Matyu 3:12 - Udél Dwata: Gna Kesfasad ne Lomi Kesfasad

¹² Hol lómón ke eles mit teef mò teefen yóm angat knusuhen. Ne gotu otunen eta fol yó kem usoken. Lemwót yóm kafahen tódô ntemen bè yóm ofi laen kô dù tul katayen.”

Matyu 3:12 Referans Kwoze

Malakay 4:1

Yó bud udél yóm Dwata laen dù là gbeken du, monen, “Ke sut yóm kdaw kkukumu tau, lómó kmou kul lómón ofi gotu himot kenen kdéen. Yó kem tau heklabak ne yó kem tau gel mò sidek, angat le gotu mlób bè ofi lómón klób lami. Gotu ken ofi lu lómón kken ofi yóm koyu, gotu gomong dolilen ne kem hangahen laen kô dù tebel du.

Matyu 13:30

Na ye tódô hbungu lemen he yó kem halay. Sok kól bè angat kutahu du, gna hekdutu yó kem tau muta yó kem kluon yó, gotu benkes lu ne ntem le. Omin yó he muta yó kem halay, ne omin ye mogut kul ebè fol.’ ”

Kun Snulat Luk 3:17

Hol lómón ke eles wen teef nwiten mò gónóhen tmeef du yóm angat knusuhen, ne otunen eta fol yó kem osoken. Lemwót yóm kafahen, ntemen. Ne yóm ofi gónón mtem du yó, ofi laen kô dù tul katayen.”

Isaya 41:16

Sotun, lómón ke tmeef halay kmò ye kul. Gotu sohul ye lu eta ne mung le holis bè lenos. Angat wen lenos bong gotu semkla kul. Angat ye hligal bè yóm kdaw yó abay se ou se kuy Dwata. Angat tey kdóyón ye dou, yóm kuy Dwata yó kem tau Israél, yóm Dwata laen kô dù belenen.

Matyu 13:41

Angat dók yóm Ngà Tau yó kem hógówen gu bè longit anì gotu kó le yó kem kdéen tau gel mit kem dumu le mò sidek, dalang se yó kem dumu tau gel mò sidek, gotu kó le lu.

Kem Lingón 1:4

Okóm tólóng kul yó kem tau gel mò sidek. Yó gónó te e hmingón kul, hol lómón ke kafa halay, gotu le gmung holis bè lenos.

Jirimaya 7:20

Duhen ni, ni se udél yóm Dwata hol dandónen geta, monen, “Tódô koku eta nim benwu ni yóm tey lebutu. Koku eta yó kem dou tau ne eta yó kem ógóf le. Bud koku eta yó kem koyu ne eta yó kem hulu. Nim lebutu ni, hol lómón ke mkal dilóf ofi ne laen kô dù tau gembek hmatay du.”

Kun Snulat Jan 15:2

Ket hangahu là munguhen, sal ntoken. Ne ket hangahu mungu, sal gel hen-gifaten anì hol temnù kbunguhen.

Jirimaya 15:7

Tódô ket benwu bè nim tonok ye ni gónów e tmeef kuy. Gotu genlau yu kem dou tau ne gotu hlangagu yu, abay se là kô kó ye du yó kem sidek gel nmò ye.

Jirimaya 17:27

Okóm, mon Dwata, ke là nimón ye do ne ke là hetfing ye du ebéléu yóm Kdaw Kehegnô ne ke mit ye hbalù mlan bè yó kem bak tikeb bè Jirusalim lómón yóm gel nmò ye bè yó kem dumu kdaw, angat gotu ntemu yó kem bak tikeb bè Jirusalim. Yóm ofi yó, ngangen mken efet kól bè gónô bong yóm tau hol geta mogot kuy ne laen kô dù gembek hmatay du.’ ”

Isaya 30:24

Yó kem safì ye ne yó kem kudà ye gel dmadu, tey tilob kehken ye kul.

Isaya 1:31

Yóm bnes ke deng hol mékéng, balù olon kutu ofi mógów edu sana ketomen. Hol lómón yó se kmò keglà le yó kem tau wen kfasangen nim kmoen ni. Tódô lemwót bè kul ksidek nmò gónó le meglà. Ne laen kô dù tau gembek hemseng du bélê le yóm keglà le.

Kem Lingón 35:5

Hol nyufem lu mayuk lómón ubek mung holis bè lenos. Yóm lenos hmolis kul yó, hwit yóm hógów Dwata.

Matyu 13:43

Okóm kul yó du kem kun tau Dwata, hol lómó angat keslinang le mata kdaw ke sok le deng kól ditu bè yóm benwu nogot Mà le bè longit. Yóm tau wen klinguhen, hol hmungol.”

Amus 9:9

Yakà deng monu du angat gotu hefsideku yó kem tólóng benwu yó kem tau Israél, lómó kmou kul, lómón yóm halay tneef anì mkó kafahen. Okóm balù sbotù halay hyu ke btang ebè tonok.

Husiya 13:3

Yó gónóm mon angat le gotu lana ni kem tau ni lómón lobun ke hlafus, tódô kmanas ne lómón ke amù, tódô lana bè nóng kdaw ne lómón ke ubek holis bè lenos, là bud tonem du ne lómón kebel ofi tódô lana.

Isaya 27:4

Là bud lenbutu du yó kem huluhu. Ke wen tonu ngà koyu semnual duhen ke wen kluon semnual tô hemsidek du, tódô gotu ntemu lu he.

Matyu 13:42

Gotu tudà le lu elem lanaw ofi. Ditu gónó le heslaf dmumu mkik, ne sembéhé kakim.

Kun Snulat Luk 3:16

Okóm yó udél Jan ebélê le, monen, “Béléu do, él gel babtaysu kuy. Okóm wen móyón sut hol mfasang sentahu. Là kóe knóón baluen ke olohu hesek béléen. Yó kun kmò kbabtays yó kem tau mimón béléen, suen bélê le yóm Tulus Dwata. Bong yó kem tau là mimón le, ofi moen kul.