Matyu 4:18 - Udél Dwata: Gna Kesfasad ne Lomi Kesfasad

¹⁸ Sotu kdaw bè yó yóm igò Jisas mentad ebè Lanaw Galili, tonen yó kem lewu tau setwoli hmuket le: Simun boluy yóm sotuhen, yóm gel bnoluy le Pitér ne Andru, yóm twolihen. Yó se kul sana gel nmò hmuket.

Matyu 4:18 Referans Kwoze

Matyu 10:2

Yó boluyen kul aposol. Ni se boluy le: Simun yóm boluyen du Pitér ne yóm twolihen Andru. Tmodol du Jim ne yóm twolihen Jan kem ngà Sibidi.

Kun Snulat Luk 6:14

Yó boluy le: Simun (yóm boluyen du Pitér) ne Andru (twoli Pitér). Ne Jim ne Jan, Filip ne Bartulumyu,

Matyu 16:18

Ni tódô tulónu kóm, lemwót bè yóm udélem yó gónóhu moluy kóm Pitér, yó lanen botu. Ne bè nim botu ni gónóhu mbut hbegel yóm kehtahu le béléu yóm kdéen tau hemtahu bè klamangen benwu. Balù yóm hatay, là kô gatuen kul.

Matyu 15:29

Bud kewót Jisas bè yó mentad hilol Lanaw Galili, ominen hlós elem bulul, ne myón bè yó.

Kun Snulat Jan 6:1

Kogolen bè yó, bud lemwót Jisas efatu yóm Lanaw Galili. Sotu gel boluy le du yóm lanaw yó, Lanaw Tibiryas.

Kun Snulat Jan 21:1

Sotu kdaw bè yó, bud hegfan Jisas bè yó kem gel lemolò du ditu bè Lanaw Tibiryas. Ni sii yóm kmò kehegfanen bélê le.

Kun Snulat Jan 6:8

Mudél se ke Andru, yóm sotu tau lemolò ke Jisas, yóm twoli Simun Pitér, monen,

Mark 7:31

Bud kewót Jisas bè yó bè Tayal, mlan etu bè yóm benwu boluyen Sidon, ne ebè yóm benwu bnoluy le Sfolò Benwu, ne hlós ebè Lanaw Galili.

Kehewà 3:10

Duhen ni, hógówu u ebè Faro bè Idyip anì nitem lu hewà gu bè yóm kun benwu yó kem dou tau.”

Kehewà 3:1

Sotu kdaw bè yó, bnentey Musis yó kem ubiha ne kem kambing tuónen Jitru yóm tau gel demsù ebè Dwata bè Midyan. Yó nmò Musis, nalaken yó kem ógóf mifal yóm benwu laen hol wen tauhen ne mógów ebè Sinay yóm bulul bnoluy le bulul Dwata.

Isikél 47:10

Yó kem tau gel hmuket, angat le gotu sedà hilol kilil yóm Mohin Héét ni. Lemwót bè In-gidi tau mdà efet kól etu fi bwak bè yóm benwu In-iglaim, tódô sotu kun mbot byalahen. Angat tódô hnok byala mngal bè kdaw hilol kilil yóm mohin yó. Tódô ket kay utón angat nô lemen, lómón yóm alì kwen utón lem Mohin Miditiranyan.

Matyu 4:19

Tódô mon Jisas mò kul, “Ó kem tau hmuket, mung ye do ne. Wen tles hmou kuy, hebelu yu tau mò lemolò do.”