Matyu 4:16 - Udél Dwata: Gna Kesfasad ne Lomi Kesfasad

¹⁶ Hol lómón ke tau le nô lem gónón kmifu, okóm angat wen tey layag ton le. Deng le golu elem hatay, okóm angat hlayagen ebélê le yóm layag yó.”

Matyu 4:16 Referans Kwoze

Isaya 9:2

Yó kem tau tehe nô bè yóm gónón kmifu, wen tey layag deng ton le. Tehe le nô bè yóm benwu eles gnolung hatay, okóm ni deng wen layag mnóng ebélê le.

Mika 7:8

Laen kô dù lan le kmuli do yó kem dou hohon. Denge tlokob, okóm angate bud mdà. Balù yóm deng knóu lem gónón kmifu, okóm Dwata se hlayag do.

Kun Snulat Luk 2:32

Du henged layag mò hegfan yóm kóm kóyô bè yó kem dumu tau là Ju le, ne bud du se gónón lemwót yóm angat kdóyón le kum mi kem tau Israél.”

Amus 5:8

Igoen Dwata se mò kul yó kem blotik, yóm sotu bung blotik boluyen Pliyadis ne yóm sotuhen boluyen Urayun. Gbeken hembaling du mwas yóm kifu. Ne gbeken hembaling du kifu yóm kdaw. Du se ma du yóm él mohin ne henbalingen kulón ete tonok. Dwata yóm kun boluy.

Job 3:5

Hyu ke hol baling mget kkifuhen yóm kdaw yó. Hyu ke tódô tenfeng lenimun lobun. Hyu ke laen dù bud layagen, hono kifu mget gónó likò.

Kem Lingón 44:19

Okóm deng genlaem mi bè yóm benwu laen hol wen tauhen. Tódô bayaem mi bè yó lem yóm tey kifu mget.

Isaya 9:1

Tehe yu ekni tey tehe sidek kehyak Dwata du yóm benwu kul gónó nô yó kem semfu gu bè le tehe Sibulun ne Naftali. Okóm hulin kdaw bud henbaling Dwata benwu alì megdóyón. Yó angat klamangen yóm benwu megdóyón monu yó, lemwót bè kilil yóm mohin fi desdef boluyen Miditiranyan efet kól bè yóm tonok fatu él Jurdan fi dmata kdaw. Balù yóm klamangen benwu Galili, gotu gomong lemen yóm benwu gónó le nô yó kem tau sundu tau Israél du.