Matyu 3:16 - Udél Dwata: Gna Kesfasad ne Lomi Kesfasad

¹⁶ Timbow hahun gu lem él Jisas, tódô henmungen hnas bè longit, ne tódô tonen se yóm Tulus Dwata htuntun etahen gu bè longit, hol lómó kmoen obun, ne tódô mdef béléen.

Matyu 3:16 Referans Kwoze

Isaya 11:2

Yóm tau monu yó, angat tey kbeyenen béléen yóm Tulus Dwata. Yó se gónón lemwót yóm khulungen hedem ne yóm khulungen mit yó kem tau nogoten. Angat tngónen yóm kun kóyô Dwata ne angat wen klikoen mulé du.

Mark 1:10

Timbow hahun gu lem él Jisas, tódô tonen hnas longit, ne tonen se yóm Tulus Dwata htuntun etahen gu tta, hol lómó kmoen obun.

Isaya 42:1

Yó udél Dwata, monen, “Ni sii yóm tau dou tóbóng lówó, yóm tau tendo ten-gelu. Du se néléku ne tey hyu nawahu ebéléen. Deng suu béléen yóm dou Tulus. Ne du mit yóm kukum tedeng bè ket benwu.

Isaya 61:1

Yóm Dwata hol dandónen geta gónóhu mogot, deng suen béléu yóm Tulusen. Deng néléken ou ne hógówen ou mò mit yóm tulón hyu bè yó kem tau élél ne mò hemyu nawa yó kem tau deng lebà nawa le ne mò fen heglalag du bè yó kem tau negef ne bè yó kem tau blanggù yóm kegewà le.

Kul Nmò 7:56

Mon Stéfén mò kul, “Tenngel ye dé. Tódô hnas longit. Tu dé yóm Ngà Tau mdà bè kwanan Dwata.”

Isikél 1:1

Bè yóm deng tlu folò ne halayu wen hton Dwata do. Htonen do bè yóm glimuhen kdaw bè yóm gfaten bulón bè yóm halay yó bè yóm knóu lem blóng yó kem dumuhu negef lemwót bè Juda nô bè kilil Él Kibar bè Babilun. Bè yóm kdaw yó tódô tonu hnas longit ne hton Dwata do yóm kun kmò.

Kun Snulat Jan 3:34

Yóm tau hógów Dwata yó, udél Dwata tulónen, abay se tódô sù Dwata béléen yóm kun Tulus.

Isaya 59:21

Ne wen senfasad tekuy, duhen yóm keblayu du kuy yóm dou Tulus ne yóm dou tolok ne laen kô dù tul sónen yóm knóen bélê ye. Ne yó mò kuy fasad do, nbuten ni yóm hol kimón ye do. Yóm kimón ye do yó, hol senflós ye tmolok du bè yó kem ngà ye kkólen bè yó kem angat sfu ye.”

Kun Snulat Jan 1:51

Tódô tulónu kuy ktahuhen,” mon Jisas, “angat ton ye hnas longit, ne yó kem hógów Dwata gu bè longit htuntun ebè yóm Ngà Tau, lel le bud haway eta.”

1 Jan 5:6

Bè yóm tehe ksut Jisas Krays lem nim benwu ni, wen gónó tekuy dmilô du ke du yóm hol Ngà Dwata, duhen bè yóm tehe kehbabtaysen, ne bè yóm tehe kgamà litóen bè yóm katayen. Là olon du bè yóm kehbabtaysen yó, okóm yóm kgamà litóen snéen. Yó hol gemtanud du yóm ktahuhen nim monu ni koni, duhen yóm Tulus Dwata. Yóm Tulus Dwata, sok wen monen, deng duhen yó.