Matyu 4:10 - Udél Dwata: Gna Kesfasad ne Lomi Kesfasad

¹⁰ Bnalà Jisas se, monen, “Mdóhi bè ni, Seitan! Yakà deng monen du bè Sulat Dwata, ‘Béem tnilów Dwata yóm gónóm mogot ne són du hol nimónem.’ ”

Matyu 4:10 Referans Kwoze

Dwata 10:20

Hol knikò ye yóm sana kuy Dwata hol gónó mogot ne olon du gónó ye e tmaba. Hol ye hteneb mimón du ne olon bè boluyen gónó ye gel hlan du ke wen fasad ye.

Juswa 24:14

“Ne ni,” mon Juswa, “hol knikò ye Dwata, yóm sana Dwata hol gónó tekuy mogot ne hol hotu ye nawa ye lemolò du. Gotu kó ye yó kem dwata lennged tehe kul gel tnaba yó kem tehe fù ye bè yóm knô le sentu Él Yufratis ne bè Idyip. Olon yóm sana kuy Dwata dé lolò ye.

Kun Snulat Luk 4:8

Bnalà Jisas se, monen, “Bud wen sotu monen bè Sulat Dwata, yó monen, ‘Són Dwata hol gónóhem mogot, ne són du hol nimónem.’”

1 Samwél 7:3

Yó udél Samwél ebè kdê yó kem tau Israél, monen, “Ke hol tahu lemwót lem but blutut ye yóm bud kesfulék ye ebè Dwata, hol knogol ye ne yó kem tólóng dwata lolò ye dalang se yóm dwata lennged boluyen Astarti. Hogot ye ke Dwata klowil ye ne són du nimón ye. Ke ni se nmò ye, angat lenwaen yu lem hólól yó kem Flistin.”

Sulat Jim 4:7

Yó gónóm mon, heglaan ye bè Dwata dé. Hol natù ye Seitan, anì mlóy hlayuk bélê ye.

1 Pitér 5:9

Hol hbegel ye yóm kehtahu ye bè Dwata ne hol natù ye Seitan. Abay se yóm keglayam ye ni, là kô són du yu gemnóm du. Gotu gnóm le snéen yó kem tau hemtahu bè klamangen benwu.

Matyu 16:23

Beklil se Jisas ebè Pitér, monen, “Hlayuki béléu, Seitan. Béem tô henseng yóm nógówu. Là kóen lemwót bè Dwata yóm kehedemem yó, kaem kehedem tau te tonok.”

Job 2:1

Bud sotu kdaw bè yó, bud le gotu stifun bè solu Dwata yó kem hógówen nô bè longit ne bud mung bélê le bè yó Seitan.

Job 1:12

Yó mon Dwata mò ke Seitan, “Yó ne, tódô kdê yó kem nfunen gotu suu lem hólólem. Okóm hol béem abay hendes ke Job kun.” Tahu se, lemwót bè yó Seitan bè solu Dwata.

1 Tutul Israél 21:1

Wen sidek atul Seitan ne hsóhen lu ke Dabid yó kem tau Israél.

Job 1:6

Sotu kdaw bè yó, gotu le stifun bè solu Dwata yó kem hógówen nô bè longit ne mung bélê le bè yó Seitan.Snólók Dwata Seitan,

Kem Lingón 109:6

Méléki sotu tau gel mò sidek mò hohonen. Mebeli sotu tau mò tmifù du bè kukum.

Kehewà 23:25

Són ou yóm gónó ye e tmaba, yóm sana kuy Dwata hol gónó mogot. Ke ni se nmò ye, wen gónóhu tmóbóng kuy anì tendo wen ken ye ne tendo wen él ye. Ne hlayuku bélê ye yó kem des.

Isaya 30:22

Tódô angat gotu bot ye yó kem dwata lennged tehe nmò ye gu bè blówón bukay ne bè tahu blówón. Hol lómón kbot ye fól kmò ye kul. Yó udél ye, “Laen dù bud mu me kuy.”

Mark 1:13

Botong fat folò butengen nô ditu, ne bè yó gónó Seitan tendo tô tmilów du. Uma kóm yóm benwu yó, tey dê ógóf lem bnes nô du, okóm wen hógów Dwata gu bè longit na a tmóbóng du.

Kun Snulat Luk 10:18

Mon Jisas se kun, “Tódô tonu Seitan lómón tô silà yóm kehebtangen gu bè longit.

Kun Snulat Luk 11:18

Duhen yó, ke sónmò le sfatay yó kem tau nogot Seitan, deng mesgólól ne nawa yó kem tau nogoten, ne yó se angat gónó le meglà. Gel mon ye lemwót bè Seitan yóm kegbeku hdó busaw.

Kun Snulat Luk 13:16

Ne ni hem libun ni,” monen, “libun semfu gu bè yóm tehe fù tekuy Abraham. Deng sfolò wolu halayen ne yóm deng kegen Seitan mfét du bè yóm desen ni. Là hyuhen kô ke hewau anien ke bè Kdaw Kehegnô?”

Kun Snulat Luk 22:3

Bè yóm kdaw yó, husek Seitan bè hendem Judas, yóm gel boluy le du Iskariyut. Du se sotu bè yó kem sfolò lewu deng gel lemolò ke Jisas.

Kun Snulat Luk 22:31

Mon Jisas mò ke Pitér, “Hol ten-gamahem, Simun. Deng bal Seitan bè Dwata yóm angat ktilówen kuy. Hol lómó kmoen kuy, lómón kmusu halay.

Kun Snulat Jan 13:27

Bè yóm kwa Judas yóm mambang ogu Jisas du, sen-gengen se husek ebéléen Seitan. Ne mon Jisas mò du, “Géhél nmoem ne yóm nmoem.”

Kul Nmò 5:3

Bè yóm kkól Ananiyas bè Pitér, yó mon Pitér mò du, monen, “Tey Ananiyas, moen du ke nmungem Seitan? Dengi mom tmulón kéng bè yóm Tulus Dwata. Kaem deng wen bnosem du nim filak ni mò kóm.

Kul Nmò 26:18

Lemwót bè yóm angat ktolokem kul,’ monen, ‘angat mkó bélê le kbutô le. Angat tnagak le yóm gónón kmifu, ne mili le elem yóm gónón lemayag. Angat le gewà gu lem tdok Seitan, ne mili le elem hólól Dwata. Lemwót bè yóm kehtahu le béléu, angat hnifót Dwata salà le, ne baling le tau Dwata se kul.’ ”

1 Kurin 5:5

na ye tódô bayà bè Seitan he yóm tau yó anì nan hol glayam lówóhen, syan ke bud mulék nawahen ebè Dwata anì là gehlósen elem hatay bè yóm kdaw angat kehdaen du bè soluhen yóm gónó tekuy mogot.

1 Kurin 7:5

Yó gónóm mon, yu kem tau syehen, hol ye gel steneb stungô. Són yó dé gónó ye là stungô ke wen kdaw blay ye ke Dwata anì laen dù hmala kuy bè yóm kni ye béléen. Okóm eles sentngón ye gna, omin ye bud stungô kogolen. Ke ni se nmò ye, laen dù lan Seitan smindil kuy lemwót bè yóm là kegbek ye mafas nawa ye.

2 Kurin 2:11

Tódô hnifót tekuy ne anì laen dù gmoen bélê tekuy Seitan, abay se tngón tekuy yóm tey kun khulung gel mò atul.

2 Kurin 11:14

Là hentaw tekuy du yóm kul nmò yó. Ngem sem Seitan du kun, gel hlingu bè hógów Dwata alì lemayag gu bè longit.

2 Kurin 12:7

Okóm kogol tu kem tey dê tonu tu koni, wen tey tenduk hegnóm Dwata do anì là nitu du hegmón yóm dê deng htonen do. Ya tey sidek kegnómu du yóm tenduku yó, lómón ke wen dók Seitan tendo tembek do. Yó muhen anì là balinge tau hegmón du.