Matyu 3:9 - Udél Dwata: Gna Kesfasad ne Lomi Kesfasad

⁹ Ne bê ye abay tô ken-gel nawa yó dum kesfu ye gu bè yóm tehe Abraham ke yó tô lan ye gewà. Tódô tulónu kuy, balù ni he kem botu ni dé, botong gbek Dwata hembaling du tau mò semfu gu bè Abraham.

Matyu 3:9 Referans Kwoze

Kun Snulat Luk 3:8

Ke deng knogol ye yó kem sidek gel nmò ye, hol hegdilô ye bè kmò ye. Ne bê ye abay tô ken-gel nawa yóm kesfu ye gu bè yóm tehe Abraham. Tódô tulónu kuy, balù ni he kem botu nii, botong gbek Dwata hembaling du tau mò semfu gu bè Abraham.

Kun Snulat Jan 8:33

Bnalà le Jisas yó kem dumu tau bè yó, mon le, “Semfu me gu bè Abraham se kum, là kô me kesfu hesek. Tedu se lanem mon du yó dum monem, ‘Angat ye gewà bè yóm gónó ye ghesek?’ ”

Sulat Pol Ebè Yó Kem Tau Hemtahu Bè Rom 4:1

Yake hol hendem tekuy yóm tehe Abraham ekni, yóm tehe fù tekuy kem Ju. Tedu but gónón tedeng kton Dwata du?

Kul Nmò 13:26

Ó kem dumuhu tau Israél,” mon Pol, “kem tau mfù bè Abraham, dalang se yu kem tau là Juhen deng hemtahu bè Dwata, ebélê tekuy se gónó Dwata e hemwit du yóm tulón mò gónó tekuy gewà gu lem hatay.

Kun Snulat Luk 16:24

Ne tmaba ebè Abraham yóm tau tehe wen kendengenen yó, monen, ‘Ó Fù Abraham, hol knoduhem ou. Dókem do edini Lasarus anì nan e hentdak dou él lem baku, bà mon se tey keglayamu bè nim ofi gónóhu nô ni.’

Kun Snulat Jan 8:53

Getahi senta yóm tehe fù tekuy Abraham kô? Balù yóm tey kegetahen, senged katayen se kun. Dalang se yó kem gna tugod Dwata ekni, senged katay le se kul. Tmau kóm de?”

Kun Snulat Luk 5:22

Tódô tngón Jisas yóm nô lem hendem le, yó gónón mon du mò kul, “Moen de ke lómón yó yóm kehedem ye ebéléu?

Mark 7:21

Abay se lemwót gu lem hendem tau yóm kdéen nmò sidek, lómón mò samuk, ne mnagaw, ne monok,

Isikél 33:24

“Ó Tau Tonok, yó tendo udél yó kem dù tau menwu bè yó kem syudad deng gbà bè Juda, mon le, ‘Tek sotuhen se kun yóm Abraham. Baluen ke tek sónen du, béléen gónó Dwata bemlay du yóm klamang tonok. Ne ni, deng tekuy baling dê, yake blayen tekuy yóm tonok ni mò nfun tekuy.’

Kul Nmò 15:14

Deng tulón Simun tekuy koni yóm tanay kehegfan Dwata du yóm tey nawahen ebè yó kem tau là Ju le, deng wen se bélê le henbalingen kem kun tau.

Kun Snulat Luk 19:40

Ne mudél ebélê le Jisas, monen, “Tódô tulónu kuy, ke tódô le neb ni kem tau mung dou ni, ngem kà tódô le fen mensag ni kem botu bè lan nii.”

Kun Snulat Luk 7:39

Timbow ton yóm Farisi mit ke Jisas nim nmoen ni, yó hendemen, “Ke tahu tau tugod Dwata nim Jisas ni, hol là galu ke là tngónen du nim libun mogot du ni, ne yóm sidek gel nmoen.”

Kun Snulat Luk 12:17

Yó nô lem hendemen nim tau ni, ‘Tedu kóem kmou du nim tey gutahu ni? Laen hol gónóhu e semtifes kul.’

Kun Snulat Jan 8:37

Tngónu se yóm kesfu ye gu bè Abraham,” mon Jisas, “okóm sónmò ye tendo tô hmatay do, abay se là henmóyô ye du yóm toloku.