Matyu 3:5 - Udél Dwata: Gna Kesfasad ne Lomi Kesfasad

⁵ Tey dê tau tendo gel mógów ebéléen na le e hnungol yóm gel toloken. Wen se lemwót bè syudad Jirusalim, ne wen se gu bè klamangen prubinsya Judiya, ne wen se lemwót bè kem benwu hmilol yóm él Jurdan.

Matyu 3:5 Referans Kwoze

Mark 1:5

Tey tau wen tendo gel mógów ebéléen na a hmungol du lemwót bè prubinsya Judiya ne lemwót bè syudad Jirusalim. Tódô gotu benkas tulón le du salà le, ne bnabtays Jan lu bè yóm él Jurdan.

Kun Snulat Jan 5:35

Yóm Jan, hol lómón ke solok, ne tey knóngen. Okóm tek likót ye tô hligal du yóm knóngen yó.

Kun Snulat Jan 3:23

Dalang se ke Jan, mabtays se kun bè yóm benwu boluyen Inun, lemoni bè Salim. Yó gónón mabtays ditu, abay se bong yóm élen. Tódô seflós tau tendo gel mógów ebéléen na le e hbabtays du.

Kun Snulat Luk 16:16

Gu laanen là deng sut yóm Jan gel mabtays,” mon Jisas, “són yó gel hlolò le yó kem tau, són yó kem tehe hlau Musis, ne són yó kem tehe snulat yó kem gna tugod Dwata. Okóm bè yóm deng ksut Jan, nbuten bè yó ne wen Tulón Hyu hetngón le gbak ebè yóm kmò kogot Dwata tau. Bè yóm kungol le du yó kem tau, hotu le gel le anì gmung le.

Kun Snulat Luk 3:7

Tey tau wen tendo mógów ebè Jan na le e hbabtays du. Okóm yó gel mon Jan mò kul, “Ya nim yu, deng ye mkél bè ulal, gel hemlóy ofi. Ilóu ofo kuy ke tô ye gewà lemen yóm angat tafak Dwata tau ke olo ye hbabtays.

Matyu 4:25

Ya tey tau wen lemolò du lemwót gu bè klamangen Galili ne bè klamangen yóm benwu bnoluy le Sfolò Benwu, ne bè syudad Jirusalim, ne bè klamangen Judiya ne yó kem dumu benwu sentu él Jurdan.

Matyu 2:1

Bè Bitlihim tehe gónó Jisas sut, yóm sotu benwu udì bè prubinsya Judiya. Bè yóm kdaw yó, Hirod yóm tau hol geta bè yó. Timbow deng malù legen udì yóm ksut Jisas, wen kem tau hulung hménég blotik gdek bè syudad Jirusalim, lemwót le fi gu dmata kdaw. Wen snólók le bè yó kem tau bè yó, mon le,

Kun Snulat Luk 3:3

Yó gónó Jan tendo mógów lem blóng yó kem tau menwu tmubé yóm él boluyen Jurdan, wen hetngónen kul, monen, “Hegsel ye ne, knogol ye yó kem sidek gel nmò ye ne hbabtays ye, ne hnifót Dwata salà ye.”