Matyu 4:13 - Udél Dwata: Gna Kesfasad ne Lomi Kesfasad

¹³ Hlós ebè kun benwu bè Nasarit, okóm là meneken bè yó. Bud hlós ebè Kapérnaum, ditu gónóhen hol nô. Nim Kapérnaum ni, sotu benwu bè kilil Lanaw Galili, glem lem yóm kul tehe tonok le Sibulun ne Naftali.

Matyu 4:13 Referans Kwoze

Kun Snulat Jan 4:46

Bud lemwót bè yó Jisas hlós ebè Kana, yóm sotu benwu snakuf Galili gónón tehe hembaling du tifas yóm él. Wen sotu tau wen glalen bè gubérnor nô bè yóm benwu boluyen Kapérnaum. Tey sidek kleed des yóm ngaen logi.

Mark 1:21

Kewót le Jisas bè yó, gefet le bè syudad Kapérnaum. Timbow kól bè yóm Kdaw Kehegnô, lemwót Jisas mógów ebè kul gónô gel stifun yó kem Ju nan tmolok bélê le bè yó.

Matyu 11:23

Dalang se kuy yu kem tau bè Kapérnaum. Ilóem kmon ye ke gefet bè longit yóm alì kehegeta ye knô ye. Ngem kà angat tódô tudà Dwata kuy elem lanaw ofi he. Ke deng tehe ton yó kem tau là Ju le bè yóm tehe benwu Sodom ekni yó kem hentaw ton nmou lem blóng ye ni, hol mou kun ne ke là hegsel le se kul, ne là kô genlà Dwata kul.

Kun Snulat Jan 6:59

Ni se yóm tolok Jisas bè yóm gónó le gel stifun yó kem Ju bè Kapérnaum.

Kun Snulat Jan 6:24

Timbow là ton le ke Jisas bè yó dalang se yó kem gel lemolò du, yó gónó le gotu smakay bè yó kem ówóng yó, na le e hnebel Jisas bè Kapérnaum.

Kun Snulat Jan 6:17

Omin le motun elem ówóng le, okóm là dengen bud mulék ebélê le he Jisas. Kewót le bè yó, na le e mówóng mifal efatu ebè syudad Kapérnaum. Bè yóm tolo kówóng le yó, deng tey kifu ne.

Kun Snulat Jan 2:12

Timbow kogolen bè yó, gotu le mógów emool le Jisas ebè yóm benwu boluyen Kapérnaum, mung du yéen ne kem twolihen, dalang se yó kem gel lemolò du, okóm là legen le ditu.

Matyu 17:24

Timbow le gefet bè Kapérnaum le Jisas ne yó kem gel lemolò du, wen kem tau fen gel mtuk yóm bayad bè Gónô Dwata kól bè Pitér, snólóken, monen, “Gel mayad kô kun yóm tau gónó ye gel htolok yó?”

Kun Snulat Luk 4:23

Ne yó mon Jisas mò kul, “Déke yó tô mon ye ebéléu yóm sana gel mon yó kem tau gnan, mon le, ‘Ke uu se yóm tau mulung, nam gna kó kun yóm kóm des.’ Déke tô hmò ye do bè ni snéen bè dou benwu yóm deng gungol ye nmou bè Kapérnaum.

Matyu 4:14

Bè yóm knô Jisas bè yó, deng gónón dohò yóm tehe udél Isaya ekni, yóm sotu tehe gna tugod Dwata, yóm monen,

Matyu 4:15

“Yóm kun tonok tehe Sibulun, ne kun tonok tehe Naftali, kem benwu hnalak lan ebè mohin, benwu nô fatu yóm él Jurdan, hono benwu glem lem Galili, ne hono kem tau là Ju le nô du.

Matyu 9:1

Bud kewót le Jisas bè yó, motun le elem yóm ówóng, mulék le efatu lanaw ebè yóm benwu gónó Jisas nô.

Mark 2:1

Timbow kogolen bè yó, bud mulék ebè Kapérnaum Jisas, ne tódô kendel tngón yó kem tau yóm deng kkólen bè gónóen.

Kun Snulat Luk 10:15

Dalang se kuy, yu kem tau bè Kapérnaum,” mon Jisas. “Ilóem kmon ye ke gefet bè longit yóm alì kehegeta ye knô. Ngem kà angat tudà Dwata kuy elem lanaw ofi he.”