Matyu 4:11 - Udél Dwata: Gna Kesfasad ne Lomi Kesfasad

¹¹ Tahu se, tódô tnagak Seitan Jisas, ne sen-gengen se wen hógów Dwata gu bè longit gdek bè yó mò tmóbóng du.

Matyu 4:11 Referans Kwoze

Matyu 26:53

Ilóem là tngónem du kô yóm kegbeku mni tóbóng bè Mà, ne tódô kendel hógówen balù hilu libu yó kem gel hógówen gu bè longit mò tmóbóng do.

Hibru 1:14

Okóm kul yó kem gel hógówen, mò kmò le se kul du? Lu se yóm mtulus tóbóng lówó Dwata. Gel dóken lu mò fen tmóbóng yó kem tau angat gmuta du yóm klowil laen dù sónen.

Kun Snulat Luk 22:43

Ne bè yóm igò Jisas mni yó, wen hógów Dwata lemwót gu bè longit tódô na a hegfan béléen mò na a temgel du.

Kun Snulat Luk 4:13

Tikóng deng yóm tô ktilów Seitan ke Jisas, ominen yó na hlun tódô tmebel du.

Hibru 1:6

Ne bè yóm tehe khógów Dwata yóm Ngaen elem benwu, yó udélen, monen, “Yake hol gel dóyón yó kem gel hógówu gu bè longit.”

Kun Snulat Jan 14:30

Là buden hol legen ne yóm kestulón tekuy, abay se móyónen sut ne Seitan, yóm fen mogot klamangen. Laen kô dù kfasangen béléu kun.

Kun Snulat Luk 22:53

Igò sem ket kdawu du nô lem blóng ye lem yóm Gónô Dwata. Mò ye là tnana kemfô do ditu du? Okóm deng hto ne yóm kuy uras mò du nim nmò ye ni. Ni se kun kdaw Seitan, yóm fen mogot yóm gónón kmifu.”

Mark 1:13

Botong fat folò butengen nô ditu, ne bè yó gónó Seitan tendo tô tmilów du. Uma kóm yóm benwu yó, tey dê ógóf lem bnes nô du, okóm wen hógów Dwata gu bè longit na a tmóbóng du.

Matyu 4:6

Ne ominen mon du, “Ke tahuhi Ngà Dwata, kmóhi lemwót bè ni kun, yakà sem deng monen du bè Sulat Dwata, monen, ‘Angat dók Dwata yó kem hógówen gu bè longit mò na a smegef kóm anì là tódóen bè botu tihem.’ ”

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.

1 Bok Kem Tau Hol Geta 19:6

Timbow temngel gu hmilol, ne tonen masà seblà bè kuluhen yóm mambang tnétê ne sotu sobuy hnok él. Ominen mken ne minum, ne ominen bud hlilil.