Matyu 28:9 - Udél Dwata: Gna Kesfasad ne Lomi Kesfasad

⁹ Bè yóm igò le mlóy, tódô senlong Jisas lu, ne monen mò kul, “Dwata he henek nawa ye.” Tódô le hloni ebéléen yó kem libun, mtud le bukol bè soluhen, ne nogot le tihen.

Matyu 28:9 Referans Kwoze

Matyu 28:17

Timbow ton le Jisas bè yó, ya tey kdóyón le du. Okóm wen se bélê le tolo megewu nawa le du yóm deng bud klowilen.

Matyu 14:33

Yó kem dumu gel lemolò ke Jisas nô lem yóm ówóng yó, botong tud le bukol le bè soluhen, mon le, “Tahu uu se yóm Ngà Dwata.”

Kun Snulat Jan 20:28

Mon Tumas se, “Tahu se. Uu se hol gónóhu mogot. Uu se hol dou Dwata.”

Kun Snulat Luk 24:52

Ya tey kdóyón le du, ne tey kligal le bè yóm kulék le ebè Jirusalim.

Kun Snulat Jan 12:3

Bong ke Midi kun, wen sotu sobuy hboo nwahen, yóm boo boluyen nard, yóm laen dù boolen, alì mebtes, ne tey tilob boohen. Gotu koken te ti Jisas, ominen bud mifu du weken. Botong lengeben gu lem gónô gónón e mbel boohen.

Kun Snulat Luk 7:38

Yóm kkólen bè yó, tódô mdà klohok ti Jisas, ne mkik. Gotu temdak ete ti Jisas yóm lewoken, ne bud ifuhen du weken, gloken melek tihen ne twélen du yóm hboo yó koni.

Deng Hegfan 3:9

Ngem, deng wen bélê ye nfun Seitan, duhen yó se kem tau snalig le yóm ktau le Ju. Okóm sundu dou tau du yó kem tau yó. Angat htudu lu bukol bè solu ye, yó se mò gónó le temngón du yóm kbong nawahu kuy.

2 Kurin 13:11

Duhen yó, kem dumuhu setwoli, hol ye gel hgulit. Hol hnungol ye ni kem hlauhu kuy ni. Hol sensotu ye kut nawa ye. Bê ye bud hesgólól kehedem ye. Ke ni se nmò ye, beyen bélê ye Dwata. Du se gónón lemwót yóm kesbong nawa ne yóm kenek nawa.

Kun Snulat Jan 20:19

Timbow deng legen kifu bè yóm Akad yó, gotu le stifun yó kem gel lemolò ke Jisas. Ne gotu hen-get le bak tikeb le, abay se likò le yó kem Ju wen glal le. Okóm tódô hetnga mdà lem blóng le Jisas, monen mò kul, “Dwata he hol henek nawa ye.”

Kun Snulat Luk 1:28

Tódô sut bè Midi yóm hógów Dwata yó koni, ne monen mò du, “Na Midi, tey nawahen kóm Dwata. Tendo gel nô béléem.”

Isaya 64:5

Tey któbóngem kul yó kem tau hligal mò du yóm tedeng ne là klifót le du yóm hloloem kul bè klowil le. Tehe tey kebutem kum, okóm tódô senflós me mò du yóm sidek. Igò yóm tey kebutem kum mom henlel me mò du yóm sigol lemwót bè kbuten.

Matyu 23:7

Dalang se ke mógów le ebè fedyan, kóyô le ke hol nadat tau lu ne ke tnaba le lu ‘Tau tmolok.’

Matyu 28:8

Tahu se, kendel le lemwót yó kem libun. Ya tey kligal le, mung du yóm klikò le. Tódô le mlóy na le e tô tulón yó kem gel lemolò ke Jisas.

Matyu 28:10

Mon Jisas mò kul, “Bê ye abay hlikò. Na ye e tulón dou tu kem dumuhu setwoli anì mógów le ebè Galili. Ditu he gónó le mton do.”