Matyu 4:15 - Udél Dwata: Gna Kesfasad ne Lomi Kesfasad

¹⁵ “Yóm kun tonok tehe Sibulun, ne kun tonok tehe Naftali, kem benwu hnalak lan ebè mohin, benwu nô fatu yóm él Jurdan, hono benwu glem lem Galili, ne hono kem tau là Ju le nô du.

Matyu 4:15 Referans Kwoze

Isaya 9:1

Tehe yu ekni tey tehe sidek kehyak Dwata du yóm benwu kul gónó nô yó kem semfu gu bè le tehe Sibulun ne Naftali. Okóm hulin kdaw bud henbaling Dwata benwu alì megdóyón. Yó angat klamangen yóm benwu megdóyón monu yó, lemwót bè kilil yóm mohin fi desdef boluyen Miditiranyan efet kól bè yóm tonok fatu él Jurdan fi dmata kdaw. Balù yóm klamangen benwu Galili, gotu gomong lemen yóm benwu gónó le nô yó kem tau sundu tau Israél du.

1 Bok Kem Tau Hol Geta 9:11

wen lewu folò benwu lemnek bè Galili blayen ke Hiram yóm tau hol geta bè Tayal, mò bayaden yó kem koyu sidar ne koyu siprus ne yóm tahu blówón mò ngom yó kem gónô hdaen.

Matyu 4:13

Hlós ebè kun benwu bè Nasarit, okóm là meneken bè yó. Bud hlós ebè Kapérnaum, ditu gónóhen hol nô. Nim Kapérnaum ni, sotu benwu bè kilil Lanaw Galili, glem lem yóm kul tehe tonok le Sibulun ne Naftali.

Matyu 4:14

Bè yóm knô Jisas bè yó, deng gónón dohò yóm tehe udél Isaya ekni, yóm sotu tehe gna tugod Dwata, yóm monen,

Matyu 4:25

Ya tey tau wen lemolò du lemwót gu bè klamangen Galili ne bè klamangen yóm benwu bnoluy le Sfolò Benwu, ne bè syudad Jirusalim, ne bè klamangen Judiya ne yó kem dumu benwu sentu él Jurdan.

Kun Snulat Luk 24:27

Ne gotu hetngón Jisas kul yóm gónón e temnef yóm tehe gel hsulat Dwata ekni gbak ebéléen, kewóten bè yóm tehe snulat Musis efet kól bè yóm kul snulat yó kem dumu tau tugod Dwata ekni.