Matyu 4:12 - Udél Dwata: Gna Kesfasad ne Lomi Kesfasad

¹² Sotu kdaw bè yó gefet bè Jisas yóm deng kehblanggù Hirod ke Jan. Bè yóm kungolen du, tódô mulék ebè prubinsya Galili.

Matyu 4:12 Referans Kwoze

Mark 1:14

Sotu kdaw bè yó, gefet bè Jisas yóm deng kehblanggù Hirod ke Jan. Bè yóm kungolen du, tódô mulék ebè prubinsya Galili nan e hetngón bè yó yóm Tulón Hyu lemwót bè Dwata.

Kun Snulat Luk 3:20

Bede yó alì sidek du yóm nmoen, duhen yóm keheblangguen ke Jan.

Matyu 14:3

Yó gónó Hirod mon du yóm yó, abay se du yóm tehe hekfô ke Jan, lelen hfét du, ne heblangguen. Yó gónón mò du béléen yóm yó, lanen tehe mólów du bè yóm tehe kalawen ke Hirudiyas, yehen yóm twolihen boluyen Filip. Tehe gel monen mò ke Hirod, “Deng nuléhem yóm hlau tekuy yóm kalawem yehen twolihem yó.”

Kun Snulat Jan 3:24

(Bè yóm kdaw yó, là dengen geblanggù Jan he.)

Kun Snulat Luk 4:14

Kewót Jisas bè yó, mulék ebè Galili, ne nô béléen yóm kfasang yóm Tulus Dwata. Gotu gefet ebè tu kem benwu hmilol yóm kehból le yóm gel nmoen.

Mark 6:17

Yó gónó Hirod mon du yóm yó, abay se du se tehe hekfô ke Jan, ne hféten, ne heblangguen. Yó gónón mò du béléen yóm yó, lan Jan tehe mólów du bè yóm tehe kalawen ke Hirudiyas, yehen yóm twolihen boluyen Filip.

Kun Snulat Jan 4:54

Ni se yóm gewu dulék Jisas mò yóm hentaw ton bè Galili. Yóm kmoen du nim ni, kogol yóm kkólen gu bè prubinsya Judiya.

Kun Snulat Jan 4:43

Timbow deng lewu kdaw Jisas nô bè yó, ominen hlós ebè prubinsya Galili.

Kun Snulat Luk 4:31

Tódô hlós Jisas emool ebè Kapérnaum, sotu benwu snakuf Galili. Ne toloken yó kem tau bè yó bè yóm Kdaw Kehegnô.

Matyu 11:2

Ngangen mból yóm gel nmò Krays efet gefet bè Jan lem blanggù, yóm Jan gel mabtays. Timbow gungolen, ominen wen bè yó kem gel lemolò du hógówen ebè Jisas

Kun Snulat Luk 23:5

Mom lenwê le keseblang le mon du, “Yó sem gel ktoloken nim tau ni, gel senbewegen yó kem tau bè klamangen prubinsya Judiya. Kewóten bè yó bè prubinsya Galili efet ni nem kkólen edini ni, yó se yóm tendo nmoen.”

Kun Snulat Jan 1:43

Timbow hayahen bè yó, mógów ebè prubinsya Galili Jisas. Tonen Filip, ne tódô monen mò du, “Loloem ou dé.” Tahu se, tódô mung du Filip.

Kun Snulat Jan 2:11

Ni se yóm hol tanay hentaw ton nmò Jisas. Nmoen bè yóm sotu benwu snakuf Galili boluyen Kana. Ne bè yó gónóhen hegfan du yóm kfasangen, ne hemtahu le béléen yó kem gel lemolò du.