Matyu 3:6 - Udél Dwata: Gna Kesfasad ne Lomi Kesfasad

⁶ Ni kem tau ni, gotu benkas tulón le ke Jan yó kem salà le, ne bnabtays Jan lu bè yóm él Jurdan.

Matyu 3:6 Referans Kwoze

Kul Nmò 19:18

Bè yó kem tau hemtahu, tey dê bélê le tódô gotu benkas tulón le bè gónón wen yóm kul gel nmò.

1 Jan 1:9

Okóm ke gotu benkas ye ebè Dwata yó kem salà ye, là gbeken du ke là hnifóten kuy, yakà wen yóm tehe fasaden tekuy. Gotu hnifóten yó kem salà tekuy, ne gotu kóhen bélê tekuy yóm kdê nmò tekuy là hyuhen.

Hibru 9:10

Bè yó kem gel hlolò le kul yó, olon gbak ebè yóm gel ken le ne yóm gel ninum le ne yóm gel kolob le mò gónó le baling mólós. Yóm kdê hlolò le kul yó, olo kem kul beyen nmò bè lówó. Són kwen mu le du, són yóm klaen deng lomi lan nmò Dwata mò lan le hloni ebéléen.

Matyu 3:11

“Béléu do,” mon Jan, “él gel babtaysu kuy mò ilô yóm deng kehegsel ye. Okóm yóm huli do, yó kun kmò kbabtays yó kem tau mimón béléen, suen bélê le yóm Tulus Dwata. Bong yó kem tau là mimón le, ofi moen kul. Yóm tau huli do yó, tey mfasang sentahu. Là kóe knóón baluen ke heseke béléen.

Hibru 6:2

Bê tekuy bud sensulit yóm ktolok bè kbabtays, ne yóm kmò knok tekuy tau bè yóm kni tekuy béléen bè Dwata, ne yóm angat klowil tau, ne yóm angat kkukum Dwata yóm kdéen tau, ne yóm klaen dù sónen yóm kukumen yó.

Kulasi 2:12

Abay se bè tum tehe kehbabtays ye, lómón ke deng ye mung ke Krays bè yóm tehe kebeng le du. Ne bud bè tum tehe kehbabtays ye, lómón ke deng ye mung béléen snéen bè yóm tehe bud klowilen lemwót bè yóm kehtahu ye du yóm tey kegbek Dwata bè yóm tehe kehlowilen ke Krays gu lem hatay.

1 Kurin 10:2

Lemwót bè yóm klolò le yóm lobun ne bè tum kifal le yóm mohin, hol lómón ke deng le gotu hbabtays mò tau lemolò ke Musis.

Kul Nmò 22:16

Na,’ monen, ‘béi tlek hanggà. Géhéli hbabtays, ne mnihi bè Dwata anì hol kóhen béléem yó kem salaem.’ ”

Kul Nmò 11:16

Ne gtulón bè nawahu se yóm tehe mon Jisas yóm gónó tekuy mogot, yóm monen, ‘Bong ke Jan kun, él gel babtaysen kem tau. Okóm ke Dwata kun, yó kmò kbabtaysen kuy, tódô suen bélê ye yóm kun Tulus.’

Kul Nmò 1:5

Bong ke Jan kun, él yóm gel babtaysen kem tau. Okóm tek hilu kdaw ne duen bnabtays Dwata yu bè Tulus Dwata.”

Kun Snulat Luk 3:16

Okóm yó udél Jan ebélê le, monen, “Béléu do, él gel babtaysu kuy. Okóm wen móyón sut hol mfasang sentahu. Là kóe knóón baluen ke olohu hesek béléen. Yó kun kmò kbabtays yó kem tau mimón béléen, suen bélê le yóm Tulus Dwata. Bong yó kem tau là mimón le, ofi moen kul.

Mark 1:5

Tey tau wen tendo gel mógów ebéléen na a hmungol du lemwót bè prubinsya Judiya ne lemwót bè syudad Jirusalim. Tódô gotu benkas tulón le du salà le, ne bnabtays Jan lu bè yóm él Jurdan.

Danyél 9:4

Mnihe bè yóm sana kum Dwata hol gónó mogot, benkasu béléen yóm salà me kem tau Israél, monu mò du, “Ó Dwata yóm Dwata hol mfasang ne bang knikò. Sal gel dnohoem yóm tehe senfasad kuy, duhen yóm kbong nawahem yó kem tau kembong nawa kóm ne mimón yó kem hlauhem.

Isikél 36:25

Angat wen él mólós hetsiku ebélê ye anì baling ye mólós. Nolobu yó kem using ye ne là bud ye tmaba ebè yó kem dwata kéng.

Kem Udél Hlalak Tehe Selumun 28:13

Yóm tau limengen salaen laen kô tul kehyu klowilen, okóm yóm tau tódô benkasen bè Dwata yóm salaen ne knogolen, tódô hnifót Dwata.

Kem Lingón 32:5

Yó gónóm mon, deng gotu benkasu ebéléem, Dwata, yó kem salau, laen kô dù bunihu béléem. Bè yóm kebkasu du béléem yóm kdéen, deng gotu hnifótem béléu ne yó kem sidek tehe gel nmou.

Juswa 7:19

Yó mon Juswa mò du, “Tey Tò, hol tulónem ktahuhen bè ni bè solu Dwata, yóm Dwata hol gónó tekuy mogot kem tau Israél. Hol benkasem yóm deng nmoem. Tulónem dou kun, hol béem bnos béléu.”

Hlolò 16:21

Yó kmoen du, noken te kulu yóm kambing yó yóm lewu hólólen. Bè yóm igoen mnok du, tódô gotu benkasen ebè Dwata kdê sidek deng gel nmò yó kem tau Israél dalang se yóm là gel kimón le ke Dwata. Bè yóm nmò Aron yó, gotu mili ete kulu yóm kambing yó yóm kdê sidek deng benkasen yó koni. Wen tau deng eles nélék le mò fen mlo yóm kambing yó etu bè yóm benwu laen hol wen tauhen.

1 Pitér 3:21

Yóm kegewà le yó ekni, hningónen yóm kegewà tekuy gu lem hatay bè yóm kehbabtays tekuy. Bè yóm kehbabtays ye, là kô mò lan mkó using bè lówó du, okóm yó lanen mò ilô yóm deng eles kehkodu ye bè Dwata anì kóhen yó kem salà ye, ne anì laen dù blóng ye ebéléen. Ne yó gónó ye gewà gu lem salà ye mlan bè yóm tehe klowil Dwata ke Jisas Krays gu lem hatay.

Sulat Jim 5:16

Yó gónóm mon, hol ye gel seflifót, ne hol ye gel stóbóng mni bè Dwata yóm kdê ye anì kó Dwata bélê ye ke wen tenduk ye. Yóm tau hyu kmoen, tey mtud yóm knihen bè Dwata.

Kun Snulat Luk 1:16

Lemwót bè yóm angat ktoloken, angat tey dê tau Israél bud semfulék ebè Dwata, yóm gónó le mogot.