le yó kem sendalù Israél, hol lómón ke lewu ngà bung kem kambing. Okóm senged snéen, bud hegmò Dwata lu yó kem sendalù Ahab. Yó sotu bud hmò Dwata ke Ahab bè yóm kekfô le ke Bin-hadad, hol hnatay le, okóm là kô hnatayen du, deng mom mit sbilà béléen, ominen hulék du. Omin Dwata bud hógów yóm tugoden ebè Ahab, yó monen mò du, “Lemwót bè yóm kehlowilem yóm tau hfatayu kóm, uu ne tles matay ne dalang se yó kem tau nogotem.”

Glasya 1:16

tódô hegfanen béléu yóm hol kun Ngà. Yó gónón hegfan du béléu anì naw e hetngón bè kem tau là Ju le yóm Tulón Hyu gbak ebéléen. Laen kô dù tau dumuhu deng semtulón du nim nmou ni,

Matyu 10:37

Yóm tau ke loloen o,” mon Jisas, “okóm ke alì henlom nawahen kem tuhahen, kéngen yóm kloloen do yó. Dalang se ke alì henlom nawahen kem ngaen, kéngen yóm kloloen do.

Matyu 4:19

Tódô mon Jisas mò kul, “Ó kem tau hmuket, mung ye do ne. Wen tles hmou kuy, hebelu yu tau mò lemolò do.”

Matyu 4:21

Ngang le bud mógów efet bud ton Jisas yó kem lewu tau setwoli, boluy le Jim ne Jan, hono ngà Sibidi. Tolo le nô lem ówóng le, mung kul mà le. Yó nmò le, bneteng le yó kem ksê huket le. Yóm kton Jisas kul, tódô tnabahen lu.

Kun Snulat Luk 5:11

Ne tikóng deng bud otun le ete kembu yó kem ówóng le, tódô gotu tebel le yóm kdéen, ne lolò le Jisas.